網上經常有很多傳言，又話每次入少少油，令車重減輕，可以省油。又話混能車，多舊電，多舊摩打，負重多了，省不了油，究竟真相係點？
首先入少油、少負重，可省油，或許是真，不過省到的油微乎其微，對比多次出入油站，所產生的麻煩，根本是不化算。好簡單咁計，滿油及冇油的重量差，不過一個人的體重左右（視乎油缸大小），一次過打爆油缸，跟陰啲陰啲入，差距也很細，因打爆油缸，會越用越少，重量越來越輕，故平均計差1/4至1/2個人體重量，但每次去油站，開車、停車、怠速係最食油，車程跟中間的燈位，引擎空轉又食油，所以省不了幾多，嘥氣！倒不如清一清後尾箱雜物，又或者成家人斷食減肥，齊齊減番二三十磅，長期減重，仲實際！講真，一架車約1500KG，即3300磅，就算少100磅，省油也微不足道，座滿成車人就話負重，陰啲陰啲入油可省油，咪玩啦！
至於混能車，我以自己部Yaris計，車重1615KG，同樣細車的福特Fiesta純電油車車重1565KG，重不了幾多，電池得0.9KWH，與真電車一般有50KWH，完全兩回事。再者是否省油，這裡是計MPG，即每加侖油可行幾多里，唔使理架車幾重，Yaris1500cc混能車比Aygo999cc電油車更省油，咁即係省油，問題要問啱，不是問是否省油，而是問省油是否能抵消車價，主要視乎駕駛量，英國應該無問題，接送返學放學已駕了四轉，仲有去超巿，假日返教會或外出遊玩。
要省油，日本車一定比歐洲車省油（車較輕），傳動系統，手波、CVT最省油，AT最食油，再加上混能系統更省油，得出結論，日本CVT混能最省油，豐田買Corolla、Yaris，本田買Civic、Jazz。
沒有留言:
張貼留言