貧窮，許多人歸咎於出身、環境、際遇、命運…總言之唔關自己事。你貧窮只有一個原因：因為你不愛錢。
如果真係愛，你會用盡一切方法，將佢留喺身邊。你愛嘅女人會為佢咁做，點解錢卻唔會呢？因為你根本唔愛錢。
當你要買名車，你考慮是要車唔要錢。
當你要買名錶，你考慮是要錶唔要錢。
當你要「萬歲」，你考慮是要面子唔要錢。
既然你所做一切都係唔要錢，求仁得仁，你貧窮也是理所當然。
真正要身體健康，根本不需去健身房，囚徒健身已經可以。
我將囚徒健身融入窮人生活，成為窮人健身。
西超「魔域腎」嘅「青龍米」4.5鎊，5KG，又可以當啞鈴咁用，雖然唔係好揸手，但用塊布套住，都OK嘅！以前聽故仔「陶侃搬磚」，覺得啲古人得閒嗰頭冇嘢做，好無聊，今日到了我這個年紀，終於完全明白，今日個故仔變成「大L搬米」。
今日我苦口婆心奉勸年輕人，唔好單純追求詠春黐手、跆拳花巧腳法…之類，要練到落地嘅功夫，必定由基礎練起，心肺功能及肌力係永遠走不了，我地啲老野，深蹲便足夠，後生仔，要負重嘅深蹲，如果唔係點有馬，講甚麼力由地起都係呃人，再加臀橋、平板支撐、掌上壓（俯臥撐），跟住打空拳、打沙包、打壁包，再練自由搏擊…。
（妨間某些詠春，冇馬、冇腰、冇手，你唔做攤打，冇問題，至少要護手，而非下垂，今日所謂師傅，個個都係做戲，但做戲都唔做足，我真係冇野講。）
窮人都要生活嘅…
今年炒燶咗股，冇錢，肯定返唔到鄉下，唯有自製「講式」奶茶，止一止鄉愁，去了三間西超，才買夠三種茶葉，每種都有不同功能。
在「嬰國」，只要是自己煮食，成本係有限，只要唔怕麻煩就可以，我已經解鎖用洗碗碟機，每次電費約30便士，大約3講元，洗碗碟清潔劑，每次20便士，大約2講元，有的甚至1講元，而且我仲係簡單沖水，累積碗碟一日才開一次機，每月約150講元，唔出街食已抵消條數。
我現時既處境，就好像負資產人士，收入增加，但資產下跌，表面風光，但有苦自己知。
當「拆掠」MSTR下跌至130元，已減持一半，一方面避險，一方面冇錢交稅，要做蝕錢數。新財政年度，戲碼又重新出現，又係好似賺好多錢，要交幾十萬稅，但「拆掠」再跌至85元，佢嘅借錢優先股STRC也跌至75元，即係冇人敢借錢俾「咪膏死喇」，我嘅資產再一次下跌，基本上交稅係可以，但本金咁跌法，孖展保証金經常發警告，好難再賺大錢。
「俾突幣」由高峰12萬幾，跌至5萬幾，「拆掠」由395元，跌至85元，如果資產最大筆是「彪浦500」追蹤基金，今日就不會如斯地步。
劉邦能夠打敗項羽，除了韓信幫佢打江山，也要蕭何幫佢穩住大後方，補給兵源及糧草。今日期權好似韓信一樣攻城掠地，但大後方「拆掠」卻頻頻失守，江山也守不住，咁點玩呢？
仆街嘅人，係有仆街嘅樣，就係洗腳唔抺腳嘅人，有些人未富先過富有生活，一定冇將來。我慣常以「低奴」、「窮鬼」自居，未窮先窮，搵緊十萬八萬，仲帶緊爛鬼膠手錶，「歪芺」已經睇實盤數，後欄起火，唔俾使錢，先是酸種麵包，後是希臘乳酪、咖啡，飲茶，去中超買家鄉野大幅減少，如果永居冇錢，車都要賣埋，大丈夫能屈能伸，有甚麼做唔到呢？上一次係重出江湖，今次係節衣縮食，應該冇問題嘅！
股票係無常，但人總是希望找出一些規律，從而能賺大錢，有人裝「聾蝦」，用AI助理追蹤數據及基金佬講話，咁「俾突幣」，有人就用power law。
其實不過物理學家整出嚟嘅數學模型，希望找到走勢，2026年目標係14.5萬，2030年係47萬至100萬。今日我淨係知6萬元也守不住，「拆掠」剩返85元，資產三球也守不住，我都就嚟要揸兜乞食啦！
唔好話14.5萬，升番10萬，已經算喇，唔好話發達，攞番本金就算。
以前一星期去飲茶或自助餐，再加中超買野，100鎊，一個月400鎊，現在一個月才一次，可能要再減。酸種麵包、希臘乳酪、咖啡，我都唔敢再買，「歪芺」話如果永居、入藉冇錢咁點，咁咪賣埋架車，兩條老野唔好做懶蟲，死出去做野…。
本星期嘅期權賺三皮幾，但賺錢速度追唔上蝕錢嘅速度，隨著資產下跌，可以透過期權賺錢能力也受限，虛幣不升，禍不遠了！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
製藥嘅人，自己係絕對唔會食藥。
機械潤滑油（植物油）只會俾人食，自己係絕對唔會食。
咁你都唔明，如果嗰啲係好嘢，佢自己都會用，問題係佢哋都絕對唔用，就算有癌症都絕對唔會用抗癌藥物及放射性治療，只會用自然療法、順勢療法，因為佢哋比任何人都清楚這是甚麼東西，所謂藥物、食物…不過是包裝了嘅毒藥，你食嘅只不過化學元素週期表下嘅化學品。
所以投資也會面對道德嘅挑戰，我雖然盡量避免煙毒股（如煙股、博彩股、大麻股），但食品廠、藥廠…係幫人？定害人？「可烙」係讓人開心嘅飲料，令你上癮，同時也讓人有糖尿病，體重超標，心臟及血管問題嘅元凶。藥物係幫人止痛或解決問題，同時卻沒有根治疾病，要人永久依賴，咁樣嘅邏輯同毒品係冇分別。
既然我們對「天朝」嘅化學料理、預製菜、農藥菜、激素肉、膠水肉、假食物…都恨之入骨，但對於大食品廠、大藥廠，那些型象良好嘅產品，卻沒有同樣嘅憎恨，「無糖可烙」嘅代糖係致癌，同時也會誘發胰島素嘅分泌，對減肥毫無幫助，卻大口大口當健康飲品咁飲，去「勿當奴」咁開心咁食，咁係弱智？定低能？還是精神分裂？
我哋咸豐年前讀經濟學，都知公司成立目的係利潤極大化，講白啲即係賺最多嘅錢，毫無道德可言，盡其量跟足當地法律，已經仁至義盡。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
「私己然」決定下台，不過唔好以為「賓含」做首相會好，「私己然」係衰，但為爭中間選票，唔會太過份，當然呢招吃力不討好，流失選票。
「賓含」在剩餘時間做唔到幾多野，只會加稅、加福利、保選票，手法更極端，「嬰國」監生俾佢哋玩死！
「嬰國」自「脫勾」以後，十年換七相，並未好過，以為黐埋「尾國」有著數，點知「尾國」照加關稅，以為黐埋「天朝」有著數，點知大使館咁少事都攪唔掂，訪問「天朝」，受到冷待，周圍都冇朋友，咁點攪呢？
「嬰國」唔好，在這裡生活嘅人又點會好，某些移嬰講人都自嘲！
今日世界嘅現象，令我想起「幽遊白書」嘅反派角色：左京。
今日有個「傻佬」做緊同樣嘅嘢，佢賭甚麼都贏，甚麼生意都贏，試射火箭幾乎破產，最後俾佢成功，攞埋NASA合約，生意涉及火箭、上網、AI、電動車、社交媒體等等，財富累積全球第一，背後真正嘅意圖，係要飛往火星，甚至殖民。
有錢佬諗嘅嘢唔係我哋凡人所能理解，如果佢哋只有凡人嘅思維，就只有凡人嘅財富，因為財富一定與個人嘅認知、思維匹配。
左京做甚麼地下生意，根本係沒關係，因為最重要賺到足夠嘅錢，達成自己嘅心願。AI也是一樣。
AI嘅願景最終可解決一切問題，甚至疾病都可以破解，生產力大幅提升，產出多於使用，邊際成本接近零，人人都可白白享受，願景多麼美好、夢幻…。
今日地球嘅糧食係足夠所有人吃飽，但最後結果係點？正好解答了將來，產出多於使用，差不多成本接近零，仍然係饑荒處處、屍橫遍野、戰爭不住…。
AI係咪真都唔重要，重要係大部人認為真及可行，這才重要，有一個合情、合法、合理嘅方式，盡收天下財富，然後累積財富，打造最安全嘅避難所，即使幾危險，佢哋都要活下去。
不過對世界級富豪，並未足夠，即使核戰，也要繼續生存下去。
AI、太空科技…成功與否，都唔係俾啲窮鬼用，不過這次宇宙級嘅豪賭嘅外圍，已經開局，普通人都可參與，就係嗰隻「士卑益匙」SPCX，如果好似專家所講，呢隻股票係龐氏騙局，公開招股就係掠奪全球投資者，咁當佢出售火星天價避難所及星艦套票，就係掠奪全球超級富豪。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
有好多野，你只要解得通，就有機會成功。
財富嘅本質是甚麼？投資嘅本質是甚麼？請用第一原理，找出答案。唔嘥時間直接道出答案：
財富嘅本質係累積，唔係暴富。
投資嘅本質係風控，唔係拼命。
如果你期望有一日找到一隻股票，All in，以期可以短時間暴富，咁肯定唔係投資，係賭博，也唔會真正得到財富。
如果我買「咪膏死喇」嗰隻高息融產品「拆掠」優先股STRC，年年收11厘，算唔算投資？首先要知「咪膏死喇」融資係做甚麼？唔係做正經生意，而係炒虛幣，「俾突幣」價格不住下跌，條友還息都有疑問要賣幣，打破了以前一幣不賣嘅承諾，隻野變賣100元原價都冇，得八十幾元，咁即係賺息蝕價，買尾債已變104元，這隻得88.62元，加埋11元利息，只有99.62元，比本金100元還少。當然你可以說八十幾元買較安全，但別忘記金身已經破了，只要「咪膏死喇」要賣幣還息，人們有絕對理由質疑他還錢能力，有違約風險，價格才會急跌。
幾年前「痕大」嘅債息係12厘，最後結果是total loss，俾得咁嘅息，你都預咗！風險跟回報係成正比，十幾厘要冒很大風險。
投資要風控，高風險部分可以買，但比例不能太高，我都因為錯信「咪膏死喇」，重倉「拆掠」MSTR，才攪到今日如斯地步，做冇殼蝸牛。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
人生太多苦難，經歷太多，我才可以處之泰然，笑傲江湖！
貧窮，許多人歸咎於出身、環境、際遇、命運…總言之唔關自己事。你貧窮只有一個原因：因為你不愛錢。 如果真係愛，你會用盡一切方法，將佢留喺身邊。你愛嘅女人會為佢咁做，點解錢卻唔會呢？因為你根本唔愛錢。 當你要買名車，你考慮是要車唔要錢。 當你要買名錶，你考慮是要錶唔要錢。 當你要「...
