愛丁堡詠春：對詠春冇興趣嘅人會教到好詠春麼？

 詠春拳嗰種無招勝有招，專攻破綻嘅拳法，怎不令人心動，我都係咁樣俾人呃咗入局，耗費了大半身，最後一無所有。

不過呢啲興趣班水平，又想得到甚麼呢？俾你去到極致，咁好似我啲師兄，攞到泰拳理事會嘅業餘拳王及武聯嘅業餘散打冠軍，一到疫情，經濟就困難，以為雨過天晴，又遇到意外，生計都有困難。

炒下股，玩下三十年前嘅世嘉超級大戰略，已經夠開心，我唔需要最新遊戲機。當年二手咭帶都要300元，仲有一本好厚嘅說明書，玩完遊戲，了解到除了海軍唔夠英國打，德國嘅陸軍係領先世界，嗰架對空戰車砲，又可打戰機，又可打坦克，靈活度甚高。

詠春之道都係咁嘅啫，避實擊虛，英國海軍勁，就不正面交鋒，用潛艇伏擊，用陸軍嘅優勢輾壓。當大家都擺好樁頭戒備時，係完全沒有破綻，只有在進攻或防守（特別在錯誤防守時），破綻才會出現，因此宗師最初所傳嘅打法，係以靜制動，等待對方先出手，露出破綻，然後可以圖也！詠春已經沒有叱咤威猛嘅動作，仲要咁被動，自然難以吸引人，生意淡薄，慘淡經營，學嘅人也不多。這種等人先出招嘅方法，空手道稱之為「後之先」，我哋稱之為「後發先至」，高手甚至雙手垂低，引對方出招，好像有一次拳賽，泰拳拳王羅唐，就係勞氣對手左閃右避，想用點數贏，要求對手拳來拳往分勝負。

我哋唔係要做全方位搏擊拳王，要體能、抗打、搏擊技術等等完全精煉，係冇可能，坊間99.99%師傅將黐手當作核心做訓練，打埋啲飛機拳都唔理，掂到人就當打倒人，最終套拳睇得唔打得。我告訴大家，古人在搏擊功夫，練到練無可練，要在近距離糾纏嘅反應都唔放過，才鑽研出黐手技術，應對近身搏鬥嘅處境，這叫錦上添花，今日嘅詠春，衫都冇得著，雕花又有乜嘢用？

你做得師傅，冇可能唔知，既知問題，繼續容許問題，繼續收錢授徒，咁即係點？

一個對詠春沒有興趣，只對錢有興趣嘅人，冇屈佢，鬼拍後尾枕，或者食了「誠實豆沙包」，講晒出嚟，這類師傅會教到你好嘅詠春拳麼？自己諗吓啦！

（「如果你擅長某件事，千萬不要免費去做！」有能力就要懂得為自己嘅能力開價，去爭取更高嘅榮譽及價值。）

IB投資系列：危機四伏

 現在嘅形勢仲可玩幾耐？真係冇人知。

尾國政府停擺，要使嘅錢、要發放嘅資金，完全停頓，但要收嘅稅項如常徵收，變相向巿場抽水，根本跟加息沒有分別。再者減息就能刺激投資，增加請人，令失業率下降麼？現實係讓企業投資AI，唔需要請咁多人，失業率反而上升。

「衫惡文」嘅「奧頻嘻埃」一季已經燒了900億，「標基」嘅「眉宛」仲有冇錢繼續支撐？

呢個生態內循環仲可玩幾耐呢？

你自己判斷，我淨係知道有人大量積存現金。

呢幅圖已經話俾我哋知道，差不多四千億，未來邊個係最大贏家？果然係「姜越老越辣」！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：小心睇路！

 本星期都好波動，永遠有危有機，就好似人生一樣，唔會次次都咁順。

嬰國好快又有割韭菜大行動，賺錢都冇用，喺時候趁機出晒啲陳年死貨，製造蝕錢帳目，減少交稅。

本星期蝕四皮半，目標在下年財政年度前蝕足六十皮，網上睇人富貴最冇癮，睇人仆街最開心，當娛樂下大家。

好多人賺好多錢，炒幣好多過億，但爆倉做砲灰也不少，波動大又高槓桿，好易發達，但也好易破產。真正富貴係初期投資者，怎樣波動、怎樣跌，對他們也絲毫無損，因為他們持貨成本極低，除非「彼突幣」價值歸零，否則要死也很難。

「同人唔同命，同遮唔同柄」，我哋嘅處境要做蝕錢操作，如果我在「鄉講」，咪一樣要捱眼瞓炒「尾股」，用蝕健康去換錢，都係等價交換。

一方面蝕錢，另一方面也要賺錢，賣了七張期權合約，1459尾元，都有皮一講元，幫補下吧！

留意某電車看跌期權，400元看跌期權俾了5.02尾元期權金，一張合約100股，502尾元，差不多四千講元，相當高，可能跟薪酬方案獲大比數通過有關，但要知道要達成這些目標相當困難，唔係咁簡單，即使「馬屍黑」有擎天大志，也不代表佢一定做到。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：用盡剩餘價值

 每個人都係為咗生存、為咗搵食，都唔可以話怪邊個，教低質詠春，都係詠春，做快餐，都係食物，雖然不是米芝蓮美食，但都係與付出價錢相乎，明買明賣，沒有可指責嘅地方。（我係怪嗰啲師傅戲都費事做，沒有職業道德）

好像以前「啊驕」被爆與「塵罐浠」嘅事情，許多粉絲很難過，因為與她們偶像嘅形象不乎，無法接受。不過，其實形象都係做出來，跟佢嘅真人完全冇關係，完全係美麗誤會。

（撇開政治立場而論，都係搵食啫，美麗誤會係你嘅問題。導演「黃精」回歸前拍嘅戲有幾多係諷刺國家，如今，幾恭敬謙卑嘅話也是由同一個口講出，難道今上唔知咩！）

好像我哋對功夫師傅嘅俠義形象及想法，其實與真實也成強烈對比，造假、作弊時有發生，食煙、飲酒、叫雞…無惡不作，有事走得最快，「俠骨仁心」、「見義勇為」…發夢吧！

運動員，有幾多可以好到尾，好似「咪膏阻噸」得著財富，永享富貴，「大胃迫鹹」得到封爵，永享榮耀。絕大部分運動員不得善終，佢哋唯一出路就係在剩餘價值未用完以先，盡量利用，例如做保險，靠著自己嘅健康形象及知名度，只要進取心夠，要賺一桶金也非難事，至於從政，除了延續影響力，或對家族也有正面影響。

運動員跟旅遊界完全沒有關係，大家都知乜嘢事，上頭想找一些新血，推高投票率，然而一出來見記者，全人O嘴，高分低能，同「融凱因」一模一樣，事與願違，可能如意算盤打唔響。

（「飛鳥盡、良弓藏，狡兔死、走狗烹，列國破、功臣亡」。）

每一個人都有動機，我唔怕同你講，寫呢個網址嘅人都唔係好人，條友仔喺「嬰國」無聊過頭，「迫鹹」如果唔係為咗封爵，會做咁多公益麼？真係為咗服務社會而出嚟參選麼？就好像說為傳揚中華武術出嚟教拳嘅師傅一樣咁虛偽！

（周公恐懼流言日，王莽謙恭下士時。假使當年身便死，一生真偽有誰知？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

愛丁堡詠春：墮㬹

 詠春小念頭開式，拍腳、抱拳、開二字箝羊…

點解要抱拳？要個身平正麼？抱到腰位就OK喇，怎麼要抱到胸嘅高度？一則拉盡關節極限，收到最緊、放到最鬆。二則為日後㬹法做準備。三則要兩手獨立，可以一隻手郁，另一隻完全不郁，就好像雙黐第一步「分手」。

只係抱到腰位，顯然唔合格。

一出拳，抱拳就鬆懈，鬆晒㬹，即係墮㬹，頭位嗰個應該係最好，偏偏最難睇，馬未至擘馬，但腳㬹要闊一點，後面嗰位又闊過頭，總係睇唔順眼。

有時咁諗，會唔會太挑剔呢？冇擘馬咪算囉！墮少少㬹咪算囉！不過如果真係係咁嘅話，樣樣都差少少，最後會變成怎樣呢？當然以訓練質量及時間來講，根本不可能跟職業拳手、業餘拳手比較，但恐怕普通人都打唔贏！如果咁樣，學跟冇學都冇分別，咁學嚟做咩呢？

「小念頭不正，就是不正，練功如是，做人如是」，小念頭開馬以後，就係要做到不動如山，一邊手做，另一邊完全唔郁，保持結構，用最有勁打出日字衝拳，單單用手力，但全身要穩定，沒有任何擺動，做好一邊，再做另一邊，小念頭係練功之法，唔係用嚟打，打架當然雙手並用，但如果一邊手都做唔好，何來雙手配合呢？就好像練雙黐手時嘅「分手」，只有一隻手郁，另一隻完全唔郁，一動一靜，如果咁小野都做唔到，肌肉協調都不能，倒不如慳番啲錢，或者在家睇下韓劇好過。

移英日記（370）雨後彩紅

 以前吉之島有嗰阿姐，係揸瑪莎拉蒂返工，做基層工作，比佢老闆仲要疊水，世事真係無奇不有。

所以有人揸賓利去洗碗，我不覺得希奇，就算超級富豪「標基」、「背索屍」在家中也爭住洗碗，只不過幫人洗就極少。

對我哋呢啲凡人、低奴，冇錢才需要返工，所以返工唯一意義就係賺錢，如果冇錢，返工就冇意義，尤其你擁有嘅錢對比工作賺嘅錢，根本微不足道，就更加冇意義！

神是工作嘅神，六日工作，第七日休息，神命令人管理伊甸園，顯然不是叫佢無所事事，工作也有意義，直至人犯罪，工作就變成咒挫，必須辛勞工作，才得足夠，無人例外。「你家成」有懶惰麼？顯然沒有，「馬屍黑」有懶惰麼？顯然沒有，既然富豪也沒有懶惰，窮人更沒有藉口。

教會嘅工作，基本係冇錢，牧師不支薪金，運作全靠奉獻維持，所有工作單位也是義工，主要開支係租金，傳福音靠福音養活自己是理所當然，但這裡人人都像保羅…

為免絆倒人，保持福音嘅純潔，也教導人不要懶惰。

所以人不能懶惰，要努力工作。

我就食個老早…

牛扒、炒蛋、炒雜菜，零碳生酮餐。

本星期五，賣番九張期權，1222尾元，折合9531講元，努力工作，必得成果。

人生難免困難，但終歸見到雨後彩紅。

愛丁堡詠春：擘馬

 就算你做足，也不代表打得，大家心照不宣，不過如果你係教拳搵食，怎也要做足啲，講句唔好聽，就算做戲，你都要做足，否則做甚麼師傅？

有冇料，睇你嘅馬就知，唔係睇你上面霹靂啪啦，個馬唔得，講乜嘢都冇用，這是甚麼馬？二字箝羊馬？側身馬？進退馬？退角馬？正確答案係：擘馬，詠春有這個馬麼？經常在知名詠春師傅都可見到，無一幸免，究竟係我孤陋寡聞？咁出名、出現頻率咁高、各大師傅都使用嘅擘馬，竟然唔識，真係「白學」派了！你敢講這是詠春拳！你敢在宗師墓前、黃公墓前，說這是詠春拳！我立刻收口！

點解今日詠春咁垃圾？因為師傅冇要求，只求賺錢，戲都費事做。我讀得書少，上短下長，才叫二字，因此二字箝羊馬，腳尖距離一定細過腳㬹距離，我唔係用把尺去量或者用量角器去量，純粹用眼去看，你唔係太離譜都算，擘馬擘成咁都很難自圓其說。

今日詠春只重黐手，就好像太極只重推手，將其中一種訓練視為全部，忽略了其他搏擊訓練，根本就不整全，甩皮甩骨，所以即使面對同樣興趣班嘅拳擊、泰拳、柔道，也迅速敗陣！

我哋唔可以再找藉口，練小念頭，不單係手部動作，下半身也同步練二字箝羊馬，所以黐手訓練，下半身馬步也同步訓練，成套野才較整全，不過我要講清楚，黐手係練感覺及反應，因此訓練本身好多野都閹割咗，拳唔會用力，唔可以當真實搏擊，不過好嘅黐手訓練也會同步去練埋馬步訓練，其實每一樣野係環環緊扣，手法也要做足，唔好以為真實搏擊求其出了膀手，拳會自動識停，冇質素嘅手法係冇作用，當每一樣野都有要求，力量就會好大，嗰套功夫才有用，反之，連個馬都做唔好，擘晒馬，甚麼力由地起，我呸！食屎吧！

（「中賠新」攪嗰個「無敵杯」咁柔嫩嘅拳手，已經勝過所有垃圾國術了。）