去到漁村，當然去飲茶…
這個地方有甚麼轉變？發展商企下嘅大型商場，都盡量租出，跟以前冇分別，但私人擁有嘅街鋪，因為全屬借貸投資，一旦減租，租值減少，銀行便call loan，所以寧願空出，也不願減租，未能因應經濟環境自行調節，街邊一片蕭條。
有政客提出「先租出去，做旺個巿」，但談何容易？減租租出去，銀行call loan即死。空著唔租，遲啲先死，你叫業主點揀呢？好似當年危機，我唔壯士斷臂，全沽講股、清空QQQ、Meta等，今日已經另一個境界，升做「中奴」。
人人說「申細介」個孫係敗家仔，「燉城菠」個仔係敗家仔，其實佢哋都係青年才俊，在旺巿嘅時候，一定叱咤一時，十大傑出青年都有份，只不過睇錯巿。
正所謂：「富人不亂來永是富人，窮人不折騰永是窮人」因為一旦成為高奴，要降級是不容易，因為有財力，佢可以分散投資，減少風險，好似「大瘤」，有投資海外物業，佢沽「嬰國」樓，保持現金流，沒有太多槓桿借貸，根本唔會死。「申細介」第二、三代傳人都好大喜功，債務急升，才招今日惡果，只不過佢大到不能倒，銀行局住橕，我立刻提醒親戚全沽「薈峰」、「痕身」等銀行股，可保平安！
唔好以為海外投資就有免死金牌，有些股票勁升，但高奴照沽，如果睇好後巿，唔會咁做，虛幣也是一樣，你話供應有限，人哋巨鯨一年已沽空50萬枚，你要幾多，佢會繼續供應，做人唔好咁天真，而家咁嘅時勢，個個攞錢走人！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言