人人想學誠哥、標基、馬斯克等成功人物，但若非天時、地利、人和三者互相配合，絕對嘅成功是不存在。又或者陰謀論咁諗，若不是得到幕後玩家嘅許可、恩准，有才華也未必有這些機會讓你上位。
多數有錢嘅人，或者一般人覺得略為成功、有錢嘅人，其實都係老千，或是溜走在灰色地帶嘅人，爭取點點冇被幕後玩家恩准嘅機會，這些東西，若非下三流手段，如何得到呢？你自己想下！
我都曾經俾錢去學投資，講緊都有幾皮，今日仍然俾「歪芺」責怪，基礎功法都係正路，但關鍵心法仍是在灰色，利用人嘅盲點，進行操作，一旦被發現，將要承擔法律責任，所以上課前已簽承諾書，不能公開所有內容，學員只有兩個選擇，已經洗濕個頭，一係照做，頭啖湯人哋都食晒，重有啲尾水，但有法律責任，一係蝕學費。
我並不是正人君子，賺錢嘅事，只要不違心、不犯法，我都會照做，信耶穌嘅人，從來不是好人，只不過是蒙恩嘅罪人，但係都有條底線，犯法嘅事，撈偏嘅事，如果係要做，我又何需窮到今日？都曾經心郁郁，但你唔係嗰啲人，你係做唔出，要做也做得比唔上人，要死都係死先，所以最後都係選擇蝕學費，唔做。
成功嘅人，會唔會教你？你何時見過誠哥、標基、馬斯克會開班授徒，真正成功嘅人，會有時間做這些無聊嘅事嗎？自己成功已經足夠，第八層嘅人係唔會容許更多人上到佢地嘅level，因為地球資源有限，不會容許有更多人分簿他們嘅利益，咁邊嗰人會教你發達？老千。
教我功夫嘅人，如果將所有功夫教識我，咁佢食屎咩！教變臉嘅師傅，如果將所有戲法教晒徒弟，咁多人都識，佢仲搵到食麼？
所以這裡不留言、不訂閱、不俾Like、冇披闖、冇課金…鐘意睇就睇，唔睇就get out，我鐘意寫就寫，一日三篇又得，成個月唔寫又得，做人瀟灑啲，到咗我這個年幾，重需要介意人點睇麼！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言