同人唔同命，同遮唔同柄

 其實人為了甚麼？

有的人辛勞只為最基本嘅生存，好一點可追求一點理想，有的卻為「封爵」，做各樣慈善活動，人前人後刻意建立恩愛家庭形象，其實爛到七彩。

其實乜嘢人都喺度搭雞棚，唔通貪你陣「老人廚」夠香咩！當達到目的，仲唔過橋抽板。

日劇「惡魔遊戲」，當人得到魔鬼鑰匙，分享到魔鬼能力時，人內在嘅貪婪、邪惡就會完全展現。

其實真實世界，唔需要甚麼能力加持，只要小小好處、小小油水，邪惡已經盡情展露。

記錄片「I am Celine Dion」，講述她患上冷凍人症嘅心路歷程，佢最難過是唔能夠再上舞台唱歌。

有人封唔到爵而唔開心，有人唔可以唱歌而唔開心，有人搭雞棚未攞到好處而唔開心，有的人更卑微，為三餐未能溫飽而唔開心。