IB投資系列：有早知冇乞丐

 巿場勁傳九月減息，究竟係咪真？大家都係估估下，如果有人對資訊有絕對把握，All in已經發達，又何需攪咁多大龍鳳，又要拍片賺擊點、披闖課金、開班授徒…

（網上有人All in，蝕10%算偷笑。）

就算你知減息，又假設係真，巿場嘅反應也非我們這些低等人類可以預計，以前讀經濟話，減息會刺激經濟，樓股皆升，究竟係咪真係會咁發生？其實係冇人知，因為經濟唔係差到貼地，美帝何來會減息呢？到真係要減息，經濟可能已經很差，失業率高企，要扭轉乾坤都唔容易。

大粒佬勁沽貨，六月已放，七月又放，沽貨價格大約126.34至130.34美元，今日某股票跌至120美元左右，如果佢認為仲有得升，點解唔hold住唔放，大家自行解讀。

波叔撤辣，幾多業主封盤，以為仲有得升，醒目嘅業主早早減價沽貨，壯士斷臂！

高官、大藍絲，資產放晒在歐美這些邪惡地區，子孫全部送晒去歐美這些邪惡地區留學，留番最好嘅投資機會及學位給你哋，多麼偉大！

如果特朗普當選總統，加60%天朝關稅，再加上晶片及高科技全封鎖，咁後果會點？大家自己想想。

當然冇人會知結果，如果有早知就冇乞丐了。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。