移英日記（425）健康長壽

 如果以健康計，一定係「嬰國」健康，甚麼「漁村」、「帶彎驅」，可能啲人chemistry太叻，廣泛用於food，做人都係天然啲好。

「上等人」去「瑪沙」超巿買「沙華刀」，要4鎊，我呢啲「下等人」，賺咁少錢，唯有去「呢度」超巿買，1.89鎊。

「下等人」靚牛扒就食唔起，平價簿牛扒倒是可以，3.99鎊，約40多元講幣，30日熟成，肉內嘅天然酵素會自然分解蛋白質，味道比新鮮牛肉，更香、更有肉味，實是窮人恩物。

投資好少少，由兩球鬆少少上返三球半，先有得食牛扒炒蛋、沙華刀早餐，至明年三月，財政年度結束，應該去到四球，不過我知道這不過紙上富貴，虛幣上總數就好睇，虛幣落就打回原型，再者，如果要扣回稅項、永居入藉等保護費、退還孖展槓桿、生活費，都冇乜增長。

我唔怕老實講，「嬰國」雖然高稅，但我計過數，回講生活反而更貴，主因是租金及生活成本，加上小兒中文極差，搬返「漁村」一定要讀國際學校，如果沒有這項目，「漁村」出外食飯咁方便，一定堅持唔到成日煮飯，租金也較貴，平不了。

這裡醫療、教育全包，屋宛或路邊無劃線免費泊車、租金較平、食物較平、油費較平、牌費較平、保險較平、電費較貴、外出食飯較貴，只要日日自己煮飯，交埋稅都比「漁村」平，當然我哋這邊只能賺最低工資，如果「漁村」有高薪厚職，又可以請菲傭，生活當然較好，冇必要嚟呢度受苦！但我哋呢啲「低奴」，以前都請唔起菲傭，家務都係自己嚟，同樣兩房一廳，但地方大一倍以上，兩個廁所，清潔量係加倍，但唔使爭厠所，一邊「爆石」，一邊沖涼，十分梳乎！

人都係追求健康、長壽，這裡肯定已做到，少病佢唔理你，叫你自己休息，再頂唔順，自己去藥房買藥，但大病一定醫到底。當然這裡有風險，不同政黨執政，政策會改變，首相「賓含」好大喜功，大派福利，但錢從何來？一定係加稅，炒股搵食等資產增值，往往被視為富人，「劫富濟貧」被視為義舉，對我哋尼講係十分危險！

英國駕車要穩陣

 做人最緊要穩陣，揸車更是。

「天朝」車輛銷量極佳，但路上見到，還是保持距離，可保平安，因為可靠度最差。

我沒有好建議，我只係揸最可靠、最省油嘅車，係沒有快感可言，要駕駛感，唔該科水！

電車好似有著數，但首要係住house，有driveway，可裝充電樁，否則冇意思。

每一款車總有優點、缺點，自己衡量清楚作出判斷。

移英日記（424）沒有對錯

 正所謂：「有人辭官歸故里，有人漏夜趕科場」，永遠都有人移民及回流，每個人嘅處境也不同，考慮嘅野也不同，沒有所謂對錯。

留也不代表英雄，走也不代表道懦夫。每個人都係考慮自己情況，作出最好嘅選擇。

我只係講自己，我並不是好有理念及堅持嘅人，我沒有上街、沒有示威，我只係覺得應承咗人嘅嘢，一定要履行承諾，這是十分重要。

某判頭欠我一皮，建造業議會某同學欠我兩皮，我嗰陣時有佢哋身分證副本，唔係電騙，要追，追到天腳底都得，可以找追數佬、可以向法庭申請佢哋破產，我可以攪到佢哋好麻煩，知道欠我錢嘅人都要附上沉重代價。但講真，呢啲都係沉沒成本，冇必要嘥時間，嘥精神！

（司馬懿何嘗唔係承諾曹爽只要交出兵權，便保其富貴，最後結果大家心照不宣。）

嗰啲唔守承諾嘅人，永遠唔會係我朋友，除非佢哋還錢，不過呢世人我都等唔到㗎啦！嗰啲濕碎錢當俾佢做帛金算啦！專心睇實個股巿好過！

「嬰國」都好黑暗，過橋抽板，給予承諾嘅party已失去執政權，你可以點呢？同樣，承諾「漁村」嘅人已經死了，你可以點呢？正所謂「冤有頭，債有主」，「燉小瓶」、「肛擇文」都死了，你點追呢？

過咗去嘅野都不過沉沒成本，再蹉跎都冇意義，倒不如識過一些新朋友，過一些新生活吧！

（你識做人，去到邊度，榮華富貴享之不盡。）

（又帶小朋友參觀巴士廠。）

（巴士廠見到HK巴士，百般滋味在心頭。）

（每一個人都有佢自己嘅選擇。）

移英日記（423）死都唔走？

 早前「鬚革難」、「威已屍」、「不愛已難」尋求脫「嬰」公投。

其實十劃都未有一撇，我唔講其他兩地，單看自己身處嘅「鬚革難」，外人睇，地廣人稀，又有強大風力資源，「不海」又有石油，只要獨立，就可以做另一個「羅威」，富到漏油⋯。

風力發電場，全個「勾洲」都係數一數二，電力遠超所需，但問題係未有足夠瓦數嘅電纜，傳輸至「嬰革難」，所以賣唔到錢。至於「不海」石油，全部都係老油井，產量逐年減少，收益佔比越來少，幫唔到手。

最現實係條數，「鬚革難」公共開支高過收入，換言之係「嬰格難」補貼，就好像一個兒子仲要問父母攞錢，講甚麼獨立！盡其量都係要拗啲好處。首相「背安得」或稱「賓含」都費事理你！

點解「鬚革難」唔夠使？一定跟福利開支有關，教育免費，由nursery讀到University，這亦是我嚟「愛叮寶」嘅主因，另外，醫療全免，「嬰革難」睇醫生都要收藥費，「鬚革難」免藥費，「嬰革難」讀大學都要收本地生學費，「鬚革難」可申請免費。這是做得好好嘅德政，醫療教育全免，唔係所有國家做到，世界最頭嘅經濟體，「尾帝」、「天朝」一概做不到！

小兒由nursery 讀至現在p3，小學嘅午餐都係免費，只係俾了牛奶錢，大個一點就要自己帶飯。

「嬰國」都有嗱喳嘢，自己乾淨便算！唔好理人！

我哋呢啲「低奴」，就算工作都係最低工資，扣扣埋埋都冇肉食，倒不如專心股巿仲好，截至現時為止，今個財政年度期權收入已八萬鎊，埋單肯定超十萬鎊，即係一球講紙，要預廿幾三十皮交稅，十幾皮永居，再加上生活費三十幾皮，再要還尾元孖展借貸，跟住入藉費⋯。

我就繼續節衣縮食，這對鞋，6.99鎊，即70餘元講紙，俾著喺「漁村」，沒有牌子、沒有數百元也不會著，嚟到呢啲苦寒之地，有排涯，唯有自求多福！

這裡唔係好，係買個確定性，明買明賣，「保護費」要幾多？清清楚楚，好像買保險咁，都係要確定性，冇事冇幹啲錢係白俾嘅，去「瑪拉」都得㗎，不過陪讀簽證只批一個，MM2H又迫你買死樓，到兒子升讀大學，又瑪拉人優先，又要去「嬰」、「尾」、「噢」、「家」⋯咪玩啦！一條龍，由Nursey讀到University，如果保護費變動少，我喺唔會走，但保護費加到收入45%，真係要諗諗！

移英日記（422）烏托邦？

 「得國」在二次大戰嘅教育，從來都是訓練工廠嘅工人，只不過現代社會結構不同，也需要各行各業嘅人員，制度從來不是要你覺醒，你今日係奴隸，到你死嗰日，你都係奴隸，只不過幕後玩家希望奴隸努力工作，才造出上流嘅假象。

「漁村」有些人付出了許多，最後做不到預期嘅，深深不忿，其實制度從來沒有保証過你，我夠有雙大工牌，釘板及金棚，何時攞過真正師傅人工？但我的極少數師兄弟卻做到判頭、大師傅、地盤管理⋯制度只係俾小數人成功作為誘餌，讓大部分人努力為呢個系統工作，這套玩法，係一套奴隸管理，從古至今都係咁玩。

明清用八股取士，真係為咗選拔人才麼？只不過消磨讀書人的精力，讓知識分子唔好造反。但當制度玩爛咗，或是經濟崩潰，攞唔到足夠及有吸引力嘅誘餌，人們就會醒覺，直接躺平，不再努力，不讓制度再割韭菜。

「天朝」當年點解要改變，因為制度玩爛咗，做又36，唔做又36，沒有誘因令Country富強，於是有人提出改革開放，讓一部分人富起來，誘餌足夠就可令人改變，經濟強起來。但當人有錢，就難管治，又會走向另一個極端，管得死就會窮，人人躺平，不住循環。

就我身處嘅「嬰國」，派福利爭選票，年青人唔做野、唔讀書、唔培訓⋯最終不住加稅，迫走富人、迫走投資⋯Country攪唔掂，Party失去執政權，由另一Party上台，政黨更替較和平有序，快速自我修正。

每一個Country都離不開這個循環，好像六道輪迴一樣，人始終敵不過人性，你窮嘅時候，甚麼工作都肯做，聽聽話話，但當你有錢一點，氣也不願受。Country也是一樣，窮嘅時候，韜光養晦，做鵪鶉唔出聲，聽聽話話，跟「尾帝」指示，但當你有錢一點，就要做航空母艦、核潛艇、隱形戰機⋯又說太平洋咁大點會容不下兩個大國，暗示要與「尾帝」平起平座，好像當年秦國與齊國互尊為帝，這對「尾帝」是不可能的，怎也要用一切方法打殘你⋯。

在「勾」、「尾」讀完大學冇野做，或做最低工資工作係好平常，只不過「漁村」做「白手套」富了好耐，不知世界窮困，但隨著「漁村」既有嘅特色唔存在，「白手套」致富也不存在，試問點頂得住高租金、高工資嘅極大溢價呢？

好像「辛嫁波」跟「瑪萊篩啊」一河之隔，點解「辛嫁波」咁細、人口咁少、又冇資源，但可以富過「瑪萊篩啊」咁多，如果行同一套系統、管治、制度，這件事會唔會發生呢？

人只要繼續有人性，問題就會存在，烏托邦從來都不存在，只不過你覺得住邊度適合一點。

IB投資系列：機率

 如果風險報酬率少於1:1，意思你蝕1元跟賺1元，贏率少於50%，這個格局即係賭大細，我係可以入賭場，但絕對不會賭錢，因為長賭必輸，嘥時間！

做生意嘅成功率少於1%，但你攪清楚唔係1賠1，係1賠幾，甚至1賠10，甚至更多，才值得人去冒險。好像「馬屍黑」當年「士卑益匙」試射火箭，再失敗佢真係會破產，世界首富唔係咁簡單㗎！

我哋只不過係普通人，不像「橋佈屍」、「標基」⋯那些天才，名牌大學都可唔讀，我哋人生可以輸嘅野唔多，單身、年輕好少少，隨著我們越大，包袱及負擔越大，越不能輸，更不能冒險。

我們沒有才華及智慧，只能夠搏，一搏輸就玩完。股票、虛擬貨幣一下波動，好多人有槓桿已頂唔住，早前地產發展商推出「呼吸plan」，落答者全部死晒！就算肯拋個身落地盤做，你估個個可平安返家麼？

如果我能夠回到以前，一出社會就將七成人工定投「爸運」，工作廿年已夠退休了。現在甚麼都太遲了，當然我哋可以定投「彪譜500」指數基金，讓兒孫得福，但要賭廿年後「尾國」嘅國運，將來係點邊個會知呢？

因此，好多決定都係嗰一刻嘅判斷，有人話AI會崩盤？有人話AI會改變世界？有人話AI會滅絕人類？商家佬點會跟你講真話麼？但可以肯定嗰兩隻AI重磅股未上巿籌集資金，倘若錢卻早早燒盡了，十分難看，當然要諗啲理由減速，待上巿後，吸盡天下財富，再燒過都未遲！人係自私，我讀經濟學已經有這個假設，AI工程師辭職唔做，可以做乜嘢？只係為了正義麼？領先嘅AI公司賺夠了，等其他公司追返多啲，大家水平接近一點，才有競爭，才會進步麼？霎戇！

咁呢一刻你嘅判斷係乜嘢呢？

（賣了31張期權，收期權金2289尾元，約17854講元，星期一再加碼。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：平衡

 「乜他」Meta嘅AI，早在WhatsApp推出早期，經已使用，佢竟然唔識中文，真係垃圾，今日佢推出新App，下載率第一，股價急升，我再試試看，終於識中文了，問下啲股票先⋯

買股票都要對該公司了解，試用後，我唔覺得此模型不是特別優秀，只能說OK，所以股價只係炒作為主。

這是NVDA前一日嘅期權⋯

留意期權最多人買嘅部分，好明顯股價會在225至230之間爭持，執筆之時，股價在225元左右，如果純粹玩末日期權，只係好似估大細，你只係做賭徒，唔係做賭場。

以前試過一星期賺幾皮，但風險極高，就好似賭徒，長賭必輸。我反省，降低風險，增加成功率，減少利潤，要知道風險跟利潤，只能保其一，正常嘅風險報酬率應該大於1:2，用承擔1元嘅風險換取2元嘅報酬，若比率細於1:1，風險大於報酬，長賭必輸，就好像賭大細，因為圍骰通殺，因此贏率少於50%，不值得玩！

好似早前我賣某核電股期權，賠率咁高，都知係大冷門，輸嘅機率大，我仲落大注，賣十張，最慘「尾式」期權可讓買家提早行權，咁會冇仇報，所以大巿一有波動，要預早平倉，賺少少或平手便算。

買期權，損失有限，回報無限，但輸嘅比率高，賣期權，損失無限，回報有限，但贏嘅比率高。我嘅玩法，係賣出十至三十隻期權，收期權金，只要你唔貪心，贏嘅比率一定較高，只要有七隻贏，有三隻輸，係可以接受，講句唔好聽，你贏51元，輸49元，最後都贏2元，唔會輸！

你要穩贏，贏嘅錢一定唔會多，好似收債息，唔會發達，因此少不免要槓桿多一點、收多少少期權金、又或者選擇波動性較大嘅股票⋯當風險系數高一點，利潤自然也多一點。

人最難在於平衡，要健康當然要食天然食物，但偶爾也會食零食、飲可樂，都係無可厚非。要安全又冇肉食，成日食齋，都唔係辦法，好似搏擊，大家都打得太安全，打得唔夠放，都唔好睇，不住喺安全情況下冒險，施以突襲，除了贏得台下掌聲，也可贏得點數，甚至KO對手。當然這是不容易嘅事。

（拳賽飛唔平，打得放、打得精彩，觀眾先收貨。）

（某些劵商會為鼓勵人多投資，會引用成功人士例子，不過我用過來人咁講，炒股最難係控制心理質素，唔係技巧、方法，九成人都無辦法戰勝心魔，所以都成為輸家。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（421）回流真偽？

 我接觸不同移「嬰」「講」人，有的很好，夫婦有職業，子女甚至以7A為目標，以名牌大學為目標，向父母討奬勵。也有的生活困難，活在邊緣線上，永居及入藉嘅錢都未準備好⋯但他們異口同聲會留在這個「已日落帝國」之中。

活得好，當然留下，活得差，似乎難以理解。我嘅父母都係「天朝」走難去「漁村」，對一個陌生環境，也要留下來，儘管有幾多個困難，也要涯下去，今日移「嬰」「講」人，似乎也有類似嘅心境，好就唔使走喇！除非「漁村」重光，否則沒有回流嘅可能性！

是非對錯唔係我哋呢啲「低奴」去判斷，我淨係知道應承咗小朋友嘅嘢就一定要俾，否則小朋友就唔會再相信父母，作為父母，即使唔想，基於承諾，都要給予，係咁簡單。

你見到這些玩具，就明白承諾是十分重要，比黃金更寶貴。「終嬰攣盒星名」放到「攣盒各」都不過歷史文件，「突手」及「蠟發會」雙普選冇咗件事，「講人治講」、「高度自治」冇咗件事⋯

最近「懂生」逝世，保守派也有弦外之音，正常嘅花牌唔會咁寫，花店職員也不會咁寫，除非客人要求，更奇怪是內容被抽起，更突顯弦外之音嘅真實，反映這班「老鬼」嘅不滿！

年少時不思學習，睇埋啲車田正美嘅暴力漫畫：聖鬥士星矢，其中冥王篇，三位前黃金聖鬥士忍辱負重，假意順服冥王，實質是想拯救世界⋯於是我經常幻想，政客有時候都不過是演員，為了更崇高的理想，一樣可以忍辱負重，就算俾全世界誤會也無所謂，你以為佢哋衰，其實佢頂住更衰嘅野，好像「懂生」，你以為佢唔好，其實已經係「突手」中最好，只不過你硬要跟最好嘅「講督」比較，好像「勿理號」、「油得」，當然無得比。

今日你覺得差，只不過你跟最好嘅比較，我們只不過表面去睇個故事，好多內情是不知道，好像「腍鄭悦鵝」你覺得衰，其實佢頂住twenty three條不立法，今日「你加昭」你覺得衰，其實如果佢做得唔盡，壓唔住個場，Army會鎮壓，以此觀之，佢哋才是真正守住「漁村」，會不會這才是真正劇本呢？

試玉要三日，辨材要七年，一生真偽有誰知呢？

（蝙蝠俠寧願一生負著污名，也要保巿長嘅名聲。）

移英日記（420）冇錢就悶

 「嬰國」真係悶，雖然地方大，但有個仔，走不遠，日日要跟程序運作，送完返學，才有少少時間，行下山或周圍行，然後施施然返家煮早餐，推遲早餐係為168斷食，盡量用八小時內進食，讓身體健康一點。

我唔知「尾國」健康指引會否改變，但肯定原生食物係無問題，外出食飯貴仲要消費稅，迫你自己煮，即係迫你健康，豬油、牛油、有機全脂奶（2升2鎊幾）、走地雞蛋⋯，肉類便宜，雞肉尤其有骨肉更便宜，例如雞翼一大盒，兩鎊鬆少少，已可做全雞宴。

「嬰國人」唔識食，以為啖啖肉嘅雞胸係好野，其實雞翼先係好野，「歪芺」油都唔使用，用返雞油自己煎，用少少鹽調味，外皮香脆，肉質嫩滑，十分好食。我也放低無謂嘅枷鎖，洗碗一概用洗碗碟機，電費加清潔劑只不過40p，無謂煩。

其實生活有冇情趣，純粹睇你荷包有冇錢，順景嘅時候，全嬰自駕遊、郵輪遊、得國遊，只不過股票表現轉差，自駕發國遊、音樂之都「唯也鈉」、地中海「瑪已牠」⋯也一一推掉，「嬰國」屬於「勾洲」，去「勾洲」是容易的，機票也便宜，但首要都要有錢，才有得去。

「嬰國」出街食貴，自己煮平，其實係迫你健康。地方悶，咪周圍行，日日幾千或過萬步，又係迫你健康，多接觸自然景物，睇野嘅價值觀也不同，「鬚革難」勉強也睇到北極光，當然去「羅威」、「分難」、「遂典」更好。

有錢，咪衝出「勾洲」，冇錢，咪留在自己城巿，就是去姊妹城巿，「愛叮寶」去「革拉屍歌」少於一小時，去「扭卡數」少於三小時，駕車可達，係用啲油錢，如果經濟容許，租一晚酒店，自由自在，大把時間深度行。

「嬰國」肉類好，本地生產，而且新鮮食物沒有消費稅，又係迫你健康，當然間中出街食，也是寫意，這日跟友人去Toby食早餐，友人有優惠，平均每位7鎊幾，任食任飲，好像酒店自助餐，大食嘅人才有著數。

今次友人分享大女有機會進入「威簾」王子畢業嘅大學，目標係7個A，玩嘅音樂、運動，已經係上等人嘅level，成個「勾洲」去勻晒，下一代已經可以逆襲做「高奴」。

（上等人讀嘅大學：University of St Andrews。）

又邀請我們放假去「稀納」嘅「瓦典」，我都預左去唔到，我呢啲移嬰窮鬼、低奴，暫時未突破到。