2026年9月24日星期四

IB投資系列:平衡

 「乜他」Meta嘅AI,早在WhatsApp推出早期,經已使用,佢竟然唔識中文,真係垃圾,今日佢推出新App,下載率第一,股價急升,我再試試看,終於識中文了,問下啲股票先⋯


買股票都要對該公司了解,試用後,我唔覺得此模型不是特別優秀,只能說OK,所以股價只係炒作為主。

這是NVDA前一日嘅期權⋯

留意期權最多人買嘅部分,好明顯股價會在225至230之間爭持,執筆之時,股價在225元左右,如果純粹玩末日期權,只係好似估大細,你只係做賭徒,唔係做賭場。

以前試過一星期賺幾皮,但風險極高,就好似賭徒,長賭必輸。我反省,降低風險,增加成功率,減少利潤,要知道風險跟利潤,只能保其一,正常嘅風險報酬率應該大於1:2,用承擔1元嘅風險換取2元嘅報酬,若比率細於1:1,風險大於報酬,長賭必輸,就好像賭大細,因為圍骰通殺,因此贏率少於50%,不值得玩!


好似早前我賣某核電股期權,賠率咁高,都知係大冷門,輸嘅機率大,我仲落大注,賣十張,最慘「尾式」期權可讓買家提早行權,咁會冇仇報,所以大巿一有波動,要預早平倉,賺少少或平手便算。

買期權,損失有限,回報無限,但輸嘅比率高,賣期權,損失無限,回報有限,但贏嘅比率高。我嘅玩法,係賣出十至三十隻期權,收期權金,只要你唔貪心,贏嘅比率一定較高,只要有七隻贏,有三隻輸,係可以接受,講句唔好聽,你贏51元,輸49元,最後都贏2元,唔會輸!

你要穩贏,贏嘅錢一定唔會多,好似收債息,唔會發達,因此少不免要槓桿多一點、收多少少期權金、又或者選擇波動性較大嘅股票⋯當風險系數高一點,利潤自然也多一點。

人最難在於平衡,要健康當然要食天然食物,但偶爾也會食零食、飲可樂,都係無可厚非。要安全又冇肉食,成日食齋,都唔係辦法,好似搏擊,大家都打得太安全,打得唔夠放,都唔好睇,不住喺安全情況下冒險,施以突襲,除了贏得台下掌聲,也可贏得點數,甚至KO對手。當然這是不容易嘅事。


(拳賽飛唔平,打得放、打得精彩,觀眾先收貨。)


(某些劵商會為鼓勵人多投資,會引用成功人士例子,不過我用過來人咁講,炒股最難係控制心理質素,唔係技巧、方法,九成人都無辦法戰勝心魔,所以都成為輸家。)

免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。

沒有留言:

發佈留言

移英日記(446)路仍要走!

 世事不住變遷,「鵝蘿屍」確實派探測船在「不海」及「嬰發海峽」攪攪震,「嬰軍」派反潛直升機及攻擊潛艇對付⋯ Council就嚟破產,Council tax年年加,但路仍要行,仍要過生活。 食個老早先⋯ 牛油炒走地雞蛋配鯖魚、牛油「沙嘩刀」、「講式」奶茶(走糖)。 星期日教會在某中...