IB投資系列：節約

 本來自己盤數好返一點，又去飲茶，食「沙華刀」sourdough（酸種麵包）、希臘乳酪⋯點知突然晴天霹靂，「息魔」殺到，立刻要調整一下。

節約，好多人認為孤寒，係十分負面，但正確講法係最有效運用資源，好像「諗伯」掌管亞視時，佢係慳自己，食魚柳包，節目俾員工充分發聲揮，是電視台少數成功時刻。

好像當年我在某快餐集團工作，區域經理叮囑各分店，凍檸茶只能夠有3片檸檬，做生意嘅人就好明呢啲道理，但許多人用錢洗腳唔抹腳，好像「霉媽」咁，如果唔係「霉姐」生前佈好個局，「霉媽」早早乞食，怎可安享晚年。

有錢佬都知自己個仔敗家，遺產不留兒子，每月由家族基金支付200萬零用錢。

所以致富第一關鍵是「慳」，第二是投資，財富最終極係讓我們得自由。我移嬰最初是買萬七講元嘅思域，但因為成日要整，自己英文又差，又要麻煩朋友，幾千幾千咁整，都唔係辦法，最後才去「啲拿」買Approved car，最貴嘅二手車，只求安全、穩陣、家人嘅安全。新車頭三年嘅跌價係最勁，因為係「啲拿」及經紀賺嘅錢所產生的溢價，避開這個伏，幾多年車嘅成本也差不多，因折舊係按年發生，混能車第七年再折舊，因大電唔再保，價錢係平，但風險也大，雖則混能車冇電都郁，但有電池、摩打嘅負重，而不能省油，反而用更多油，冇意思。

「慳」嘅終極目標，係資源極大化，用得其所，用到最盡，那麼我們就能積聚財富。要用，我都係會用，要使，我更是捨得使，我吃「沙華刀」，不吃所謂「麵包」，我吃牛油butter，不吃塗抹醬Spreadable（混了令人致病嘅植物油，價錢較平），吃正宗嘅希臘乳酪，不吃假健康乳酪，飲極難飲嘅蘋果醋，但不飲果汁（含大量糖）⋯當你有資源，你咪可以選擇，我幫教會清潔及維修，分文不收。當工作變成可選擇嘅東西，咁先至係自由。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。