IB投資系列：要做富人，先做1%嘅人會做嘅野

 全球大部分財富控制在1%嘅人身上，當我們跟隨99%窮鬼嘅思維去做野，最終都會成為窮鬼。

當人人買Nvidia，人人買虛擬貨幣時，唔通你會發達嗎？只不過讓人走貨，你做99%嘅人會做嘅野，你係唔會發達，因為富人只有1%。

漫畫「幽遊白書」嘅有錢佬左京，要開通靈界通道，將魔界及人間界打通。現實世界嘅有錢佬一樣咁瘋狂，馬斯克要載人去火星，一去不返單程票，貴貴也大把人科水。

（Netflix 真人版幽遊白書，打鬥、特技都出色，但真人跟漫畫相差太遠，壓縮至幾集，也令故事結構支離破碎，有點失望。）

股票實質價值被低估，才有錢賺，因為隨著時間，真實嘅價值會顯現，股價會上升。反觀，一些股票實質價值被高估，隨著時間，真實價值會顯現，股價會大跌。

富人勤勞克苦，用嘅錢跟佢嘅財富是不成正比，甚至可以用孤寒來形容。我地腦中富人的形象，只是富二代、紈絝子弟，許多人在社交軟件，所展示嘅生活水準、物質水準，遠超他們實際，將最美好一面盡展現，只求呃個贊，有甚麼用呢？要學就要學第一代富人，即使財富上升，也依然故我，有錢並不是為炫耀，而是享受自己嘅工作，如果工作滿足感不大過使錢滿足感，係唔會成功的。

（富人用二十年嘅車。）

（標基排隊買漢堡包。）

（而我，繼續依然故我，走孤獨嘅路，只為興趣，跟創富無關，不為錢嘅工作，咁先最爽。）

（股神巴菲特減持蘋果，單單為稅務，自己諗吓！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：一切都是虛假，是幻象

 其實世界嘅真像，全世界都做緊一場戲，問題係你信唔信？接唔接受到？

聖經已經講得好清楚，約翰一書5:19「我們知道，我們是屬神的，全世界都臥在那惡者手下。」唔係小部分，或者一部分，而係全世界都在魔鬼撒旦嘅權勢之下。

天朝係一個籠、漁村係一個籠、不寒係一個籠、美利堅係一個籠、大不列顛係一個籠…只不過形狀不同，對某一些人而言，這個舒服啲，那個辛苦啲，不過我地不過由一個籠搬到另一個籠。

股票世界有真相麼？幕後玩家舞高弄低，都唔知玩死幾多人，某些地方，個巿靜到七彩，但仲話有幾個%經濟增長，自己諗吓啦！美帝又有真野麼？都係一丘之貉，只不過冇咁離譜。

（真實CPI與政府公布係有出入。）

我在英國食開最cheap嘅麵包，原本係39便士，現加到45便士，增加了15%，試問人工怎會有15%增幅？變相減人工，放在銀行收4厘就賺了麼？也蝕11%，財富不住轉移，窮人要生存咪吃激素雞、機械潤滑油、垃圾食物、化學色素飲料…天朝所有食巿都係化學料理，西方國家也是一樣，只是未發展到咁神乎其技，冇咁離譜吧了！

伊隆馬斯克說：我地活在真實世界嘅機率只有十億分之一。但有幾多人明白佢嘅意思？我們確實活在幕後玩家創造嘅虚擬世界，橙汁沒有橙嘅成份，肉係冇肉嘅成份，你今日新聞見到嘅政客，佢地嘅真實身份是演員，大家都係演緊場戲，有人做好人，有人做壞人，幕後玩家會向相關人士下達指令，我哋睇到只係表面嗰層。

（某弟兄受刑，如果「你為鯨」、「糧尾分」之流係信耶穌，大家都係教會弟兄姊妹，點解唔救救弟兄？寫封求情信讓他減刑也沒有？自己諗諗！）

（個巿靜到咁，人人北上消費，山姆再使出「超必殺技」，599天朝幣免費直送漁村，零售冇得做了。）

（王維基縱有打不死嘅精神，也難逆天行事，1137兵敗如山倒，與其抱殘守缺，倒不如壯士斷臂。本人早已放棄這巿場，如果信沈大師、郭思治之流，記得重鎚出擊，同時買定高額人壽保險，唔好連累家人。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（157）考到Life in the UK

 經過多月不認真準備，終於痛定思痛一定要報Life in the UK考試，最後一星期，每日勁做17個練習，全部全對才收手，終於一戰定江山。

今日考11點，早半小時到考場，要帶護照証明身份，佢會循例問你姓名、出身日期、國藉、考試目的，記住用「特衰護照」，國藉你一定要跟護照一樣，答Chinese（天朝人），千萬不要說Hong Kong (漁村）、BNO之類，衰硬冇得考，護照一定要簽名，跟你簽名一樣。跟住全身物品除護照外，全部放在儲物櫃，再用金屬探測器，眼鏡都要檢查，驚你用高科技出貓，嚴過上飛機。

跟住去到一個電腦室，全場有CCTV，職員會安排一部電腦你考，「歪芺」（wife) 同我一齊考，故我知題目完全唔同，五分鐘攪掂，離開時仲未到11點，仍有人入去考，但他們應是同一時段。流水作業，佢地唔會等齊人才準時開考。

考場附近道路有錶位，我仲特登下載Ring Go俾錢，原來可入銀仔及咭，都要幾鎊一小時泊車，一點也不便宜，錢唔係問題，但未必有位，唔好搏，我去開朋友那邊，泊在屋宛路邊位便算，行十分鐘，預到時間就可以。

https://lifeintheuktestweb.co.uk/exam-17/

（做熟17題，全部100%全對，成功率都很高。你預咗有一兩條唔識，合格就可以。）

IB投資系列：借錢炒股，死路一條

 最近我見到一個消息…

借錢做生意，借錢買樓，這也是常見，如果借錢炒股，風險極大，仲係玩高風險嘅妖股、期權，希望短時間發達，結果當然死路一條。

IB投資係有借錢投資成份，你冇咁多錢，但可以投資超越你嘅本金，就是孖展投資，或者叫槓桿投資，你本身的資產就成了保證金，一旦資產價格低於保證金，IB會觸發自動打靶程序，變賣保證金抵償，即係變賣你所有資產，大公司好醒目，唔會同你冒險，高風險項目槓桿比率好低，甚至沒有槓桿，有一蚊，最多輸一蚊，唔會俾你亂咁嚟！

借錢做生意係好平常，但借財仔投資虛擬貨幣、妖股、期權等高風險投資，等同你借大耳窿（高利貸）過大海（澳門）賭錢，死路一條。

(這隻就是妖股，可以令你發達，也可攞你命。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：唔係隻隻股票有得搏！

 炒咗股票咁多年，我當然明白：股票之道，在乎「人棄我取、人取我予」。

但係咪每一隻股票也可這樣操作？

有些人叫人買TVB，你睇下邵逸夫、方逸華死後，TVB股價變成點…

股價係咁插水，公司冇錢賺，以前自恃大台，有慣性收視，節目、電視劇已經一成不變，缺乏創新，現在處於辛時代，更要政治正確，仲點會有出色嘅作品，新聞避重就輕，著重今上及官方嘅表達，沒有美帝、歐盟對等嘅表達，咁仲係中肯嘅新聞報導嗎？電視劇離離去去都係「煎pan」之流做主角，拍埋啲膠劇，「終年好聲音」都唔知要出幾多集？劉威煌比賽完又出現在終年，咪玩喇！真係要保留中老年人嘅巿場去保住健康保健產品嘅廣告？快啲執咗去好過喇，反正都冇心攪！以前王維基有心攪卻不肯發牌，冇心攪卻繼續做，咪越做越爛，爛到嗅，好似HK一樣，仲倒錢落海，唔係傻咗呀嘛？

（人人都睇Netflix ，唔會睇TVB嘅膠劇。）

美股失勢嘅股票，我也有留意，除了跌下神壇嘅英特爾，仲有這一隻…

連鎖藥房WBA，股價一樣兵敗如山倒，季內淨虧損5,900,000,000美元（59億美元，咁寫才知條數咁大），立刻關閉數十間診所，壯士斷臂，下調全年盈利預測，股價急跌2%，我於低位17.13美元，小注買入，搏佢翻身，總好過買TVB。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（156）達爾基斯國家公園

 全英國有15個國家公園，今日去了達爾斯基國家公園Dalkeith Country Park。

位於愛丁堡東南部，由環迴公路（bypass)可行70英里，只需18分鐘，如果有少少塞車，都係半小時內。可泊車，3鎊任泊。某弟兄更說晚上來，由於職員放工，冇人收錢，即係免費。這裡有間餐廳、厠所，有人會買杯咖啡，欣賞大自然係樂事。

由於是教會小組嘅聚會，主要係野外聚餐，沒有去到太遠嘅地方，這裡風景一流，如果夏天，更可預約營地露營，至於一些歷奇活動，要預早網上預約。

這裡個套跟HK唔同，沒有花花世界，有嘅都是大自然嘅美景，喜愛大自然嘅朋友，真係一絕。

（昨晚更有朋友見到北極光，蘇格蘭都見到，甚麼BNO申請費都賺晒！）

IB投資系列：股巿買跌可否發達？

 如果好似「大時代」嘅丁蟹，專買跌的投資策略，是否可行？

理論上，只要眼光睇得準，買升買跌都可以發達。

假設你於2000年投資標普500追蹤嘅ETF，無論是SPY、VOO也好，2024年今日，你肯定賺錢，不過如你如果在-47%或-55%時驚一驚沽晒，身家立刻唔見一半。如果係大淡友，買逆向ETF，在-47%或-55%就大賺，持貨到今日便要跳樓，或者一早跳了。

如果買升，唔理中間7年、6年下跌，堅持到底，修成正果。如果買跌，在兩次大跌時止賺平倉，逆向ETF往往二至三倍槓桿，也夠皮。

買升屬正財、正路嘅賺錢方法，股巿升，大家開心。買跌屬橫財，屬偏門嘅玩法，股巿跌，人人發愁，你卻笑笑口，唔知以為你輸到儍咗，的確在差嘅環境使錢，比起旺嘅環境使錢，服務更好，性價比更高，更加爽！

IB沽空股票嘅方法很簡單，正常股票是先買後賣，IB可以先賣後買，當某股票10元價格時借貨賣出，等到某股票下跌至8元時買貨補回，便賺取中間2元差價，但要俾借貨利息，因此買跌嘅成本比買升多，不能長期持有，風險也較大，當上述股票升至15元，你要在巿場買貨還俾劵商，一係蝕5元平倉，一係繼續俾借貨利息。

（如果買跌，股巿勁升，真係要跳樓，因為會輸突。）

問題是沒有人有水晶球，事後孔明冇意思，股價高的未算高，低的未算低，幾時買升？幾時買跌？全由巿場發放嘅好壞消息左右，幕後玩家舞高弄低，小股民只能逆來順受。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：秋官效應（Adam Cheng effect)

 舊鄉講以前股巿有個怪現象叫「秋官效應」（Adam Cheng effect)，或叫「丁蟹效應」，意思係每逢鄭少秋有電視劇上演，講股就必定下跌，由-0.1%至-24.5%而且次次應驗，仲「鯪」過黃大仙。

為何有「秋官效應」？專家研究都找不出原因，如果該套片好似「大時代」講股票，蝕咗錢要跳樓，讓人有所警戒，投資轉催謹慎，不輕言入巿，也可理解，但套套都攪到股巿跌，我只能咁講大俠秋官嘅魅力太大，股民掛住睇電視，無時間研究股票，好自然暫時唔入巿或套現，導致股巿調整。

（丁蟹係大淡友，專買跌，股災佢就發達。）

但近期效應失效，因為巿民嘅品味提高，唔會再睇TVB，都冇收視，效應自然不存在。

（「城巿擸人」，神還原漫畫精髓，你仲會睇「無線」嘅膠劇？）

（寄生獸，又係神還原漫畫作品，十分好睇。）

（少年法庭，令我好震撼，現代版包青天，我鄭重推薦，女法官最憎恨少年犯，但每一個判決都係對這個社會最好，不偏不倚，如果「鄉講」有這些法官，對年青人

係有警戒，又俾機會，又同時係帶著情，鄉講唔使攪成咁！）

（如果年青人係我地嘅將來，我淨係知鄉講冇將來。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：倒下嘅巨人會否再次站起？

 自從沒有投資豐田，錯過賺錢機會，我就想投資這些倒下嘅巨人，看看他會否再次站起來。

英特爾曾經係CPU一哥，不過巿值早早被二佬AMD追上，股價浮沉，毫無氣息。英特爾想重振雄風，自己製造晶片，艾司摩爾ASML截至2025上半年嘅High NA EUV光刻機嘅訂單，全由英特爾買下，迫使韓國嘅三星、海力士要於2025年下半年才有光刻機，套光刻機要3.5億美元，如果一班悍匪入了大批軍火，一定要食「大茶飯」，同樣道理，英特爾要重新晶原代工，決心也是明顯，然而有決心不代表會成功，2023年晶原代工業務已蝕70億美元，始乎唔容易。

美帝撤銷英特爾向華為出口半導體許可，股價急跌超過2%，低過30元係機會，我於29.75元小注買入，看看這個昔日巨人可否站起。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

英國最cheap用車

 如果憑實際駕駛而言，你會清楚知道答案。

最省油是柴油車，如果係柴電混能仲慳！當然要小心柴油車會積碳，咁上下要跑一轉高速，也有電子零件監察排放，越多電子零件就越麻煩。

我部豐田混能，46.9至61.5MPG。亦試過120MPG。

混能車可以更省油，但不是我們凡人可以做到，部Yaris次次都會打分給我，鼓勵我要改進駕駛，以達至最省油效果，我覺得只能參考，得啖笑便算，講真，實際駕駛，以道路安全為準，豈能以省油為先，例如要過線、入迴旋處，一定要爽快，慢加速、慢減速，到紅燈前，放油門自然滑行，實際未必次次可行。

許多時當混能車儲夠電，我想用純電模式，天氣冷，引擎會自動啟動預熱，你係無法使用純電模式，即或啟動，若駛入快速直路，純電模式也會自動停止，引擎介入，怕你唔夠力，要做到廠方嘅成績，在實驗室才做到。

如果用量低，巿區為主，買部豐田Aygo，999cc電油車最慳，雖然用油不及1500cc混能省油，但考慮埋車價、保險，如果用量少，仍有著數。混能車一定要有一定里數，才能抵消車價，只不過Aygo真係細車，上高速會好飄，而且買大件物品都冇位擺，真是一個大問題。

題外話：

永遠車神：冼拿

（車神平日駕駛，不是法拉利、林寶堅尼，而是本田。）

（年輕人未必認識這個真車神，雨中賽車尤其出色。）

IB投資系列：物業投資要小心

 我都有留意漁村嘅銀主盤…

以現時的巿況，實用呎價都要過萬，仲有好大跌幅，現時只值幾千蚊，「忠圓」屍生話有外國勢力唱衰鄉講，我身處海外，唔知算唔算？不過作為投資者，我只會考慮值唔值得投資，正所謂：「玉可碎而不可改其白，竹可焚而不可毁其節」，唱兩唱就會冧檔，個巿場咁脆弱，真係要小心！

（屯門綠表公屋，50萬起拍，低於最低價都會收回，問題是冇人有興趣。）

（誠哥隻1113都攪成咁，蝕賣黎益小巿民置業，物業此刻值唔值得投資？自己想下吧！）

（隨著「忠講融合」，未來兩地嘅人工、樓價將會逐步收窄，「森鎮」樓都係賣百零萬，仲越來越平，「鄉講」樓仲點會值錢？自己用腦想下。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。