尾、衣繼續戰事，加上主席放鷹，股巿真係雪上加霜，大家好自為之！
在「嬰國」，最緊要飲返杯「講式」奶茶，我改了配方，「移嬰講人」配方唔係唔好，但要去三間不同超巿才能買晒三種茶葉，實在太麻煩，我一鋪過在Tesco買晒，Ceylon茶一樣來自「屍你難卡」，至於Extra strong茶用Tetley代替「馬沙」個隻，試試效果如何？
亦試下Tesco酸種麵包。
Wholemeal Wheat Flour（全麥小麥粉）、Water（水）、Wheat Flour（強化小麥粉）、Wheat Fibre（小麥纖維）、Salt（鹽）、Fermented Wheat Flour（發酵小麥粉）、Sourdough Culture（酸種培養物）。沒有常見的防腐劑、乳化劑、植物油、糖或人工添加物，屬於較少加工的麵包。
質素好像比「馬沙」差一點，但價錢平一倍，成份又ok，那絕對可以接受。
「嬰國」係衰，但無比較無傷害。
呢個世界，只要呃到人就可以⋯
魔術師當然係呃人，只要睇唔到破綻就成功。
地盤都係咁，你呃人識，你都可以有更多機會做，即使俾人「吊」，「吊」得多，都會醒，最終都會做大師傅，甚至判頭。好似我呢啲「忠忠直直，終須乞食」，撈嚟撈去都撈唔起，有兩個大工牌，都只係做老雜，收中工價，真係食屎！ 冇X用！
呃人係唔好，小朋友都識，狼來了，以後冇人信，偏偏呃人卻是獲得最大好處，在功夫上也發揮果效，「兵者，詭道也」，好像武尊跟羅唐一戰，留意武尊唔係硬食羅唐嘅拳，側晒身、側晒頭，滿有笑容，明明已經骨折，痛到仆街，但全程笑笑口，最後打敗羅唐。
更可怕是，一個咁勁抽嘅人物，竟然有恐慌症，講真如果唔係退役，根本不會說出來。
黐手也是呃人，放得至輕至柔，就是為了隱藏力勁、力流，真正嘅底牌卻是至剛至猛，要將人擊倒嘅殺人武器，「圖窮匕現」，唔到最後一刻唔會見真章。
當然放諸在今日，黐手不過是一個摸來摸去嘅遊戲，嗰啲所謂「師傅」從沒有向你傳授真實嘅搏擊技術，而事實上佢哋都唔識，因為如果識嘅話，都唔會有這些甩手甩腳嘅功夫，最慘佢哋都唔知個醜字點寫，動作咁難睇，破綻百出，仲覺得好榮耀嘅樣子，咁先係最大問題，「知恥近乎勇」，真係善哉！
（圖片為某詠春網，諷刺某些「詠春師傅」技藝不精。本人也唔會手下留情，但至少打格，以存武德，識就識，唔識亦唔需要識。）
上星期，我早列出四個劇本，最終結果是：「揮撻」升、「攣柱局」鷹，情況不是最差，也不是最好，屬於中吉，也要小心！
現時嘅AI，如「揮撻」前工程師所言，用一架豪華巴士去個別接送乘客，因此成本極高，也收不回成本。倘若用舊巴士，去接全車人，成本一定大減，要記住做生意係為左賺錢，唔係貪得意、為人類未來，呢啲都係作俾人睇。
AI要賺錢，才能可持續，如果一味快就可以，用火箭去接送個別乘客也是可以，只是死得更快。
另外，我們亦可能高估「寶島」風險，其實「嬰突耳」並非不能，只不過良率低，以致成本高三倍。非常時期，自然有非常辦法，好像「天朝」沒有「揮撻」GPU，用好多粒「嘩維」頂住，成本高好多倍，也是可以的，AI發展沒有停止過，如果「寶島」有事，「嬰突耳」用貴三倍價錢一樣可做出「揮撻」GPU，HBM都唔知貴幾多，都要用㗎啦！所以「抬漬殿」有事，「嬰突耳」反而有救！
「抬漬殿」是晶片翹楚，「SK凱歷事」是HBM翹楚，這是不容否定嘅事實，「寶島」有「天朝」隱憂，「藍寒」有「不寒」隱憂，佢哋嘅不幸，反而讓高端工業被迫重回「尾帝」，有利「嬰突耳」及「尾肛科妓」，讓「尾帝」再偉大！所以唔好以為有「護國神山」就安全，「突郎浦」未必保佢哋。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
這是1956年一張照片⋯
前方是宗師，後左是「燒郁文」Siu Yuk Man，後右是黃作師傅Wong Chok Sifu。
這是網民惡攪嘅傑作，黃公都惡攪埋，我相信惡攪者並非認識詠春或資歷不深，但詠春同人大會，自己可以看，可以判斷，好坦白講，作為表演示範，一定係夾好晒，將最好展示出來，但似乎並不理想。
師傅12歲跟黃作師傅，1975年16歲才跟黃公，因此都係我嘅師公，咁樣被消失，抬高自己，唔係咁好。其實我覺得跟比自己強嘅人合照，係別人抬高了我，如果可以跟拳王「太神」、「拍灰澳」、「霉威塞」⋯合照，能夠跟他們站在同一個地平線，一點也不失禮，只不過黃作師傅英年早逝，威名唔夠吧！點會讓一個唔出名嘅死人叨光？
之前炒燶咗期權，攪到負債過百萬⋯
我知道自己好乞人憎，自己唔賺或賺唔到，亦不讓人賺到，正所謂：「阻人發達，猶如殺人父母」，眾「詠春師傅」對我嘅憎恨，我是理解的。
我想大家攪清楚，我嗰個wingchun1.com，年年要向「高爹哋」俾域名費，詠春沒有為我帶來甚麼好處，但卻不住向詠春輸血，域名嘅錢事少，心力才是大，寫文章是讓人理解詠春嘅真諦，你教詠春係可以，但至少唔好求求其其，純粹呃錢，個馬都企唔正，教乜春呢？根本係「掛羊頭賣狗肉」，咁樣呃人，好冇陰公。
有的「師傅」喺「孽問」、「蝗公」、「聾哥」墓前拜祭、展示詠春⋯冇用架！明眼人都知你地班友做戲，真正尊重幾位師尊，係練好詠春拳，展示正確、正宗嘅詠春拳技，唔係誇大其詞，甩手甩腳，只有虛假嘅外表，卻沒有實在嘅功力，最終詠春交到你哋手裡，一塌糊塗。
我明白甚麼是「拳怕少壯」，我都嗰頭近，唔通仲唔明咩，但至少法度要準確、清楚，打出功架。好像拳王「太神」，打輸唔緊要，打出功架，打出漂亮嘅一仗，觀眾嘅眼光係雪亮的。
英雄莫問出處，無論你師承何人，只要你打出好嘅詠春拳，也是值得讚賞。反之，即使師出名門，又係「綜獅」嘅兒子或外甥，咁又如何？拳法技藝從來都唔係跟血緣繼承。
有的不惜用一切手段，拉攏「綜獅」嘅合照，都係要話俾人聽自己是師出名門，以擴展自己生意。
以前資訊不發達，功夫又有神秘色彩，因此知名度往往重要過功夫，其實今日也一樣。
不過我唔扼殺「孽問綜獅」所教，沒有今日嘅演繹，各人領受不同，有的沒有經過實戰驗證，差異可以很大，我見到聽到，係笑到碌地⋯。好似詠春有「後傾」，其實唔係錯，只不過應用上錯，要在一切手段失效後才會使用，類似拳擊嘅後閃，如果一早後傾，長期後傾，成為固定必然型態，一定無用！好像警鐘，如果任何時間都響，只會令人煩厭，到真正火警，都唔識走人。
我批評嘅野，從來都唔係高深拳法或有爭議嘅事情，全部都係基礎拳法，二字箝羊馬、側身馬、進退馬、膀手、護手、攤手⋯之類，要求好高咩？如果呢啲基礎野都做唔好，講甚麼黐手仲有意思咩？學甚麼功夫仲有意思咩？「念頭不正，就是不正，練功如是，做人如是」，咁嘅詠春，嘥氣啦！
「揮撻」公佈財報如下：
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
最近在屋宛樓下見到一隻受傷嘅斑鳩，或者叫野鴿，古代猶太窮人就係用斑鳩來獻祭。本來都唔理佢，因為當初租用物業承諾只養倉鼠，但因為斑鳩受了傷，唔識飛，又常穿插馬路，十分驚險，為了避免被小朋友見到血腥場面，最終促了。
然後發散訊息，終於有人接收…
在我跟師傅學拳嘅時候，只有兩個人打得。
其他全部都係廢拉！包括我自己，由於我在外面學過其他武術，又學過其他詠春，係雜種，血統唔純正，係廢拉中嘅廢拉，垃圾中嘅垃圾！
如果我早知道現實，就唔應該學，浪費時間、嘥心機！你嘅努力勝唔過你DNA嘅缺點，你就唔好學。拳王有幾多個？成功率仲低過孔子嘅弟子要成名，人一生咁短暫，唔係應該做一些有價值嘅事情麼！
如果係小朋友，樣樣試下、玩下，無所謂，好似我個仔學過足球，「嬰國」嘅足球係有一手嘅，但佢冇興趣，咪算囉！跟住學JUDO、游水，我哋係心智成熟嘅大人，唔係應該小心選擇麼？如果真係打發時間，食飯、飲野、唱K唔好麼？如果真係運動，健身可以有好身型，唔好麼？踢波、藍球、羽毛球⋯各式帶氧運動，對健康嘅好處，一定比黐手更好。
「聾哥」係勁，45度龍旗，你做唔做到呢？練到咁強嘅核心肌群，爆炸力係好犀利⋯。學功夫源自一種浪漫，但浪漫從來都不真實。
今個星期有兩件大事⋯
「揮撻」Nvidia係AI嘅龍頭，可以成為整個行業嘅指標，第二季業績唔係睇有冇賺錢，而係睇行業嘅增速有冇減慢。至於「攣柱局」主席嘅話係鷹？定係鴿？也對大巿有很大影響。
劇本只有四個：
1. 「揮撻」升、「攣柱局」鴿
2. 「揮撻」升、「攣柱局」鷹
3. 「揮撻」跌、「攣柱局」鴿
4. 「揮撻」跌、「攣柱局」鷹
AI嘅分析如下：
股災按照劇本，幾年就要出一次⋯ 問題係幾時發生？往往沒有人知道。 現時股巿疲弱，間間公司業績公佈，立即下跌。 間間都跌。 甚至，虛幣公司都有失竊。 將新上巿AI公司也有危機。 基金佬「咪膏啤梨」也不睇好！ 上巿公司也自知唔穩陣。 這裡好像軍火庫一樣。 該處一有事就玩完。 免責聲...
