移英日記（413）躝癱？

 點解以前「天朝人」要到「漁村」幫襯「誘幫」或「泡城」買高額「尾元」保險？貪手續費驚人，尤其頭幾年退保，大部分係經紀佣金及手續費，攞番有限，但至少有甚麼事，唔會一鋪清袋。

「漁村人」以前有「機胖發」保障，唔使另外買保險，但時移世易，今日「漁村」已矮化為「帶彎區」一員，並不是以前嘅東方之珠，當然要買保險，只是唔係間間好，有的唔認數，有的加辣，真係慘無人道，「寶島」、「東瀛」、「楓葉國」已經不再友善。

「大不列顛」唔係有善，只不過政府行政效率低，低增長、高通脹，十年換七相，基本野都做唔到，暫未攪到你哋班「躝癱」，最關鍵係呢班「躝癱」有票，數量雖少，卻可能成為關鍵少數，唔敢打壓得咁盡。

最重要呢班仲係高質「攔坦」，帶錢過嚟，或出賣努力，貢獻呢個國家，而且奉公守法，唔敢有任何差池，交足稅，投票率高，七成有大學水平，除了我呢啲低質「躝癱」，大部分都係高質公民，冇人咁笨，要趕走呢班人！

但確實全世界所謂文明國家，就係種種原因趕走這班人，「東瀛國」俾「天朝人」玩爛晒，用「天朝」支付系統，唔交東瀛稅，「寶島」又怕「天朝人」滲透，揸到好緊，正常人都無法入藉，「楓葉國」又想保與「天朝」關係等等⋯攪到「漁村人」走投無路。

如果你覺得「躝癱」難聽，唔通我哋又係上賓麼？非法難民可免費入住五星酒店，冷暖氣24小時任開，PlayStation任玩，游手好閒，有病痛的士接送，我哋冬天著滿衫唔捨得開暖氣，慳住慳住，人哋走稅漏稅，我哋要交足，唔清楚寧願交多，付出最多、福利全無、工作無休，小心謹慎，而且仲係最先被犧牲嘅族群，只要該執政政黨想與「天朝」交好，或移民導致影響本地人議題，均會在政策加壓。咁嘅低級人種，唔係「躝癱」，又有更好形容麼？

點解堂堂正正做一個正常人唔做，寧可做「躝癱」？這正是需要反思嘅問題。

（有的人比躝癱更躝癱。）

（以環保之名，斂財為實。）

（這個超必殺技玩晒。）