IB投資系列：破產？

 我嗰隻某核電期權OKLO是蝕錢，但明年初才行權，可以拖一拖，點知條友用必殺技，提早行權止賺，迫我要立刻埋單，我立刻收皮！

用140元買43元貨，仲要買1000股，呢鋪仲唔蝕死！

140元，扣除之前收嘅期權金53.63元，成本價86.37元，但該股票現價約43元，足足蝕足43.37元，1000股，帳面蝕43370尾元，約338286講元。

除了蝕三十幾萬，另外140元接1000股，要用14萬尾元，約109萬講元，以致出現嚴重負現金，連埋負日圓20萬講元，合共負債球半，即使我變賣1000股，OKLO，只值33萬講元，杯水車薪。蝕三十幾萬，再負債球半，所以期權係有風險，出得嚟行，預咗要還！

尾元負17萬1794，頭10萬利息5.13%，5130尾元，往後4.63%，3324尾元，一年利息開支8454尾元，約65941講元。

當日貪53.63尾元期權金，賣了10張，賺53630尾元，約418314講元，撳個制，一秒鐘就賺41萬，幾開心！工都好返嘅！今日反蝕三十幾萬，再負債過百萬。

（呢鋪真係偷雞唔到蝕揸米。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。