最近發現有讀者留言，好似話留唔到言之類，因為網誌只係發表自己生活及感受，我沒有太多留意「焀哥」界面嘅運用，有留言也沒有電郵通知，我唔會亦不可能每日睇晒過萬個網誌，檢查有沒有留言，所以沒顯示，亦從沒回覆，並非傲慢，而係唔知。
至於黐手方面，我希望大家唔好太過著重，如果交流，當食下飯，傾下計，ok嘅！如果講鑽研，純黐手詠春比我精湛不知幾多倍，如果你仍然覺得黐手很重要，仍然對黐手癡迷，只因仍未了解搏擊殘酷嘅真相。
甚麼太極大師、詠春大師俾人打到一仆一碌，咁都仲未醒覺！真係要自己親歷其境才知麼？甚麼推手技術、黐手技術，都是有用的，但只不過錦上添花，古代武術家已在拳腳功夫都練無可練下，要再創高峰下嘅技術作品，這技術有利於狹窄場景、近身纏鬥，除非你可以將格鬥限制在這區域及競技方式，否則在開放格鬥條件下，優勢並不明顯。
再者這技術是建基在優秀拳腳功夫之下，否則只不過係花拳繡腿，就好像幾好嘅屋，都要建在打好地基之上，否則係無意思。你嘅拳法ok嗎？腳法ok嗎？馬法ok嗎？步法ok嗎？肌力ok嗎？體能ok嗎？如果你有齊這些條件，你搏擊能力差極有個譜，學唔學詠春都無關係，當然你學埋詠春，更錦上添花，近身更有信心。就好像玩光榮三國志，青釭劍加10點武力，配在武力98嘅趙雲，合計108，智勇雙全，當然好用，但寶劍若加在曹豹身上，嘥氣啦！
武力都係睇基數，基數大，例如：年輕力壯，當然係優勢，黑人體能勁，白人肌力好，我哋黃種人沒有優勢，羅唐、武尊係最頂級嘅拳手，但只限蠅量級，無可能跟中量級、重量級拳王對打的，我告訴你殘酷嘅現實：同級先有得打㗎咋！
春秋時代，打扙全都是貴族，因為農民窮，沒有肉食，蛋白質不足，肌力有限，根本戰鬥力有限。戰國時期，戰爭規模日漸擴大，農民才一起參與。三國時期嘅關羽、張飛⋯唔係學過甚麼蓋世武功，但肯定唔係社會最低下階層，可以有肉食，有充足蛋白質，有肌肉，熊腰虎背，身高、手長、力大，自然好打，至於劉備，落難皇室後裔，靠賣草鞋維生，成長十分窮，未必有肉食，武力肯定比關、張差很遠。
詠春不過是商品，個個都sell黐手，因為是這是明星產品，有特色，外觀好，表面效果大。至於操體能、練拳腳、自由搏擊，付出多，辛苦，全部都係打好根基，但非要面對生死格鬥，才見到實在，師傅們自己都懶惰，唔想出到成身汗⋯就好像保險佬sell保險，力谷儲蓄保，你估真係為你好咩，只因佣金高易賺錢，其實最搵笨！一丘之貉！
沒有留言:
張貼留言