愛丁堡詠春：嘥時間？

 正所謂：「食齋不如講真話」，但現實世界，真話邊一個想聽？呃呃氹氹，人哋不知幾開心！但我就是講唔出呢啲假話，就算婚姻，我信耶穌，應該唔會離婚，但係一生一世，真係講唔出，我隨時會死，隨時會變壞⋯。

我唔怕坦白跟你講，你學詠春都無鬼用，至少在現有師傅素質及訓練基礎下，我睇唔到出路。不過消費者要嘅，可能並非真實搏擊能力，只不過一種唔係太辛苦嘅運動，好過唔郁，又可向別人炫耀下吧！

一個學過十年空手道嘅女性，都打唔贏身型差不多、沒有學過功夫嘅男性，你就明白甚麼係現實，就算你學了十年詠春，都唔代表你可以打敗白人、黑人，或者可以打敗比你大隻嘅人，我嘅疑問就係：你嘅努力，能否勝過你天生DNA嘅弱勢呢？

大衛打敗歌利亞，係好威風⋯但佢係用「甩石機弦」，遠程武器，並不是近身搏鬥。

「搖名」體能絕對比不上黑人、白人，能夠打NBA，係好威風，但係佢身高有絕對優勢，搶藍板、轉身勾手入球，基本上係無敵。

「狼屏」時期嘅「忠國」女排，確實稱霸世界，但當各國隊伍都熟悉戰略、部署，在體能、身型劣勢下，能否再創高峰？

我知道外國詠春都好流，好似上圖咁，膀手束橋，角度唔夠，抱拳唔上唔落，一係抱好拳，㬹拉高拉後，一係做護手，展示膀護手，咁嘅詠春，一早俾人「吊」柒，意思係嚴正指導。我都唔需要知道他師承何處，總言之都係發瘟詠春，你唔好理邊度嘅發瘟詠春，白人、黑人嘅發瘟詠春，怎也勝過黃種人。

如果你嘅努力唔能夠勝過你DNA嘅弱勢，咁學嚟做咩啊？純粹打發下時間麼？嘥時間喇！