IB投資系列：慳錢係基本功

 絕大部分人不是缺乏賺錢嘅能力，而係缺乏控制欲望嘅能力。只要一日冇堵塞呢個漏洞，你就永遠都聚唔到財，永遠都冇辦法財務自由。

我最初出來工作，賺一萬，儲七千，第二年儲八千，在「忠銀」做零存整付，有9.5厘，後來儲到廿萬，放到「揸打」做定期，有9.125厘，一年到期賺18250元⋯

當時開埋優先理財，貪佢唔使排隊去做定期，後來亡母留返十萬俾我，不過這些錢，做生意及買「東瀛」基金蝕晒了，失落三十年，邊個都中伏⋯。呢啲就係人生啦！

跟我同期嘅人，戴IWC、Omega⋯⋯，揸Honda、Benz⋯，我死慳死抵，沒有享受就蝕晒，呢個世界公平麼？但沒有經歷這一切，又怎磨練到心志呢？

我今日蝕咗半層樓，我深信可以賺返嚟，但需要時間，一日未買到樓，我唔會換車，繼續用「埃峰11」，繼續戴爛鬼膠手錶⋯⋯

記住慳錢係基本功，投資係加速器，如果沒有基本功，就好像今日嘅詠春，根本係垃圾，自欺欺人，個馬都唔得，就好像沒有打地基就去起樓，就算起得幾靚都好，如果一受衝擊就倒塌。所以嗰啲「師傅」好醒目，叫你千萬不要打架，搏擊比賽都唔好打，否則就會穿崩。

（我出去食早餐都3.39鎊（約35講元），股神仲慳過我（約31.2講元），怪不得咁發。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。