IB投資系列：最強老二

 如果買了層樓出租投資，樓價不住下跌，確實係濕滯，但如果不急於套現，只要有租金，有現金流，仍然可以守得住。

股票情況也是一樣，只要你持有嘅股票經得起時間考驗，守得到就唔使死。但不代表可以守幾十年，因為任何人成功，只不過抓住時代步伐，才能富起來，不可能永恆，好像「兆日呼」跟「脷侾禾」攪TVB，係有時代性，今日仲揸住TVB股票，想唔死都難！科網、AI都係有時代性。

短期嘅下跌，叫技術性調整，唔使驚！如果長期咁跌，真係要驚！AI呢個週期，冇人會知道，但「天朝」追得很緊迫，「尾帝」一放鬆，就會立刻被彎道超車，因此在能力容許下，各AI巨頭都唔想放鬆，以免喪失領導地位，但當佢哋嘅決定未受巿場理解，股價急跌，管理層為保股價，都會收緊投資力度，到時就有麻煩了。

「星星叫」咁囂張，目中無人，大佬「麥加登」會唔會坐視不理呢？容許「星星叫」存在，不是放任，而係讓自己也不能放鬆，繼續強大。如果「麥加登」整死「星星叫」，對佢也冇好處，因為「星星叫」實力只次於「麥加登」，絕對係好幫手，只要不挑戰大佬嘅權威，彼此係有共存嘅價值。

以現時實力計，只要「尾帝」持續投入資本，佢哋有最強嘅GPU，再拉攏埋「藍寒」最強嘅HBM，牌面上真係冇得輸，但「天朝」善長推出平價版模型，加上逆向工程抵抗禁運，用四粒「嘩維」頂你一粒「揮撻」，成本貴一點，都叫做到，加上具備「尾帝」四倍發電量，沿海有核電廠，中部煤炭發電，大西北風力及太陽能，又唔需要考慮環境及民意，電力充足，算力更便宜，「尾帝」初創公司紛紛使用「天朝」算力，可謂最強老二「星星叫」。

（呢兩個人走埋一齊，在AI世界，已經係地球最強。）

（老大對老二說：「想要代替我，絕不可能！」）

（黑死牟不殺猗窩座，因為欣賞對方實力。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。