可能我是悲觀嘅投資者,但回望歷史,沒有一個商業王朝可以永遠長存,諾基亞、柯達、Palm…所以豐田章男不肯全力發展電車時,我已預言佢會在神壇掉下來,當然我係估錯了,但我嘅悲觀唔係冇道理。
2024年4月26日 星期五
IB投資系列:冇一個商業王朝可以永遠長存
2024年4月25日 星期四
IB投資系列:人棄我取,講股應否投資?
讀歷史都明白這道理…
雖然字眼上有少少分別,但意思一樣。其實我地都明白股票之道在乎:「人棄我取、人取我棄」,咁點解我地要爭呢?靚女又要爭,明知爭嘅結果是邊際利潤去到零才冇人爭,到時人、財兩失又何必呢?Nvidia升到974美元嘅人,點樣走貨呢?
正所謂:「亢龍有悔,盈不可久也」,事物的盡頭,定必歸回自己嘅反面,物極必反。美股好咗咁耐,自然會衰,咁某些地方衰咗咁耐,會不會變好?各國撤資,你去執平貨?
人棄我取,並不是人們棄掉垃圾,你都要執,而是巿場價格比實質價值被嚴重低估情況下,才值得大手掃貨。某些地方,樓房跌、股票跌、人工跌、失業升、國債升、地方債升,但經濟增長有5%,你信咪大手掃貨囉!你信「痕指」三萬點、四萬點,你咪入巿囉!漁村沒有以前嘅核心價值,淪為天朝城巿,估價仲會好似以前咁值租嗎?醒下喇!
(商家佬唔會死錯人,人地早幾年已經部署撒資,正是天朝如日方中嘅時候。當然,唔係個個商家佬都咁醒。)免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。
2024年4月24日 星期三
移英日記(153)與講人食早餐
由於架豐田Yaris有Apple Carplay,一插入電話,就可用車嘅喇叭及咪,用聲音傳whatsapp信息之類,個仔放學點都要玩,成日講「屎屎尿尿」,部機就會重複咁講,覺得很過癮,點知誤傳俾人,攪到我要致歉,但因為這致歉,打開了話題,原來是移英講人留了電話,但一直無聯絡,於是約了今日跟「歪芺」一齊去英國大眾食堂Wetherspoon食早餐。
一傾之下,原來以前住「羞街」(South Gyle)曾幫一個駕本田Jass的年青人,正是她的兒子,現在已往倫敦工作,原來世界就係咁細,佢話我嗰仔可能係資優,以前佢個仔都係咁,特別難教,直至上大學才甩身,要俾多啲機會俾佢發展及學習,小朋友平凡是福,不平凡也有不平凡嘅路。
我嘅兒子係咪資優,我就唔敢說,但現在已醒目咗,認得車嘅牌子及部分型號,Audi TT佢都認到嘅…
佢話本地嘅人,到了大學,就要佢自己獨立,自己找兼職幫補自己嘅生活,所以子女讀完中學,父母便甩身,仲有十幾年時間,好好珍惜吧!
IB投資系列:特斯拉盤後回升,是否迴光反照?
當蠟燭臨熄的一刻,人死前的一刻,都會特別生猛,這個短暫轉好嘅現象稱之為:「迴光反照」,特斯拉盤後上升,會否是迴光反照?反映死前嘅一刻?
事緣今季成績急轉直下,股價唔跌才奇?至於機器人的士,要成功真係唔容易,遠水不能救近火,股價自然急跌。
直至特斯拉確認平價細車計劃將加速進行,回應巿場嘅需要,25000美元(19萬5千港元),跟電油車一樣,有相當競爭力。又暫緩印度及墨西哥新廠計劃,專注現時生產線調整,用現有資源去做,對於投資者而言,是絕對收貨,股價自然回穩。
(大行紛紛下調目標價,要小心留意。)免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。
2024年4月23日 星期二
移英日記(152)人生係一個選擇
如果有愛情同麵包,你會怎決擇?
2024年4月22日 星期一
IB投資系列:投資在正確啲事最終都會贏
人嘅一生總會做錯事,信錯人…
免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。
移英日記(151)好地方冇人識欣賞
股票之道在乎:「人棄我取、人取我棄」,唔好同人爭,爭係無意思。如果啲女咁受歡迎,就隨人地去追,吊高黎賣,代價太大,追到都冇意思,在經濟學解釋,佢嘅邊際價值跌至零才冇人追。移民也是一樣,熱門城巿,搶學位、搶住屋,我都怕怕。
倫敦、曼徹斯特係意料之內,因為有直航機由漁村直達,有錢住倫敦,冇錢住曼城,令我意外嘅是,我嘅居住地愛丁堡竟然不入十大,住屋價格僅次於倫敦,又偏北,怕天氣凍也是講人所懼怕。買冷門賠率先高,有肉食,這裡我真係未聽過講人子女冇學位,免費由Nursery讀到University,仲想點?細路大咗,佢鍾意去邊咪去邊囉!蘇格蘭有好多好地方,風光無限,傳聞有水怪嘅尼斯湖,要揸三個幾鐘頭車(來回七小時),未見水怪已驚,未敢挑戰。
(有專家認為水怪只不過是大型鰻魚。)
(真係太遠了。)2024年4月21日 星期日
IB投資系列:美股下跌要小心
上星期美股嚴重調整…
移英日記(150)冇理念冇必要移民受苦
有移民加拿大的講人,又搵唔到野做,又要應付語言不通(唔係個個英文咁好)、文化衝突,仲有LGBT、毒品注射屋…講句唔好聽,仲衰過「鄉講」,紛紛有回流嘅掙扎。
我都講過世界無童話,烏托邦根本是不存在,你決定是否移民,只是將移民利弊羅列出來,好嘅因素較多就走,壞嘅因素較多就留。如果已經移民才覺得有掙扎,只不過當初走得太急,沒有想清楚、了解清楚,當現實不似預期,便會失望。
大不列顛冬天日短夜長,經常天陰陰,容易有抑鬱,冇車邊度都唔使去,星期日鋪頭關門,悶到你抽筋,稅又高,通脹嚴重…
言論自由對你係咪咁重要?對不平嘅事,不平則鳴,唔講唔得先…
投票對你係咪咁重要?你有投票權嘅時候,有冇投過票?邊個話事,你真的care…
子女教育你係咪覺得重要?你有冇曾了解過芬蘭教育或者其他…
如果三者你都唔介意,你根本不必移民。亦冇必要因移民受不必要的苦。
教師變教學助理,護士變執屎阿姐,高管變低級工人,博士變整餅佬,我地鄉講人比英國佬差嗎?佢地做野慢、效率低、甩漏多…好多鄉講人都係精英中嘅精英,點解要紆尊降貴?如果你心中冇理念,係冇必要黎!受不必要嘅苦!
正所謂:「善有善報,惡有惡報,若然未報,時晨未到」有些人做了壞事,唔係仲咁天真以為天堂仲留了位俾佢地!鄉講人全球最長命,男性80.7歲,女性86.8歲,天朝人77.3歲。人終歸要一死,面對審判,咪放長雙眼睇佢風光得幾耐?沒有必要移民受苦。
IB投資系列:逆向思維看「沈判」
已故巴郡副主席查理芒格很著重逆向思維,面對「鄉講」遭逢巨變,大行一致睇淡,唯獨「沈大師」之流獨具慧眼,篤定四萬點目標,最差也有三萬點,究竟我地會唔會睇漏咗啲野?「沈判」最終會否出現?
(臨走再跣大家一鑊?)「鄉講」衰成咁,都不必再講,我要問「講股」如何「飛龍在天」?美股衰廿年?
(用堪輿五行去預測股巿,死得!買定人壽保險及龕位吧!)「鄉講」這個「漁村」已經跟「天朝」成為命運共同體,「天朝」經濟強盛,「鄉講」才有望復甦…
(債台高築、危如累卵。)又或者,國際對「鄉講」重拾信心,自由、法治堅如磐石…
(自己人對自己地方都冇信心。)投資股票,都係將利好、利壞因素,稱一稱,覺得好嘅因素較多就「揸」,壞嘅因素較多就「沽」,如果一半一半就觀望下先。當一個人受到重傷、或大病,也需要相當時間復原,如果突然生生猛猛,通常迴光返照,跟住拉柴!就算較為樂觀咁睇,真係復甦,「痕指」最多也不過兩萬點左右,某些人煲到咁大,四萬點,慌死你唔落撘?司馬昭之心,眾人皆知!
(這個景況,2021年誠哥早已知道,叮囑下屬「週海船」掌管嘅投資要小心,經濟會一落千丈。最近「詳實」賣樓,呎價成本2.8萬,賣俾你唔使兩皮,商家佬唔會死錯人,如果「鄉講」短期會復甦,佢會咁益你?自己用個腦想下。)免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。
2024年4月20日 星期六
IB投資系列:走得快好世界
有時都很感概,但事實變成這樣…
(邊個有能力攪到咁樣?)
(低的未算低。)
2024年4月19日 星期五
愛丁堡詠春:功夫只不過自我感覺良好,有冇料唔重要
某國嘅人有個特點,永遠唔會教足,留番幾手,唔到嗰頭近,都唔肯講出真相。問題係,到你嗰頭近嘅時候,你有冇充足體力及精神,去展示及解釋呢?中醫係咁,武術也是一樣。久而久之,每一代散失20%,幾代之後,就變成垃圾,三腳貓功夫。
詠春比較好彩,是秘密拳術,不是一指相傳,就是教得幾個,如果仲留幾手,肯定失傳,故較為足料,加上每一代宗師實踐改良,實力大增,加上秘密拳術嘅優勢,敵人無法知道招式奧妙,只要詠春拳手掌握「逢虛必冒進」,敵人往往短時間敗陣,詠春嘅威名也開始傳播。
然而傳統武術都有傳承問題,武功好,唔代表識教,尤其詠春屬於智慧型武術,唔係死練爛練可以成功,對師傅的教授能力、表達能力,成為一大挑戰,佢哋解釋唔到嘅現象,就往往用陰陽五行之類帶過,有的直頭解錯拳,當然有問題。
(又識打又識教嘅人唔多,「屍單」是少數在球員有出色表現,做教練又獲得出色成績。)另外,在商品化嘅社會,詠春都係一個商品,問心嗰句,真係有師傅有料到要學十年,甚至一生追隨他嗎?如果冇料或冇咁足料,咪將一些貨,改頭換面,重新包裝去賣,有幾多真係有用,最重要是要你俾一世嘅錢,但徒弟唔係傻,長此下去,啲人會走晒,又要陰啲陰啲教你少少入門功夫,又可以蹉跎歲月了,至跟到個師傅拉柴,都學唔足料。
(師傅跟唔到一世,唯有自練,網傳周星馳可以打贏甄子丹,我相信是事實,因為師叔確曾下過苦功,黃公死後,也得到某師兄指點。)俾你學足三套拳:小念頭、尋橋、標指,三器械:木人椿法、六點半棍、八斬刀。我好肯定咁話你知,你都唔識點打,如果你真係有料、又熱心追求,你明我意思。套路係冇教你點打,木人樁法嘅招式又好睇師傅有冇料,搬字過紙係冇意思,學費都收了,你學唔學到關人忍事。
係咁嘅條件,咁嘅質素,學詠春仲邊會有用?真係有用嘅招數,幾個月就可學晒,不過佢分幾年教你,你真係想學嘅,佢死都冇教你,唯有死後落陰間請教師祖五枚師太、嚴詠春、佛山贊先生梁贊,我講到咁,真係悲歌!
(所謂最正宗嘅,就最冇用。最唔正宗嘅,就最好打。觀眾最喜歡嘅,就最賺錢。作為商業世界,做人人喜歡嘅事,就最賺錢,所以師傅要賺錢,就唔係呼呼喝喝、嚴格要求,只要徒弟自我感覺良好,佢自己以為好勁,咪得囉!)IB投資系列:冇一個商業王朝可以永遠長存
可能我是悲觀嘅投資者,但回望歷史,沒有一個商業王朝可以永遠長存,諾基亞、柯達、Palm…所以豐田章男不肯全力發展電車時,我已預言佢會在神壇掉下來,當然我係估錯了,但我嘅悲觀唔係冇道理。 以前有一家時裝品牌:思捷Esprit,一時無倆,其股價最高達123.5元,巿值1715億元,...
-
已開了IB投資戶口多時,無論申請、入錢、投資,完全網上完成,所以根本沒有去過IB辦公室。 不過現時局勢有變,倘若BNO人士移英,利用IB兌換了英鎊,想過錢去英國的戶口,或兌換其他人民幣以外貨幣至他國,便必須到IB辦公室簽名驗證。不必預約,星期一至五,朝九晚五,直接去金鐘或觀塘辦...
-
十幾年前在駕駛學院,雖然成績不算差,兩次便考了棍波貨Van牌,一次就考了電單車牌。 但是任何人都知道,駕院出來,不代表識揸車,再者考了棍波車牌就可以同時揸自動波車,究竟係咪真的識揸呢?當然不會。 最初我開著架公司自動波貨Van,連入波都唔識(要先按著剎車制),跟著...
-
導師助理入職要求: 一、持有相關工種的中工測試證書。 二、最少3年相關工種的實際工作經驗。 導師助理職責: 一、協助授藝、測試、還原、倉務、保養維修等工作。 二、執行其他由議會指派的工作。 雖然只是兼識職位,而且只是協助角色,但可以累積經驗,又可向資深的釘板師傅學...