移英日記（132）義人多有苦難

 正所謂：「義人多有苦難，但耶和華救他脫離這一切。」（聖經詩篇34:19）我們又怎可能避得過這些問題。

那一個不是為了逃避邪惡「正拳」黎到大不列顛？那一個不是飽受語言衝擊、文化衝擊、天氣衝擊、工作衝擊？但每當想到某些地方考試不再被認可，即使不為自己，也要為下一代涯下去。

今日係稅務「死線」，數已經做好，附加表格也填好，再用pdf格式集合一個檔案，要填也填好，只差一步，功虧一簣。

報稅軟件11.99鎊俾埋。

有錯漏，改埋。要用country code，不能打Hong Kong，要用HKG。

跟住又出問題，UTR報稅已到最後一步，如果開頭有問題就不可能走到這一步？咪玩啦！開頭又話地址不乎，council tax收晒錢，有晒信，road tax，收晒錢，有晒信，車牌更新，有晒信…地址錯怎可能收到信？攪了一大輪，打埋電話都唔得，再寄信，才收到UTR可以報稅…攪咗咁耐，你話唔得，火到黎埋！又打電話，等了一粒鐘，終於有人聽，「歪芺」交涉，以為可解決，佢做緊的時候，我們唯有等待，點知突然自動cut線，再打電話錄音話過了工作時間，咁即係收工走人，咁都得。

有問題是普遍現象，HMRC也無法解決問題，局住要遲交，當然我有抗辯理由，黎到大不列顛，只有接受吧！

真正愛車，不是伊隆馬斯克，而是豐田章男

 「鄉講人」喜歡北上消費，甚至會駕車北上維修，尤其電車，一整要幾皮，北上幾千攪掂，省了的錢，去山姆、Costco入貨有餘。

有不少人都話愛車，其實展示的車都是炫耀自己財富為主，未必真正愛車。

真正愛車的人，就算平車，也會喜歡，就算不是自己公司出的車，也會買，而且不怕別人批評。

真正愛車的人，一定是豐田章男，不理是Jimmy，或者是電單車Vino，由愛車的人去造車，差極也有個譜。伊隆馬斯克或許都愛車，但佢有幾多部，都係數得到，但豐田章男，佢有幾多架車，他也不知道，因為實在太多了。

移英日記（131）計唔掂數要回流？

 現在仍忙於處理報稅事宜，希望可以在一月底完成兼交稅，以避免罰款及BNO5+1留有污點。

我都是參考YouTuber 小魚爸little fish ba及富熊Rich bear的影片（詳情可參考他們影片），使用付費軟件Selftax去進行報稅工作，因第一年移英，夾在稅務年度中間，要用軟件才能分割網上報，填少D、報少D，下年直接用HMRC即可。但即使這樣，前期工作也極其複雜。因為你直接列印IB報表是填不了，要先兌換當月兌換英鎊價，例如，美股會扣了30%股息稅，要先計回未扣稅前的股息及股息稅，一總言之，要做餐死。

我鄭重警告移英講人，炒「即日鮮」（短炒）圖利，死路一條，每年過百過千單交易，唔會有會計師幫你，如果觸及「Bed and breakfast」（出售股票30日內買回），條數好難計，你俾十皮都很難有會計師幫你做，唔係同你講笑。

我慶幸自己較為專一，只買股票、債券、基金，但許多講人，又炒外滙、又買期貨，又虛擬貨幣，一年幾千過萬單交易，冇人幫手，真係死得，唔報、報漏，人地告你瞞稅，局住返黎「鄉講」，或像某知名經濟學家避走美帝，匿藏「天朝」，咁又何必呢？

去到新的地方，就要知道新的玩法，採取新的方法對應，學習新事物，也激活大腦的神經元，腦退化也可避免。最後也鳴謝「歪芺」，雖然佢煮飯麻麻，但冇佢幫手，條數都攪唔掂！

移英日記（130）Corstophine hill

 雖然報稅工作尚未完成，但也要鬆一鬆，先去中式餐廳食午餐。

（蝦多士。）

（春卷。）

（這間中餐廳叫The Chinese Manor House，位於2 Glasgow Rd, Corstorphine, Edinburgh EH12 8HL，侍應都是華人婦女，識講廣東話，十分有親切感，這次更送了豬肋骨，更問孩子食唔食薯條，但已經太飽了，不得不佢絕。）

然後徒步上山。

當然有些人會駕車至入口處，然後再行，不過既然是做運動，就不會好像以前有些「鄉講人」駕車去做Gym，冷氣室做嗰一陣，主要係沖涼，跟住駕車走人，自欺欺人。我們這次，行路去餐廳，食完野，再行路去上山，中間經過各個住宅區，然後才到達。

這裡可遠望愛丁堡北部利斯，巿中心愛丁堡城堡等，風景一流。

不過最有驚喜，是能夠看到動物。

（眼利才能看到。）

（這張清楚一點，究竟是甚麼動物？）

（是班馬。）

這裡見到班馬，因為這裡接壤愛丁堡動物園，故其中一段是見到班馬。帶著小朋友就走得不遠，回程已經要抱抱，跟著去超巿買野，去麥當勞食野，全程都是行，我終於明白發哥點解行山，你有做運動食乜都得，而且真係有益，仲keep到身型。

IB投資系列：移英炒股冇好下場

 經歷了報稅要埋數的艱苦經歷，令我意識到必須改變現有的投資策略及方法。

(我警告各位移英投資人，大不列顛係沒有會計師幫你做這些數，只會建議你開免稅ISA，炒股前，想清楚。）

賺多D錢，交多D稅，報稅做餐死，唔化算，賺幾多都打八折，甚至更多，倒不如將一半資金買樓自住，唔使交租，支出少了，賺少一點也沒問題。

所有家庭成員都開ISA免稅戶口，大人一年兩萬鎊，小童一年9000鎊，每年全家人49000鎊注資，逐年減少要交稅投資的資金。

增加長線投資比例，減少短炒「即日鮮」，費事過百過千交易，每次報稅做餐死。

或者神唔想我再過「三更貧、五更富」的日子，人生大上大落，一時幾皮一個月，一時一個仙都冇，專注力向著股巿，不向著神，長遠都唔係辦法，世界太多需要，人生已過2/3，日子不多，快要埋單交帳，考埋life in UK，可能自修讀個神學，自由人帶職事奉。

（世界有太多需要，有些人為了別人的自由而失去自由，「鄉講」仍有「孟德拉」，寶島有「屍名得」，自由並不是白白，要好好珍惜，為受壓制的祈禱。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：走投無路？

 「鄉講人」炒股，不是用IB，就是用富途、耀才等證劵公司，日夜炒賣維生，商人的賺錢方法就賤買貴賣，賺取差價，一年累積買賣，次數過百過千係好平常，如果玩概野多，交易次數過萬也很平常，不過黎到大不列顛，一要計數就知「大檸樂」。

我唔係討厭交稅，因為預咗，如果一個總數，扣除免稅額，再抽20%，係冇問題的。但要每一隻股票，每一次都記日期，交易、買入價、賣出價、手續費、盈虧，都按官方指明每月滙率，兌換成英鎊，十個交易都好易做，過百過千個交易，怎樣做呢？最慘係即使你肯俾錢，都不會有會計師幫我做，你叫我情何以堪呢？

仲有30-days rule更加係「暴雪」（唔爆粗都唔得），買賣係講時機，等多一陣，已經係另一個世界，何況成個月？咁即係叫我唔好炒，你叫商人唔做買賣，即係叫佢收皮？至於ISA免稅戶口，資金少、限制多，點搵到食呢？

（某電車需求不似預期，加上機械人造假，股價急跌，想追貨，會觸發bed and breakfast，咁即係冇得玩。）

（英國ISA免稅戶口雖然限制多多，錢又少，又冇槓桿，但想到報稅的困難，我也積極考慮。）

（「荽還契仔」都講人話，點解「昭哥」聽唔到？「菠叔」又唔肯撤辣，咁攪法，「鄉講」冇得玩，係咁先。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（129）耶穌顯靈，終於可報稅

 我每日也在大不列顛祈禱，雖然人在遠方，但仍然為地球另一邊的人祈禱，希望Jimmy得到公平的審訊，受壓制的得自由。我亦自私的為自己的需要祈禱，在大不列顛的問題，沒有一樣得唔到解決，人地話租屋難，我地卻很快租到（當然我係要show身家，IB戶口結存，有能力買到這單位有餘，再預交租金），兒子可升上心儀小學…等等。

今鋪當然係為報稅問題祈禱，多月也為此煩惱，本來想上年報考埋life in UK，也沒有做到，直到今日收到稅局信件，有UTR可以報稅，才放心頭大石。

不過報稅並不容易，尤其投資有大量交易，只有一個星期，英國股票沒有滙兌問題，但外國股票，成本價要兌換當時英鎊價值，賣出價要兌換當時英鎊，仲有「bed & breakfast」原則，持有舊股（跟section 104 holding)，30日再買入（跟bed & breakfast)，複雜到你唔信，原本是阻止人避稅，矯枉過正，冇賺錢都要你交稅，咁攪法冇得玩，日後點炒股票呢？等30日再買，甚麼機會都走晒喇！忌住忌住，冇得玩的，再者，頻密賣買，佢會當你專業投資者，用另一種計法，即時計你20%稅，再過40%，有錢賺都算，賺夠收手，但別忘記矯枉過正原則，蝕到入肉，都要你交重稅，冇錢何來交稅？

（大不列顛每年有資本增值稅免稅額12300鎊，於是有人賣出股票獲利，用盡免稅額，然後短時間購回股票，下年股票再升再賣，再享有下年免稅額，但這招冇得玩了。）

突然間，對未來感到徬徨，唔知點算？大不列顛頻繁炒股係賺唔到錢，計到你死，仲要懲罰你交重稅。日後或要調整投資策略，不過我深信，在人是不能，在神卻凡事都能，依靠神，多祈禱，總有辦法克服困難，例如，入藉後，長期旅居他處，少於180日，避免做稅務公民，不過講係咁講，一年走半年，頭家都散了！

IB投資系列：唔識唔好投資，為四厘輸一半

 「鄉講」臭名遠播，韓國ELS產品，某些銷售人員指出：除非「鄉講滅亡」否則產品十分安全。（立埋twenty three條就差唔多）

巿場永遠係高風險、高回報，輸了錢都冇得怪邊個，但係這些產品得四厘，但原來會有巨額損失的風險，咁不如all in落QQQ，現在賣晒，笑住走，夏天過黎歐洲郵輪假期嘆世界！

得個四厘，要我輸身家，合唔合理？如果我要發達，要輸身家，合情合理，我放在IB戶口的閒置美元，都超過四厘，有4.83%，如果投資美帝短期國債，也有五厘幾，近乎冇風險，如果唔識，做外幣訂期也有，何苦投資咁低回報，咁高風險的產品？

我成日講詠春功夫，難練、難用、成功率低的招數，根本係垃圾，垃圾師傅用來呃人的。高風險、低回報的投資也是一樣。

就算你俾多些管理費，買「木頭姐」的「荒舟基金」，風險大一點，但至少有得搏，明買明賣，童叟無欺。

（某歌手投資雷曼產品，唔見幾千萬，要繼續工作。）

你唔清楚敵人及形勢，一定是維持安全的格鬥姿勢，最多是打一下刺拳，試探一下，一唔對路就快速縮回。來來回回，安全賺點數就可以，你唔搏，就唔會輸，要輸也是皮外傷，不會死，現在我都冇錢賺，只是賺點利息。唔熟悉的事，就唔好玩。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（128）死期已到

 月尾就要報好稅及交稅，倘若做不到，結果如下：

實不相瞞，至今因為地址跟記錄不乎，無法完成，網上已做了不知幾多次，最後發現大不列顛運輸處，即使更新了Mot、road tax，駕駛執照不會自動更新，已經做埋，收埋，稅務問題仍未解決，打電話等了一粒鐘，印度佬都係例牌叫你再交。壁虎跳牆，郵寄有關資料及申訴情況，跟著收到以下：

佢話2月5日才覆我，咁我月尾怎能完成報稅及交稅情序呢？不過咁，我點都要計好條數先。

我睇下個示範表格，我地移英投資人，仲唔死！要記晒所有股票買入日期、時間、價格、兌換當時英鎊價格，賣出日期、時間、價格、兌換當時英鎊價，盈虧，你可知一年有幾多次買賣？有的股票持貨多久，要追溯買入價錢，當時英鎊價格，有的股票幾買一賣，有的一買幾賣，有的一日幾次買賣，其複雜程度，難以估計，「講股」蝕了三十幾個，都係少意思，這鋪真係「大檸樂」！

這些繁鎖工作，即使你肯俾錢，都冇會計師幫你做，要「歪芺」幫手，歐洲之行都冇走雞了！

IB投資系列：係人係鬼要識分

 「漁村」鬥爭不住，Yellow營死晒，唔夠blue都要死，日日鬥，天天鬥，country好唔安全，如果唔係咁講，過億維穩條數點開，下面鬥到死，今上感覺最安全。

「漁村」人冇錢都北上Costco、山姆消費，有錢去東瀛消費，遲些仲整個twenty three 條核彈，咁攪法，冇得玩㗎啦！「審大師」、「覺私自」之流，唔死都冇用（容許我講這些惡毒話），跟倫敦金、Jpex嘅人冇分別。如果你話升番兩萬點，我都算，三萬點，我都算（都曾經上過），四萬點，點都講唔通，你喺度齋吹，唔使負責，人地瞓身搏命，分分鐘走投無路，跳樓收場。

我所見到，財經較有參考價值，是聽「教授」、「末日博士」、「脷勢文」的分析，你可以唔信佢地，但至少講番啲人話，「審大師」、「覺私治」鬼話連篇，都唔知係咪人，難道留係「漁村」，講真話係無法生存？若是這樣，點解唔走，若是靠假話才能生存，有料極也有限。好像某知名經濟學家「將午嘗」，如果掂就唔使做衰野，叻概人係避稅（合法），唔係逃稅（非法），俾美帝追殺，要避走天朝，好像過街老鼠一樣。

（教授真係大膽，竟敢猜度今上。果然去了大不列顛啲人係唔同嘅。）

股神巴菲特交的稅，比佢秘書還要少，佢持有巴郡，即使升咁多，只要不變賣，都不能叫賺錢，政府不能收他資本增值稅，巴郡從不派息，收唔到股息，政府不能收他股息稅。世上巿值最高的公司蘋果（就嚟俾微軟追上），比起美帝街邊賣熱狗的小販，交稅比率少許多，高手、低手，一眼就能分辨。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：殖利率上升

 美帝十年殖利率上升，代表巿場對未來經濟前景持續看好，股票自然向好，不過我怕這些是虛火，難以持久，一切都要謹慎為上。加上今年預計有兩次歐洲之行，唔想太影響旅遊氣氛，小注可以，大注免問。

我現在留意「荽荒碩悠」，由於美帝有機會今年減息，對非美貨幣、資源等都要留意，石油係用美元來報價，如果減息，美元會下跌，咁要用更多的美元才可買同等數量的石油，以美元計價的石油便會升。以前買「講股」都會留意三桶油，現在買美股，當然要留意「荽荒碩悠」、「說佛聾」之類。

(股價相當波動，要相當小心。）

這間百年老店，高價收購某石油公司，跟著巿況不景，幾乎破產。一間碳排放公司，竟然做減碳生意，收集二氧化碳，封印在地底，靠賣碳額賺錢，好像某電車公司一樣，不過咁，石油公司股價始終是油價來決定，如果「衣郎」叫「湖菜」封紅海，佢自己封霍爾木茲海峽，影響石油航線，影響石油供應，又或者經濟向好，影響石油需求，也令股價上升，這間公司值六十幾元，現價五十幾，十元唔係少，20%，但係現在牛巿尾水，經濟會點未知，「湖菜」被美帝打殘，「衣郎」又冇力封鎖海峽，有甚麼因素令油價上升呢？

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：升跌估不到

 寶島大選以後，台積電升到110美元，見財化水，一早放晒，咁反映甚麼？天朝統戰失敗，也無力攻擊。「Don’t瘋導彈」唔係吹到好勁麼？早前試射，十幾支射完唔見幾支，咁神奇？閱讀歷史，甲午戰爭，北洋艦隊遠勝日本艦隊，點解大敗？炮彈裝概不是火藥，而係麵粉，怎會有戰力？今日導彈裝水，武統？早啲唞吧！

（寶島防空飛彈數量及密度，比Don’t 瘋導彈更多，實力只次於以色列，「譜驚」幾千支導彈都不能降服「污黑難」，何況防空實力第二的寶島？）

天朝經濟崩潰，貪腐嚴重，自身難保，始乎暫時安全，不過獨裁者的思維，跟正常人有別，仍要小心謹慎！

北美寒冬，電車效能已大減，續航又打折，有人在某電車超充電站充電，充了三小時，電量仍然是零，爆晒粗，啲人充唔到電，後面排晒隊，無法動彈，冇電又唔敢開暖氣，涯住凍，一邊排隊，一邊咀咒馬斯克…怪不得股價下跌。

電車的問題，我仍是解不通，保養期內的某電車「蘇兒」，二手價折讓一半以上，有甚麼原因導致這樣？原廠有保養，怕甚麼？我大擔逆向思維，如果我係車主，肯定不是充電麻煩或里程焦慮問題，因買的時候已經預咗，但如果成日壞，即使原廠肯免費維修，我也嫌麻煩，而且考慮到日後維修費貴，才會在保養期內折讓賣出。（純粹係個人推測）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（127）文化、歧視、言論自由

 有一次去Tesco，播著一首歌，我沒有留意，但「歪芺」告之是蘇格蘭出名的創作歌手Lewis Capaldi，十分出名，也住得跟我們不遠。Someone you loved 是十分紅的歌，真係有眼不識泰山。

（了解了歌詞，理性上知道是一首催淚的冧女歌，不過隔了一層文化、語言，加上已經不再年輕，沒有太大感覺。）

住了蘇格蘭超過一年，你問我這裡文化是甚麼？我坦白講，我也說不出。做了七個月執房，有波蘭人、烏克蘭人、印度人、巴基斯坦人、菲律賓人，就係冇蘇格蘭人，我住的屋宛，印度、巴基斯坦為主，駕平治、寶馬，我架車最cheap、最舊，唔知以為「鄉港」只有窮鬼。

如果要我說這裡，是多元文化，因為民族多，本地文化真係感覺唔到，但正正是人人不同，就要互相尊重，基督教一神論，不能批評印度教多神論；一夫一妻，不能批評LGBT。樓下個印度佬煮咖哩攪到走廊成陣咖哩味，也不會有人投訴。民族融和、互相尊重，也成為罪的護身符，只要冇觸犯法例，你都不能出聲，同性、異性、人獸、冇性，都要視之為等同。

至於歧視，真係沒有，印度人已做了首相，巴基斯坦人做了蘇格蘭首長，英國人怎可能歧視亞洲人呢？再者，法律根本不容許歧視，你不能做同樣工作，只因環境不同、經驗有異、資歷未必認可，如果做IT，真係不怕冇工，只是冇以前咁高人工。

言論自由，這裡一定有，英王查理斯到訪蘇格蘭，支持及反對可以同時出現，不過言論自由不代表可以亂講野，如果你用英文說：「要炸了大笨鐘」，警察一定將你拘捕，因為這裡好緊張恐怖襲擊，正所謂：「野可以亂食，說話唔可以亂講」。

某些地方已經冇言論自由，人人互相猜忌，互相篤灰，互設紅線，即使講事實，也會被認為散播負面訊息，危害country安全。吓！原來嗰個country咁脆弱，講都會冧，咁樣唔係民族自信，係自悲到極點，要威的時候就說：親自指導、親自指揮，到件事衰咗，卻不下詔罪己，退位讓賢，反要永續權位，歷史上的賢君會這樣嗎？

（英王對殖民暴行，只說深感遺憾，沒有道歉，還受害者公道。以現時英國國力，一旦道歉，就要賠償，何來有錢賠呢？）

（極權者想永續權力，除非死亡，否則不會交出權力。）

IB投資系列：漁村係咁先！

 「痕指」跌破萬六點，我真想問沈大師怎樣有四萬點。

（某地產公司負債高，兵敗如山倒，不宜沾手。）

漁村係食四方飯，一旦與西方脫軌，被美帝定性為敵對勢力，仲邊有運行。今年「你加昭」仲要twenty three條立法，驚你唔死，加多劑勁野。

回想，我真係懷念「霖淨」，雖然佢係乞人憎，但堅持不立twenty three條，真係有智慧，保住這地，今日最緊要聽話，political正確，如此就權位得保，但係漁村就係咁先！

（牛鬼蛇神出晒囄！「各抬冥」唔做野，「馬鷹狗」亂咁噏，德國佬都唔信，指鹿為馬、顛倒是非。花了咁多錢統戰，「老賴」仍當選寶島總統，真係食塞米、嘥米飯。如果係「寒各愚」之流，妄想上位，仲可以理解，有些人已經上過位，嗰頭近，做這些事有甚麼好處呢？）

（易中天教授真係太清醒，天朝邏輯不問事實、不問是非、不問道理，真係講得中，讀歷史要讀真歷史，易教授對三國的研究十分到位，值得睇！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（126）這個冬天不太冷

 今年冬天，去到一月中才開始凍…

不過沒有落雪，沒有白色冬季，不過車窗內外都結冰，朝朝都要用15分鐘準備，才可開車。

以為GTR才要煲車，但這部錢七都要，用暖氣吹玻璃，外用除雪劑及摌冰。

中午異常好天，一舊雲都冇，蘇格蘭天氣沒有中部咁凍，雪都見唔到，十分適合移英講人，不過「歪芺」話唔好成日講，費事扯高租金、樓價，不過我說，這個網誌有幾多流量，升跌都冇影響力，你鍾意睇就睇，唔睇就唔睇，唔洗呃like，冇「披床」課金，我又唔需要靠個網搵食，純分享。