大不列顛買車最佳選擇

 要用最少錢達到目標，最合乎經濟效益。

車只不過用來代步，行得走得，似乎合格。不過想深一層，平買貴用，是否值得？舊車一年用在維修及過Mot的錢已等同車價，雖說壞的零件換上新零件可用上好幾年，但下次壞卻會出現在另一處。再者，如果突然死車，或出現固障，真的很危險，舊車也不會有歐盟五星撞擊測試。

另外，環保要求日漸收緊，在大不列顛大城巿都設立ULEZ超低排放區，汽油車要歐盟4或以上，柴油車要歐盟6或以上，否則經過每日收12.5鎊，「錢七」唔收皮都唔得。本來禁售新油車由2030年，延長至2035年，冇新車、冇零件，最終都要陰乾油車。

在上述條件下，一係買架新油車，可涯十年或以上，又乎合ULEZ，冇入城費，豐田新車可續保十年（當然要用原廠保養服務）。一係直接買電車，即使佢收緊至歐盟10都不受影響，然而電池只保七至八年，未到2035，肯定要換電或換車，似乎中間11年，用油車頂住也可以。

究竟怎樣的買車策略最合乎經濟效益？如果買最平全新電油車：Kia Picanto，十幾萬港紙，新車保養七年，涯到壞才轉電車，到時更多電車，價錢更平。

另一方案是直接買電車，但價格比油車貴，車價差距已足夠油錢有餘，始乎不合經濟效益。然而二手電車卻平到你唔信，例如，雷諾Zoe，新車約3萬鎊鬆少少（30萬港幣），兩三年二手車只需1萬3千鎊（13萬港幣），折價超過一半，電池保養有8年10萬英里，但架車只保3年，未知有冇伏位。電池唔壞，但電子野就難講。

電車比油車零件少許多，壞的機率按理也少，我以前在某大𨋢公司工作，駕Hiace去運升降機舊摩打去油麻地碧街維修，繞過新銅線又可用番，陳年摩打都可起死回生。摩打要壞其實都很難，電池又保你七八年，怕就係怕電子野，新車歐盟有許多要求，硬件係架車合乎撞擊測試，軟件是各式保護系統，例如2022年中新車必須裝限速器，又GPS，又鏡頭辨識…如果冇軟硬件配合，係攞唔到歐盟五星。

不過咁，電子野在電車、油車都沒有免役，油車一樣有電腦系統監控整架車運作，盡其量你說電車是新研發，車廠經驗及數據未夠，固障機率可能較高。

故此，如果選擇已研發多年，又曾經做過電車一哥，又有日本匠人精神下的加持，日產leaf，應該冇問題，好老實講，驚喜就欠奉，整個格局就像油車，賣相又老成，保費屬21E，較新興電車平，講真你如果後生，揸架車去威、去溝女，都唔會揸這架車，但保費亦反映這車意外率低，安全都位，娶妻求淑女，買車求穩陣。

（全保都係七八百鎊，我部錢七只買第三保都要五百幾六百鎊，一點也不貴。）

（Tesla係好，但價錢貴，買曾經一哥的日產Leaf，似乎係好選擇，設定都係似油車，適應無問題。）

如果電車咁好，點解二手折讓這麼多？同樣價錢，買二手電車比二手油車新幾年。其中一個原因，是充電未普及，我住的屋宛屬flat，沒有充電裝置，故停車場沒有一架電車，除非你住house，可安裝充電樁。而充電制式亦未統一，日產要日本制式才可快充，要去到較遠油站的充電位才有，我常去的Tesco只有慢充7kwh，40kwh也要6小時，但超巿停車場是不許停泊咁耐，換言之，每次購物一小時，補給7kwh，又真係幾麻煩！慢充每度電44p（約4.4港幣），充滿17.6鎊（176港元），可行168英里，跟油車差不多，比混能車差，要自家充電樁才有優勢。

故此，住house，買幾年二手電車最化算，住flat，唔怕麻煩，密密慢充，可買二手電車，車較新、里數也較低；若怕麻煩，買新油車，有保養唔使煩；若預算充足，行車里數又高，可靠的混能車，也是好選擇。

（混能車的表表者，豐田Prius，更有插電式混能，唔記得充電也不怕。）