IB投資系列：「沈判」難以發生

 作為二三流交易員都知，「講股」跌破兩萬點就應該走人，如果遲了，壯士斷臂，輸少當贏，總不能抱殘守缺，與命運共同體共赴黃泉。

沈大師話：「痕指」升上40000點、「臘指」跌到5000點，「Don’t 」升「site」降，大家小心！

現時「臘指」15000點左右，如果跌至5000點，意思係要跌2/3，若真的如此，天朝要取代美帝，成為世界霸主，號令天下，莫敢不從！寶島獻地來朝，大業可成了！（今晚早啲唞)

如果美帝停止加息係第一步，如果開始減息係第二步，經濟會開始放緩，指數下跌也是可以理解，但要跌2/3，跌10000點，真係要硬著陸，經濟崩潰才能。

現時牛巿已經接近尾聲，走得到就走，美股都係咁㗎啦！再高追有潛在風險，當然我唔係先知，「霉大師」又豈能跟沈大師比較，炒多三個月唔定，半年唔定，不過我地可以逆向思維，幕後玩家點樣可以盡賺？「背負投」都要過背過肩，摔倒人才有威力。要捧到佢天咁高，再踩到地底泥。回調點都會有，但有腥屎都知唔會跌一萬點，除非核戰，或超級病毒。

（已故巴郡副主席查理芒格強調逆向思維的重要性。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。