在「嬰國」搵唔到食⋯
如果「歪芺」嘅廚技有「移嬰講人」「涼紙零」一半功力，咁就有福了！（食得太好，糖尿病、心臟病、中風、尿酸⋯好快埋身，未必是福。）
暫時寄居住「嬰國」先，正所謂：「此地不留人，自有留人處」，環境會俾我答案，好似詠春咁玄，敵人會教我怎樣去打。
股票大上大落，好平常。未見過「大蛇屙尿」咩！不過人天性有個特點叫「損失厭惡」，失去嘅感覺比得到嘅感覺更強烈，因此會作出唔理性嘅行動，輕則賤賣股票，重則輕身，要十分小心！
理性啲咁諗，中期選舉對「突郎浦」及「共禾黨」都十分重要，怎也會做啲野改善通脹，例如購買「鵝蘿屍」嘅柴油，舒緩國內重型車嘅支出，盡快與「衣郎」達成談判等等。
「通脹」係七傷拳，殺敵一萬，自毁三千，但怎樣也是別人死先，當各國意圖去「尾元」化，「尾帝」用行動告訴大家邊個係大佬，「東瀛」、「藍寒」、「勾洲」都要依靠「尾帝」能源供應，「位內睡拉」嘅石油已由「尾帝」完全控制，「宗冬」、「鵝蘿屍」供應又受限，冬天又到，邊個仲頂得住？「尾滙」指數迫近103，「尾元」保住了。
凡人以為世界失控，其實仍然牢牢控制在「尾帝」之手，只不過一時要保「尾元」、「尾債」，一時又要控制通脹，一時要保「尾帝」利益、霸權，最近「突郎浦」與「今上」會面，就係要解決「鵝蘿屍」、「衣郎」背後嘅金主，有什麼秘密協議，唔會向各界公佈。
（「尾帝」想讓「鵝蘿屍」贏又得！「污黑難」贏亦得！）
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
「尾國」9月份消費物價指數CPI比預期高。
「尾國」通脹高於預期，巿場擔心「攣柱局」不但不減息，甚至會加息，加上「忠冬」局勢惡化，油價上升，以致科技股及半導體股受壓。
係咁嘅時候，實務股反而靠穩及上升。
星期三咁樣跌一跌，星期五反而有機會回返啲，本星期雖然期權收了3601尾元期權金，約28087講元，表面好風光，但都要盡量避免接貨，免得負債嚴重。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
我都會聽兩邊唔同嘅聲音，有一次聽到blue營嘅YouTuber ，為了引証「移嬰講人」有幾仆街，甚至訪問「移嬰講人」，由於不露面，我唔肯定係咪真，但從這個人嘅表達，對「嬰國」嘅事情都十分了解，唔係齋吹，可信度都高，但令我最疑惑，既然你都知道「嬰國」咁仆街，政客咁仆街，點解仲要留喺呢個仆街地呢？
試問呢個世界，邊個政客唔仆街？任何人都不過將自己利益極大化，尸位素餐。
如果有的地方好，啲人就唔會要走。
我唔介意你點睇，也要從正反兩邊討論，每個人都有權爭取自己幸福，如果有人要去「天朝」嘅「戴彎驅」生活，我不反對，因為「漁村」生活更苦。
每個地方都要收「保護費」，只不過收嘅形式、方法、透明度⋯各有不同，「漁村」收嘅稅係來自土地，如果住緊公屋或已供斷嘅私樓，生活當然不錯，炒「講股」都要印花稅，炒「尾股」唔使，對好多人有利。
但我自己反覆計算，即使俾高稅，回「講」生活比留「嬰」還要貴（除非要讀「嬰國」私立學校），主要是住屋開支及讀書費用，我個仔由nursery讀到小學，「忠文」認識度極低，除了因為有個「嬰文」極差嘅發瘟父母，因此保住母語，但要反攻「鄉講」，一定要讀國際學校，成本只會更高。
現在由nursery讀到University已經免費，睇醫生免費，攞配方藥免費，交稅咪當交學費、交醫藥費，條件比「嬰革難」更好，暫時睇唔到點解要走。（除非炒股啲稅攪唔掂）
我年輕時都去過「免電」、「太國」⋯等不同國家，每個地方都有不同禁忌及紅線，「木屍林」一定禁豬肉、酒，「轟正虎」一定不談政治人物⋯清清楚楚，「鄉講」最大問題唔係限制，而係條紅線唔清楚，比「天朝」還嚴，記者要採訪，書店賣書，難免有灰色位，再唔係飲大兩杯亂講野，又話軟對抗，災難要問責，又話以災亂「講」，動輒得咎，咁點得架！
呢個世界冇烏托邦，呢個世界從來都不是公平，每個人只係憑個人判斷及條件，作出最好嘅選擇。
（「不勾」多國嘅幸福排名長期居首，唔代表我哋去了，便會得到幸福，每個人都唔同。）
（正所謂：「路遙知馬力，日久見人心」一個人係點，放長雙眼睇便知，好似「審郁揮」之流，以國際關係學者自居，現在穿晒煲喇！）
「搏瞳」AVGO嘅CEO「塵腹楊」指AI投資者係「劇鮮勞」嘅賭徒。
世界首富「馬屍黑」立刻在自己社交平台X回覆⋯
「馬屍黑」一句話：「no crying in the casino」換句人話，即係話：入咗賭場輸了錢唔好喊！願打願捱，AI存有不確定性，有人成功，有人失敗，大家都明白是高風險競爭及投資，就應該承擔投資嘅後果，唔係事後抱怨！
AI最初缺GPU，跟住又話HBM，又話光通訊，又話CPU，又話記憶體，又話電力⋯「塵總」講出個重點：宜家缺錢，在高油價、高通脹之下，利息不住高企，資金吃緊，「衫惡文」嘅OpenAI都要延遲，投資需要小心！你可以選擇唔玩，但入咗賭場唔好喊！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
「祥陰存儲」有新突破，年底推出DDR5，記憶體股立刻下跌，「祥陰」DRAM收入巿佔率排第四，次於「衫昇」、「SK凱歷事」、「尾肛科技」，不得不防。
雖然HBM嘅絕技，仍然係頭三間公司，但DRAM毛利率一定下降，影響他們嘅利潤，「尾肛科技」、「衫跌」、「SK凱歷事」、「稀節科技」等相關或光通訊⋯均下跌。
我都用期權被迫接貨「SK凱歷事」SKHY，蝕緊兩皮，用返成本價180元賣出看升期權，得0.22元期權金，100股，即22尾元，171.6講元，「嬰國」飲餐茶都唔夠。咁少錢反映本星期都好難上返去。
反觀嗰隻「攣盒健康」UNH，我用返成本價380元賣出看升期權，收11.3元期權金，100股即1130尾元，8814講元，執筆之日已升破380元，咁多錢已反映股價分分鐘破390元，如果唔係，俾期權金給我嗰個便要蝕錢。
「講股佬」任佢吹，不可信，但期權係用真錢去投票，冇人會將佢自己嘅財富較飛，所以上升或下跌已反映在期權金之上，至少可知趨勢，只不過冇人可以肯定星期五收巿時嘅股價，因此買期權嘅人，九成都會輸錢，賣期權嘅人，坐定粒六，穩收期權金。
賣看跌期權會接好多蟹貨，即使原價賣出看升期權，也會累積，會動用槓桿額度，加上早前某核電期權爆咗倉，負債過百萬，影響現時嘅操作。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
這個世界，好多野我哋只能睇到表面，這跟我哋嘅階層有關係，好多人唔喜歡我將人類稱為奴隸，只不過我講得太白，大部分人接受不到。我知道我只不過是「低奴」，只不過仍有一點點自由周圍走，有許多人活在走唔出嘅監牢，住在劏房，工作十幾小時，淪為工作機器，唔係奴隸係乜嘢呢？
在「寶島」，補習社跟便利店一樣咁多，你以為學風鼎盛麼？霎戇！只因貧富差異嚴重，更多人希望透過學歷扭轉命運，「藍寒」、「鄉講」⋯也是一樣，學生返完學校，又要上補習班，讀書十幾小時，淪為考試機器，唔係奴隸係乜嘢呢？
如果係真富裕、真天堂，唔會咁多人自殺！問題係你睇唔睇得通。明、清用八股取士，你估真係幫助低下階層上流麼？只不過消耗士子嘅精力，方便管治。我以前嗰個護士學校「羊校長」，佢有四個大學學位，後來也做埋護士總經理，位極人臣，因為院長從來只可由醫生擔任，都退休了，如果你想上位，你會點做呢？咪不住讀書囉！工作以外，還要不住讀書，淪為升職機器，唔係奴隸係乜嘢呢？
你認為好，係咪真係好？你認為壞，係咪真係壞？
我哋作為「低奴」，永遠唔會知道。
我淨係知道當神公佈結果嘅時候，結果係令許多人出人意表⋯
表面為神做好事嘅人，耶穌稱他們為作惡的人，反之，表面沒有為神做好事嘅人，耶穌要將永生嘅福樂賜給他們。
電影「不赦之罪」，牧師嘅「乖乖女」反而係惡人，強姦犯悔改反而係善人，作為牧師怎接受女兒落地獄，強姦自己女兒嘅可以悔改上天堂。真相永遠都係出人意表！
我個仔在「嬰國」讀了幾年書，「忠文」差都算，「嬰文」都寫到鬼畫符咁款。
「匙袋雜誌」嘅風雲人物，有一位較不起眼、坐在右邊最尾嘅勁人：「你菲菲」，在她讀AI時，AI仍未成氣候。「老田」牧師當年在科網股熱潮前讀了電腦，才可任職上巿公司高層，未來嘅世界，許多工作都會被AI取代，將來係點邊個知道呢？倒不如順著小朋友嘅興趣，過開心快樂嘅童年吧！
在「嬰國」搵唔到食⋯ 因為又要利得稅，又要供國民保險，而且賺得越多，抽得越多，咁嘅制度，令人不思上進，不肯升職，Country難以進步。 最近收到好消息： 如果資本增值稅加至45%，我真係攪唔掂要走佬。24%稅已經係極限，四個星期炒股，一個星期嘅錢交稅，再加，唔走都唔掂！ 「嬰...
