移英日記（443）福禍難知

 只要仲賺到錢，通脹都唔覺甚麼一回事，但一旦賺唔到錢，就真係大件事，水浸眼眉！

最近股巿已觸動了「歪芺」神經，好像希臘乳酪，彷彿變成咗奢侈品，列入禁買項目，我都係投資將來，如果沒有將來，今日嘅努力又有乜嘢意義？

「沙嘩刀」才勉強爭取回來，生活真係唔容易。

甚麼係奢侈？出街食飯，在「嬰國」是真的奢侈，究竟買個包，食個乳酪，是否奢侈？視乎你有冇錢。

一個金融風暴，欠債四球，唔死都冇用囉！「老燒」「燒藥完」身家都蝕咗四成，除非你冇科技股。

做生意、投資有賺有蝕好正常，人有三衰六旺好正常，炒股三更貧五更富好正常，唔好大驚小怪！

就算冇希臘乳酪食，唔使死！冇「沙嘩刀」食，唔使死！最多係冇咁健康。在「尾國」大蕭條時，吃唔飽、著唔暖，人均壽命比今日還長，因為被迫斷食，細胞自噬有害細胞，反而更長壽。

老子曰：「禍兮福之所倚，福兮禍之所伏」，壞嘅事可以有好，好嘅事可以有壞，我哋凡人真係睇清事實麼？在人生最富裕嘅時候，往往都係最腐敗嘅時候，最接近地獄嘅時候，反之，人生最失意落幕，往往最反思生命、最敬憫嘅時候，最接近天堂嘅時候，你話上天堂好？還是落地獄好？

「鄉講」唔係攪成咁，就唔會過嚟「嬰國」，我嗰仔就唔會去咗讀番書。種善因、得善果，「王芝瘋」今日做階下囚，如果佢所做嘅事係正確，將來或許成為下一個「慢得拉」也說不定。

只有放下，才真正離開牢獄。

移英日記（442）政棍

 有的道理我仲好清楚⋯

人都有困難嘅時候，但神嘅慈愛從來沒有改變，因此我哋應堅守核心信念。有的人讀聖經比我更深入，我唔知佢哋將來點向神交帳？

一個人不能事奉兩個主，上面三條友嘅聖經比我更熟，比我更清楚這一點。以為只有「館浩名」，原來成個集團都係咁！

似返人話嘅，係極少。

幾十位「垃發會」議員，攞巿民千萬，仲要加薪，尸位素餐！除了下面嗰個。

（「填不臣」提出局長免薪服務巿民，也是好方法。不過人哋睬你都傻！）

真正嘅法家，係信賞必罰，死咗咁多人，各個部門首長都要祭旗，行政長官辭職或放棄連任，這就是法家。

（呢啲場景不代表法家。）

（政棍在大不列顛一樣咁衰！朝令夕改，當然也不是法家。）

（真正嘅神僕，既知道環境不許可，最多選擇不談政治，決不會做一些違背自己良心嘅事。）

IB投資系列：自身難保

 一日蝕一球以上，係甚麼感覺，今日終於感受到。

戶口價值低於孖展保証金，IB自己幫我沽了45股「突屍拉」，原來俾IB打靶係咁，明晒！

正所謂：「風吹雞蛋殼，財散人安樂」，金錢如過眼雲煙，散盡了就沒有牽掛！

呢鋪日日食IKEA早餐都唔掂。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：人棄我取

 閱讀歷史，可以得到投資智慧。

旱季無水買船，雨季多水買車，就是「旱則資舟、水則資車」嘅意思，原來所有野都有週期，只要在無人買嘅時候揸貨，有人買嘅時候沽貨，就可獲利。

黃金如果在高位五千幾元入貨，根據以往經驗，要十幾年才可回本，「虚幣」高位12萬接貨，要走也不容易。好似現在個風又吹AI保安及生物醫藥，如果你落撘咪幫大戶散貨，走得到，賺少少也好，一不小心，便成蟹貨。

現在好多AI股票，估值可能過高？或者在高息環境都要重新估算？有的貨走了便算。

正所謂「人棄我取、人取我予」，有一些觀察名單，我都沒有買，睇定啲先，並非投資建議，要問軟件有冇得做先？網上支付有冇得做先？寬頻有冇人用先？

真正有錢嘅人，永遠唔會買貴野，你看股神「爸飛突」、「茶你恾隔」，就可知道。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（441）等天收！

 每一次移民政策改革，都令我反思是否留在這裡？

明明係維持不變，但答問時卻維持B2，這種反覆嘅特性，仲衰過呂布，叫人如何信任？每一次永居改革，都不住提醒我：此地不宜久留。

（呂布輸嘅不是武力，而係信任。）

由我考了B1至今，沒有停止過用Duolingo 學習，但考B2是兩回事，相當於A level水平，我唔係讀書嘅材料，我考了四年中學會考HKCEE，才勉強攞E合格，A level係揸槍F，今日一把年紀又如何考到呢？再者，又有誰保証要求不會再提高？大學學位？碩士？博士？再唔係學「楓葉國」將審批推至四十年，等你班「奴隸」知難而退。

「一次不忠、百次不用」，在我來說，即使只係講下，吸引選票，也對移民有無比嘅傷害，對於那些未到65歲嘅老人家，努力咁考B1，你對得住佢哋麼？一次一次咁傷害，好開心咩！

講說話可以唔算數嘅咩？大不列顛可恥！唔遵守承諾嘅人，願上帝重重懲罰佢哋！

IB投資系列：英雄所見略同

 對於股巿回調，有些人很震撼，但對我而言，並沒有甚麼大不了，唔係甚麼見慣大場面，泰山崩於前而面無懼色，而係一早已經歷跌七、八成嘅感覺，MSTR由差不多400元，跌到81元，OKLO由140元跌至25元，TSLA由450元跌至低於300元，今日下跌，算得乜嘢啊？

做生意有賺有蝕，投資有賺有蝕，好正常，問題係處境是否可控？就算處境最差，使唔使跳樓呢？根本唔會連條命都輸埋，最多咪重出江湖！再唔係敗走大不列顛，做衰仔返回「漁村」，永遠都會有路行，我賣咗架車都可涯多幾個月生活費。

MSTR跌至不似人形，我咪做遠期250元Call option，TSLA跌至不似人形，我咪做遠期420元Call option，今日GOOGL又係咁，咪320元Call option，年尾到期啲蟹貨都不少，至少收返期權金做孖展利息，守住先。

巿場並非一味看淡，有投資人看好「虛幣」、AI、「馬屍黑」。正正跟我持倉一樣，虛幣：MSTR、CRCL，AI：GOOGL、TSM、NVDA、SKHY⋯，「馬屍黑」：TSLA、SPCX。果然英雄所見略同！

（三國最強謀臣：郭嘉，算無遺策，曹操敗於赤壁，更感嘆「若郭奉孝在，不使孤至此」。他曾投靠當時最大軍閥：「四世三公」嘅袁紹，知道他不可為而離去，多年後才投靠曹操，當時曹操不過小軍閥，但郭嘉慧眼識英雄，知道曹操大有可為，願意出山輔助，可惜英年早逝，否則天下歸曹矣！）

（官渡之戰，曹操係九死一生，如果袁紹聽謀士建議，只守不攻，曹操立刻糧盡而敗，又或者派一偏師突襲許昌，曹操大本營失守也必敗，若非郭嘉鼓勵曹操堅持，也堅信袁紹不能決斷，才有戰勝嘅結果。現在股巿嘅形勢，不下官渡，問題有沒有真之卓見嘅人，提出對時勢嘅分析，作出最佳嘅部署。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：股災？

 股災按照劇本，幾年就要出一次⋯

問題係幾時發生？往往沒有人知道。

現時股巿疲弱，間間公司業績公佈，立即下跌。

間間都跌。

甚至，虛幣公司都有失竊。

將新上巿AI公司也有危機。

基金佬「咪膏啤梨」也不睇好！

上巿公司也自知唔穩陣。

這裡好像軍火庫一樣。

該處一有事就玩完。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。