IB投資系列：真假難辨

 世事嘅野，都唔係我哋呢啲「低奴」去理，真實嘅世界永遠超乎我哋想像。好像細個讀所謂歷史，都唔知讀咗幾多假野，秦國命人做野，全部有規有距，差役因天雨誤期係唔會受罰，純粹係陳勝、吳廣老作，借機造反！

古代嘅野，對今日嘅人都冇牽連，尚且無法知道真相，何況今日嘅事呢？

我唔係幫「老黃」講好說話，我作為「失敗生意人」嘅角度睇，「老黃」真心係為生意，全球兩至三成生意額來自「天朝」，佢怎會放過，隨著「尾帝」出口規範越來越嚴，「揮撻」不住為「天朝」大客度身訂造合規嘅晶片，為嘅就係要保住生意⋯至於有個大客，你有幾多GPU，佢都要晒，就算個樣似「餘霧連」嘅老女人，就算要我陪佢行街、食飯、買手袋⋯我也在所不辭！

至於公司與女同事嘅事，佢咁聰明，都唔會「喺度食、喺度屙」，佢嚴厲著稱，公司內外樹敵極多，傳媒捕風捉影，曖昧嘅事都會當真。

正所謂：「捉姦在床，捉賊拿贓」，如果真係證據確鑿，一早拉閘封鋪了，FPI本來放長線釣大魚，Anthropic 條友懶醒目，爆大鑊，最終大魚甩走！「王人芬」可能不過魚餌吧！

作為三流交易員，真假對我冇所謂，我淨係諗點樣可以賺到錢？呢個世界，總會有人估中、有人估錯，繼「女股神」，跟住又「少年股神」，宜家又整個「中年股神」，咪玩喇！

（佢哋嘅特點都不是生在「天朝」。）

（最緊要睇下啲基金佬、基金婆有冇減持。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：商場如戰場

 「王人芬」由事件發生至辭職僅僅四日，邊個係贏家？邊個背後出手？

事件離不開兩個AI大佬嘅鬥爭：

1. 核心人物：Dario Amodei vs Jensen Huang

兩人的利益存在潛在衝突：

Anthropic 希望美國加強 AI 安全及出口管制。

NVIDIA 希望保留更大的晶片銷售市場。

美國對中國出口 AI 晶片的政策，直接影響 NVIDIA 的收入和市場份額。

2. 媒體及消息來源

圖中列出：

Jack Clark：Anthropic 聯合創辦人，與媒體記者 Ana Swanson 有消息來源關係。

Ana Swanson：The New York Times 記者。

Demetri Sevastopulo：Financial Times 記者。

圖中暗示，Anthropic 的消息來源可能影響媒體對黃仁勳及中國晶片市場的報道。

但要留意：記者與消息來源有聯繫，本身並不代表報道失實或存在不當操控。

3. 政治捐款：最值得留意的部分

這部分將政治金錢分成兩條路線。

A. 直接政治捐款

圖中列出 AnthroPAC 向以下美國政治人物提供的捐款：

B. 政策宣傳及遊說

圖中列出：

Anthropic：$40 million

Dario Amodei：$1 million

Public First Action：政治宣傳組織

宣傳內容涉及支持限制晶片出口的政治立場。

這部分想表達的是：政治捐款以外，企業亦可以透過政治宣傳、遊說及第三方組織影響政策。

不過，圖中沒有提供完整的資金流向、捐款紀錄或交易證據，不能單憑這張圖認定資金直接用來打擊 NVIDIA。

4. Georgetown University 的人脈網絡

這部分列出幾個機構：

Open Philanthropy

CSET（Georgetown University 的安全及新興科技研究中心）

Jack Clark

Mark Jia、Ryan Fedasiuk、Dennis Wilder 等人士。

圖中指出 Open Philanthropy 曾向 CSET 提供約 $55 million 的資助，並列出相關人士的職業及學術聯繫。

它想提出的問題是：資金、研究機構及政策制定者之間是否存在利益關係？

5. Anthropic 的公司治理關係

圖中列出：

Anthropic 的 Long-Term Benefit Trust。

Richard Fontaine。

CNAS（Center for a New American Security）。

它試圖指出 Anthropic 的治理架構與國家安全政策圈子之間存在聯繫。

6. 美國政府前官員

圖中列出多名前政府及國家安全官員，例如：

Ben Buchanan

Elizabeth Kelly

Joel Meyer

Kristine Lee

Chris Liddell

Sarah Heck

Mary Creghan

這部分的意思是：部分曾經在白宮、國家安全機構及政府工作的官員，與 Anthropic 存在職業或政策方面的聯繫。

這類人脈可能影響 AI 政策討論，但不代表他們必然參與針對黃仁勳的行動。

7. 新加坡方面的反駁

圖中最後指出：

Singapore Ministry of Home Affairs（新加坡內政部）否認《華爾街日報》所提及、涉及新加坡官員的相關指控，以及對 Alice Huang 的調查說法。

這是整篇圖文中一個重要的反方觀點。

Anthropic 是否利用政治、人脈、媒體及資金力量，推動對自己有利、但可能損害 NVIDIA 商業利益的美國 AI 晶片政策？

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：後NVDA部署

 股票估錯係常見，我都跌眼鏡！

我之前估計「昭眉半導體」AMD及「搏通」AVGO取代不了「揮撻」NVDA，因為按照份額，亦是事實。但「揮撻」跌，其餘兩隻反升，佢哋真係食到「揮撻」個餅麼？大佬倒台，一班小鬼就爭做大佬，你唔好理，股票升咗就一定代代平安！

而家要諗嘅，係後「王人芬」時代，如果以獨立上巿公司計，「揮撻」是十分便宜，策略應是逢低必買，然而佢不單是一間公司，而是整個AI生態鏈。

而這個生態鏈最重要嘅核心就是「揮撻」，所以如果「揮撻」有甚麼三長兩短，你買AMD、AVGO係冇用，要死就一齊死！

因此我要問，你買AMD、AVGO嘅底層邏輯係乜嘢？就是AI嘅敘事仍然有效，AI嘅夢仍可以繼續發，既是這樣，怎可能假設NVDA會死，地位由AMD、AVGO取代？因為NVDA死，AMD、AVGO也不可能獨存！

如果你買AI夢仍會繼續，NVDA地位不可取替，則你應該趁NVDA平而買，有餘錢冇埞去，再加注AMD、AVGO，如果你唔睇好AI，要沽NVDA，也不應買AMD、AVGO。

每個人嘅見解可以唔同，最緊要清楚知道自己點解咁做，就算要死，也死得清清楚楚、明明白白！

我嘅部署係加注NVDA，短期賣出160元看跌期權，210元看升期權，再加遠期160元、100元看跌期權。我嘅見解，如果AI敘事玩完，則AMD、AVGO等小鬼都唔會升，如果AI敘事未玩完，則回調有限，值得部署，如果你認為AI玩完，就連掂都唔應該掂！

（「遠銀」老闆「酸征意」撻訂用作發電嘅燃氣渦輪機，唔見37億，究竟AI係咪減速？「文煮黨」加強規範？）

（AI神話破滅？）

（人唔係個個都咁理智，「將加揮」好野！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：真係仆街！

 早前我都懷疑「燒山」，怎會反向估得咁準，但事實卻有幾高成數⋯

每個人都要為自己行為負責，股巿上落跟「燒山」無關。

幾單野攪埋一齊，無論佢能否保住CEO，股價也受影響。

「添割」就算接任，也不能取代「王人芬」角色，但至少穩住股價。

如果「王人芬」轉投「馬屍黑」，咁應該加注「突屍拉」、「士卑益匙」了。

股巿就係估估下，下下俾你估中，咪發達！我唔係為「燒山」講好說話，佢嗰一刻嘅判斷，只因應當時嘅條件，當時佢下台嘅比率也不高，但這單野出咗之後，比率已升至八九成，評級機構也下調目標價，邊個唔係事後孔明啊！

最新消息：「王人芬」已辭職！

（真係笑死！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：估佢唔到！

 宜家成日聽人講AI唔掂，但我永遠唔知有幾唔掂。公司有賺錢，巿盈率也不高，AI未有減少投資⋯

我知道有負債係唔好睇，但如果負債背後有人承諾會租賃幾倍嘅價值，背後有好多生意支持，咁借債係咪真係咁大問題？即或AI熱情冷卻，投資減少，佢哋唔需要咁多投資，這幾間巨頭，條數仲靚，如果未來「文煮黨」執政，AI受限，法規轉嚴，已有AI算力反而變成稀缺，價值更高，呢啲公司咁平，有咩理由會跌呢？「大魔」建議buy the dip（逢低買入）！

高息只係對高槓桿、高借貸嘅公司不利，但對於那些高現金流、高收入、多客戶、高算力嘅巨頭，真係咁大問題麼？

真正嘅問題係乜嘢？

一間公司嘅核心冇咗，就好像當年「平菓」將「橋佈屍」踢走，往後嘅產品完全唔得，公司虧損，股價下跌。

如果沒有「王人芬」嘅「揮撻」，莫講話140元，100元都唔值！「燒山」說就算有床照，「王人芬」也不會倒台⋯。佢咁樣一講，我反而有少少擔心，雖然我原先都傾向覺得「王人芬」會冇事，但現在也有少少擔心。期權嘅已經佈咗，我就唔會改。如果「燒山」咁勁，各人逆向操作已經發咗！股巿嘅特點係無常，你永遠估佢唔到。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：繼續炒股？

 「王人芬」攪咗單咁嘅野，影響「揮撻」股價，有人將投資目標轉移至「昭眉半導體」，難道「鬚媽」就唔可以有婚外情嗎？確實女性係安全一點，問題係「昭眉」可以食到「揮撻」個餅麼？

（呢啲叫「鬼拍後尾枕」，「老壺」自己促蟲。）

「王人芬」呢單野，對股價有短期影響，公司是長期及整體去睇，除非「王人芬」俾人踢出董事會，因為佢直接管60個高管，冇人可以接班。否則呢間公司唔係好大問題。

但有一樣野可以肯定，透過於「冬腩啊」開空殼公司，向「揮撻」購買GPU，於「瑪萊篩啊」建數據中心，再將算力賣俾「天朝」嘅方法，今鋪見光死，「揮撻」有兩至三成收入來自「天朝」，往後便很難做這些生意，營業減少，股價有些折讓。

賣出「揮撻」NVDA遠期看跌期權160put，收22.14，咁成本價137.86元，如果堂堂「揮達」140元都唔值，「王人芬」自己都死得喇！「突屍拉」TSLA 300元都唔值，「馬屍黑」都要死，因為佢嘅薪金跟股價掛勾，如果股價咁低，又要白做一年，你估佢會唔會容許這件事發生呢？

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：英雄難過美人關

 「尾股」已經夠慘，再爆這件事⋯

「王人芬」係全世界最聰明嘅人，點解做啲咁糊塗嘅事呢？你死，「揮撻」也要死，AI也要死⋯最後我呢啲「低奴」也要死！

原來「尾國」對特務嘅事，早已知之，否則「突襲會」名單就不會少了「王人芬」，「突郎浦」在空軍一號不見「王人芬」，才急電「王人芬」去「亞拉屍加」接他。

（特務水準也有高低。）

現在唯有咁諗⋯

成功嘅人才有艷遇，唔通我呢啲窮鬼會有咩！

大難不死，必有後福！如果「王人芬」過到呢關的話。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。