IB投資系列：要用腦賺錢

 現時最大嘅危機是股巿崩盤、虛幣泡沫爆破。

要知道世界好多野都係假，為要呃你嘅錢。

好多專家勁吹，因為揸重倉，利益所致，當然唱好唱旺！

有的公司好似賺很多錢，gross profit 有80.6%，好勁，不過你睇清楚佢開支極大，net income得9.4%，數字都不錯，但唔好俾80.6%嘅數字影響你的判斷，高追你死硬。

有的公司與某些公司，有很多微妙嘅關係，A公司20% revenue俾B公司，B公司某部又將20%俾番A公司，左手交右手，好像漁村某公司嘅子公司，互相高價買賣物業，製造交投及盈利，其實根本沒有盈利，卻避開物業減值影響股價。你一定要好清楚這些內部交易是甚麼東西，才能投資。

簡單係最好，所以我只買「東瀛」車，而不買「得國」車，越複雜嘅嘢就越容易壞。公司也是一樣，越複雜嘅嘢就越多蠱惑嘢，我哋唔係股神「爸飛突」可從財報就睇穿。

投資正確，你會富起來，投資錯誤，你會破產。黃金、白銀係較正確嘅選擇，鑽石不過是垃圾，係靠壟斷，控制產量、形象、推廣去提升價格，跟今日嘅虛幣咪一樣。

有一次聚會，我說了一句：「工都好返嘅！」友人說我囂張，其實我想表達，唔好用時間換錢，因為時間太寶貴，買架車就係要慳時間，賺錢一定要食腦，用心智賺錢。

有錢都可以照去大排檔食野，冇問題的。我都係食49p麵包、Casio爛手錶，俾我發達都係咁上下。

財富係一步一步堆砌出嚟，以前我賺幾百元茶錢，今日賺幾千元茶錢，雖然賺得不多，都係一步一步走上去。唔好諗住一步登天！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。