因應「歪芺」說兩條老野遲啲都會唔得，去邊到都懵盛盛，腦退化，叫我早影定相片及記錄，免得唔記得。確實出國嘅事，我一概唔使理，最緊要搵到錢，過夠錢俾佢運作就可以。
其實，我哋已比常人早退休，當然比唔上嗰個話25歲財自嘅「幸脷」，大蠱惑「Ko Ko哥」，友人在復活節又話自駕去「法難西」，我已經推了，暑假又話上郵輪，我又推多次，因為今年決定要返故鄉看看…
先到「愛叮保」機場所屬航空公司，攞登機證及暫存行李…
（「嬰國」人多搭BA，其實我冇所謂，最緊要時間班次合適，中間轉機等待時間短就可以。）
跟住由扶手電梯往上二樓Departure …
要清空水，手提行李及隨身物品檢查，過X光機，入閘…
在候機室，高奴或偽高奴有專貴會員候機室，我哋這等低級人種，自己買點食物，等上機。
（就算同等食物，都會比出面貴，這都是超巿meal deal嘅一份三文治、一份零食、一支飲品，原價4鎊，超巿會員3.5鎊，這裡meal deal要7鎊幾，都要接受，錢係要俾人賺。）
上完機，在「欺屍羅」轉機，中間時間若多，可以行下免稅商店，不過所謂名店及免稅商品，以至煙酒，我呢啲低奴完全不感興趣。
由A去B gates，要乘列車。
經過十數小時，終於到達「漁村」，在本地人自動閘位機出入，從來未試過咁快咁自由，這就是本地優勢。（小童七歲以上才可用）
找番所屬航線及行李輸出，等攞行李。
兩個餸、飯、湯、飲品，180講元，西檸雞、羅漢齋，覺得好平、好滿足，因為「嬰國」一定食唔到這份量及價錢。
平心而論，「郷講」都係搵食嘅好地方，又搵到錢，又有野食。點解啲人要去啲又搵唔到錢，又冇啖好食唧地方，只有死甜嘅蛋糕，冷冰冰三文治，仲要交幾皮稅，做野慢吞吞嘅落後國度：已日落帝國？
穆斯林國、佛教國都有不同禁忌，而且必定要遵守，正如今日所謂文明地方，若批評別人性取向，也可告你歧視，有組織在學校推廣，合情合理，這叫「包容」，在我們「愚家文化」認為傷風敗德嘅事，要包容、要接受！
點解我哋覺得唔自在？因為以前太自由，教會也可駡同性戀及批評時政，但想深一層，同時有這兩方面優勢，這個世界是不存在，只能二擇其一，俾你選多一次，你會怎樣選擇呢？我唔係好似「管長」轉軚，但要有獨立思考，「私己然」有申報十萬鎊就不算貪污，仲可名正言順做首相，合理麼？「突郎浦」日夜做社交媒體發言，股市幣巿舞高弄低，都唔知賺幾多億兆，又合理麼？每個人都會用盡佢哋嘅方法賺最多，真正嘅霸權，係真係具備「順我者生、逆我者亡」嘅能力，無論你去到幾深嘅地堡，都可炸死你！
沒有留言:
張貼留言