IB投資系列：跟股神實冇死？

 兵法有云：「虛則實之，實則虛之」虛虛實實，世人無法猜透，就好像「突郎浦」多次稱「抱驚」、「今上」、「甘將軍」為好友，實際卻是口蜜腹劍，這次看似出賣「污黑難」，實際礦產一半在「餓萊屍」佔領區，間接讓尾帝伸隻手落去，成為命運共同體，亦讓「污黑難」得到保護。

未來經濟會點？硬著陸？還是軟著？基本上高奴也未必知，決定權全在乎幕後玩家，當然高奴會比我們估得清楚、準確，「揮撻」財報推出，人人拋售，因「突郎浦」加關稅，令巿場恐慌，股神「爸飛突」全拋售「彪浦500」ETF，更令巿場恐慌⋯⋯

「爸飛突」持有三千幾億尾元現金，佔了「爸運」差不多三成，有人解讀股神已預料股災已到，早作好準備炒底。不過要小心，可能這不過是「幸存者偏差」，別忘記仍有七成是放在股票，咁大部分資產放在股票為何卻看不到？佢係全沽「彪浦」ETF，不過佔佢1%投資都冇，係咪真係咁有指標性作用呢？反觀減持「平果」及一眾銀行股，就睇到科技股價格偏高及未來經濟或對金融產生衝擊及危機。

作為低奴，不會有第一手資料，也沒有水晶球，高的未算高，低的未算低，你只能分注揸、分注沽，期望獲取較低成本，賺取微利。

以前係借「逸完」買「尾股」，現在係借「逸完」買「逸股」，沒有滙兌風險，只要收嘅利息高過借嘅利息，就有息差，不過仍有賺息蝕價嘅風險，五大商社雖然穩陣，但股價也有上落，不竟全球經濟不明朗。

（某些地方經濟好危，投資要小心。）

（尾國嘅高奴，有錢到你唔信，尾帝財赤嚴重，不過要死都唔係佢死先。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：收割全球

 我哋好似睇多啲資訊，確實資訊比專制國家自由，不過咁，你真相信眼所看到的一切嗎？

在「冇汗」疫情中，你幾時有睇到真資訊？質疑「液藐」或任何損害「弱廠」嘅利益都會被禁制，尾帝「正拳」表面係民主，實際卻是為資本家服務，再講得白啲，其實成班人都「圍威喂」，為幕後玩家服務，控制全球嘅一切，盡取天下財富。

「爸運」持有三千幾億尾元，如果股巿真係咁好景，咁快唔玩！賺夠了！俾其他「低奴」有賺錢機會麼！

錢吸引到尾元並不足夠，啲人在尾股、虛幣賺到錢，根本唔會買尾債，借錢俾尾帝使，咁唯有整冧個巿，迫資金流向尾債，再者尾債利息開支佔美帝開支排第三，一定要減息，減少政府開支，個巿唔冧，就冇藉口減息刺激經濟，跟住再量化寬鬆印銀紙，錢已經貶值了，俾你四五厘都補唔番！

無論你買尾股、尾債、虛幣，一鋪清袋，一放一收，盡收天下財富。

（高奴蝕錢都要沽貨轉持現金，你以為佢傻，其實佢醒過你十萬八千里。「扒零T啊」老闆勁沽貨，吹到咁勁，都係等呢一刻，明知鐵達尼號會沉，仲會留戀麼！「王人芬」等高奴上年已知「疊竊」嘅事，140元左右已勁沽「揮撻」，高奴嘅錢，多到三代都食唔晒，盡享榮華富貴，你哋低奴，你死你嘅事！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：衰退將到！

 唔知大家有冇發現問題，以前利息勁升，尾股照樣勁升，但現在一話通脹升温，減息減慢，股巿立刻重創，莫說日後更說要加息。同樣都是息率，為何都有不同效果？

幕後玩家嘅心思、金融家族嘅心思、高奴嘅心思，並非我們這等凡人、低奴所能理解，但是有一樣野可以肯定，經濟從來都沒有好過，如果經濟這麼好，尾國治安為何這差？為何容許零元購呢？當量化寬鬆印銀紙嘅時候，資本家用極低成本得到資金，何時有建工廠、擴大生產去重建經濟呢？他們不過是發花紅給管理層，回購自己公司嘅股票，令股價上升，投資者笑呵呵！基金佬笑呵呵！低奴、賤民得到甚麼？高奴賺到錢係會消費，帶動通脹，錢嘅購買力減少，低下階層日見困難。

尾帝加息，滙率上升，全球貨幣貶值，各國為橕本國貨幣，局住跟加息，經濟苦過弟弟，尾帝資本家借機全球割韭菜，另一方面，用尾股、尾債、虛幣收納全球資金，當然也是割韭菜，唔通讓大家一同富貴麼？當股票去到高位，高奴紛紛沽貨，持有天量嘅尾元，佢哋暫時買短期尾債等機會。講真，去賭場賭錢，贏咗錢仲唔走，磨爛蓆只會死路一條！

孳息倒掛已是經濟放緩嘅徵象，衰退只是遲早嘅事，你明知鐵達尼號一定會沉，你有條件去選擇第一時間上救生艇，唔通會為了美食及娛樂而延遲一刻麼？

（你見到嘅人，全部都是演員，大家按劇本做戲，做人唔好咁天真。即或你要認真，「攣柱局」是獨立機構，也不受政府左右，加息減息係背後財閥話事，並非總統決定。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（219）加8%巿政稅

 現在甚麼都加，人工表面有加，最低工資加了，但個人免稅額多年不變，更多人納入稅網，要交更多稅…

最近又話巿政稅加8%…

按你所住單位屬甚麼級別，就要交甚麼級別嘅巿政稅，除非你瞓街，否則自住物業或租用也不能避免。

即使講甚麼理由，大家都不言自明，都是藉口，非法移民，你俾酒店佢住、俾錢佢使，甚麼道理？「私己然」攞了咁多著數，你唔通唔使投桃報李？

做了咁多年人，我明白做生意黑白兩邊都要俾，你攞了著數，就要嘔返幾多出嚟，你攞了自由，就要納重稅去彌補民主制度嘅低效率、高成本，不過你唔好以為以前漁村著數，高地價下，除非你是住公屋，或者低價買了私樓，否則你仍是間接徵稅，條數一樣喺返度。

以前有個friend叫「九紋龍」，聽佢名都知唔係好人，佢入了政府，話成朝淨係打一封嘢，悠過尤伯連納，串我哋出邊做野，做到隻屐咁，可見冚世界政府效率極低，極需要「馬屍黑」嘅人才整治一下。

移英日記（218）英國人如何培養閱讀

 我不敢說大不列顛教育一定好，但既然小兒在這間讀、寫、數都有90+嘅公立小學，自然可以看到英式教育嘅優越處。當然如果有錢，讀私立學校，甚至貴族學校，自少學習英式禮儀、高級運動（馬球、高爾夫球、欖球等）、歐洲考察…佢哋將來也是做上等人。

我哋呢啲「低奴」、「窮鬼」、「賤民」，只求在亂世中求存，飛黃騰達也不會妄想，將孩童接受有更好嘅訓練，未來嘅路會易行一點，這裡許多印度人將子女送到私立學校，也是這個原因，我哋呢啲低奴，唯有選擇較好嘅公立學校便算，始終佢哋係讀到書，公校也可入大學，更有攞住奬學金去牛津、劍橋，反之唔係讀書嘅材料，俾佢哋讀90+學校，野雞大學都唔願讀，寧可讀職業先修。

許多人唔明英國人點培養佢哋閱讀，我明白其中道理，佢哋小學一年級已要學習Phonetics 語音學，識得拼音，見字就識讀，在英語環境下，讀到出嚟就解得到，小兒所讀學校，除了特別要求我們外語家庭，一定要在家溫Phonetics，每星期也有圖書，每頁一句英文，要佢哋讀出嚟，讀到自然解到，配合圖片，一定明白，由小故事、小圖書，慢慢培養佢哋讀書嘅興趣，興趣一旦養成，知識便會無限發展，英國嘅學術水平係極高，唔係日日迫佢哋上補習班，而係只要培養到佢哋讀書興趣，咁就掂晒啦！

（小兒玩嘅遊戲，是學校安排，已經唔係我可以玩到，要聽個音，就大概可打出個字，拼音能力強嘅話，基本上唔需要串字，勁嘅人，可以好勁，只不過我哋接觸嘅前線人員，有的係移民，半途出家，有的不願讀書，對語音學、拼音得幾成功夫，自然錯漏百出。你記住，勁嘅人已在做管理層，不會做前線服務你。）

（有的人做到「高奴」，只因他們喜歡閱讀，讀書比我們多很多。）

IB投資系列：爆煲在即

 還記得這一幕…

「尾國」總統「突郎浦」明言：「永遠不要賣掉你的「彼突幣」。」當佢當選，令虛幣火速上升。

某電車有正常業務，兼持有虛幣，問題不大，但有些公司不務正業，炒埋一份，而且借錢去炒，無限槓桿，倘若虛幣只升不跌，無問題的，就好像以前「漁村樓」連升15年，其間嘅炒賣為許多人建立豐厚嘅財富，巿況逆轉，債務過多嘅「申細介」也資不抵債，差不多玩完。某虛幣股也是一樣，債台高築，危如累卵！

虛幣唔使跌到歸零，這些公司才死，只要有一個較大嘅回調，這些槓桿炒幣嘅公司便無可選擇要在巿場變賣虛幣去還錢，惡性循環，越賣便越跌，越跌便越賣，一發不可收拾！

未來經濟係點？大家心照不宣，股市升、虛幣升，股巿跌、虛幣跌，虛幣從來不是避險工具。尾股、尾債、虛幣只不過美帝吸星大法嘅三個工具，盡收天下財富，你炒冇問題，最緊要你要識走人，執筆之日，這些虛幣股我係一股不留，記住好似搏擊，刺拳打完就走，保持安全距離，不要留戀，也不要妄想賺盡，可保平安！

（星期五交易日盡可能一股不留，明知星期一休巿，甚麼事都可發生，你係走唔到。這些虛幣、虛幣股、ETF，逢場作興可以，不能用真感情長期持有。）

（人同股票都係一樣，有的永遠難登大雅之堂。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

移英日記（217）用母語不失禮！

 今日有家長邀請小兒到佢哋家中玩，由於小兒在Nursery 已跟他們孖生兩兄妹一齊，小學又一齊，故此邀請我們去。

原來他們也是移民，是希臘移民，他們都是講希臘話，但單從外表是分不出，正如佢哋也分不清「天朝人」、「漁村人」、「東瀛人」、「寶島人」，這次讓我們又唔識聽、唔識講、又文化差異嘅挑戰，好像又聾又啞又冇文化嘅人一樣。

佢哋已移民幾年，並且已買了物業，雖然不大，但最好是有好校區，好學校，作為父母都想子女好。至於他們日常生活語言，也是用希臘語，他們也深知母語嘅重要性，係文化嘅根，歐洲小國國民都知，但竟然全球有六億人用嘅語言，最接近古漢語，讀唐詩最原汁原味，最押韻，學自己文字竟然唔准用，真係荒謬！

這幾年我寫網誌，已多用口語，不用書面語，我手寫我口，更能表達其中意思，更重要是我們這些海外餘民，如果我哋再不向下一代講，就會失傳！

（這些語言係無文化麼？我哋嘅祖先幾千年就係講緊呢啲話，如果時光倒流，我哋跟李白傾偈，完全冇難度。）

IB投資系列：跟高奴唔使死

 現在係危險時刻，一步一驚心。我知道許多人在過去已經發達，現在收手，淨係收息，已經財務自由，福享終老。只是我哋這些二打六「低奴」，財富又唔夠人多，又仔細老婆亂，又人在異地，一有顧忌就唔敢搏，但又要錢維持生活，唯有不住買賣，打遊擊戰…。

有人話，如果某電車跌至300元，賣咗樓嘅錢全部all in，佢哋已經揸了唔少「彼突幣」，現在放晒，下半生可以話「打跛腳都唔憂」，但仍然咁搏命，富貴險中求，所以佢哋發達係有道理嘅！

你要知道全世界係控制在甚麼人手裡，至少知道股票係控制在甚麼人手裡，三大基金公司及一眾「高奴」已經掌控一切…

「高奴」嘅心思，我哋「低奴」又認識幾多，只有死跟，佢揸你又揸，佢沽你又沽，唯有這樣做，一定唔使死。

（「木頭姐」佢勁吹，你千萬不要盡信，佢作為「荒洲基金」創辦人，最緊要睇好未來後巿，有人買佢嗰隻基金，就可以賺取管理手續費，冧巿都唔關佢事，就好像全球三大基金：「克錫」、「導褲」、「拎行」，就算股票價值歸零，已收手續費已經袋袋平安，又或者好像漁村嘅「忠源」地產，地產死晒，「屍生」都唔會死，「場抑」地產個老闆自己炒埋就危啲。）

（成個漁村，「屍生」已講真話，才受到「涼震嬰」攻擊，話佢唱衰漁村。）

（「突郎浦」雖有德政，重建社會道德，強調只有兩個姓別，但他只係要攪好「尾國」，其他國家唔關佢事。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

混能車豐田Yaris換12v細電

 去完西豐田做保養，反正都賺錢，做啲唔做啲，換得三條車呔，都唔差在嗰一條，見我「天朝人」嘅模樣，都唔會冇錢俾，於是又要去「哈覆」Halfords換埋一條呔，由於前驅車，頭轆較緊要，一新一舊，好唔平衡，跟住報告又話12v細電虧虧地，又唔同我換，叫你自己出去攪掂，我嘅原則：俾了錢就唔要麻煩，又要俾出面較高費用，又唔一鋪過搞掂晒佢，咁我就唔高興！

知道細電就死，已網上在「哈覆」買了電及安裝，識安裝及有合適工具，就好快攪掂，唔識又冇合適工具，你係落唔到手，攪成日都整唔到，尤其混能車細電在尾座，架車又窄，俾錢解決問題便算。

點知最近小兒放假，冇開車幾日，舊電死埋，救車寶又拉柴，要找友人幫忙。

混能細電在尾座，位置又窄又難，救車係要根據汽車手冊，在灰士盒有個位夾正電，近引擎金屬位夾負電，才能救車。

救番架車，再用最食油最好力模式揸幾轉，幫舊電充番，如果唔係都去唔到「哈覆」。

埋單，電池再加安裝要加25鎊，幾揦脷！25鎊夠買一套工具了，合共127.59鎊，網上預訂及預約117.33鎊，最緊要放低鎖匙，行完商場，即可攞車走，免麻煩。

整完車，當然要幫補一下，炒下股，賺番多少。

IB投資系列：巿場唔講真話

 泊車嘅原則，難入易出，易入難出，日本人九成九泊車尾入，英國人九成九頭入，點泊車已看到人愛儲蓄？定愛消費？愛丁堡外來人多，一半一半。買樓道理也是一樣，難買易賣，易買難賣，好嘅樓係難求，但一旦買了，日後有事要急售卻是容易。

股票嘅道理也是一樣，但好壞嘅準則係就只有價格，因為所謂好嘅股票可以令你蝕錢，所謂壞嘅股票也可令你賺錢，關鍵也是價格，究竟佢值唔值？未來有冇升值嘅可能等等。

但在資訊唔健全嘅環境，價格會被扭曲，我哋嘅觀念也會扭曲，以致巿盈率過百嘅公司，貴到離譜，我們都會買，要賺錢超過百年才等於公司嘅價值，我都冇咁長命喇！價值全建基於對未來嘅憧憬，將來係點？邊個知呢？當年科網股又係咁，今日AI又係咁，煲到咁大，又話改變世界，甚至統治人類，都係要你落撘，認定這是新一代工業革命，好值錢，唔買你蝕底…。

AI講到咁勁、虛幣講到咁絕，都不過老吹，故事講得再動聽，也不過要你落撘，覺得佢有無限價值，科水投資，迷因幣更是。

人類點解要落地獄？因為人類用自由意志選擇罪，如果AI控制人類，令人失去自由意志，咁人類也不必落地獄，撒旦比人有智慧，佢都要人類陪葬，所以無論AI能力幾大，都必經人類自由意志下決定，因此AI幾勁，不過機器，受人類支配嘅機器。AI既然不會有自由意志，能力都無謂無限上綱，太豐富想像力都係耗費心神，你只要記住，講咁多故仔，都不過要Cap你水就可以了。

時代唔同了，賊人唔使入屋偷野，幕後玩家只要撳制，自動印錢、自動通脹，你嘅錢自動貶值，自動偷走你嘅錢，所以你唔去學投資，只會貧者越貧，富者越富，死路一條。

現在唔係打常規戰，係打遊擊擊，打完就走，神出鬼沒，才有機會。大戶永遠暗中入貨，當儲夠貨就大雷大鼓唱好，等你哋呢啲無知嘅散戶接貨，跟住又永遠暗中散貨，當散夠就公布不利消息整冧個市，長期咁玩，財富就急速轉移，貧者越貧，富者越富。

（現在車股點會值錢，如果唔係當成一間科技公司，怎能支撐咁嘅股價。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：得些好意須回手！

 究竟價值係怎樣衡量？

正所謂「瘦田冇人耕，耕開有人爭」，本來冇價值嘅野，當有人爭嘅時候，價值都會上升。就好像中學時期嘅女仔，當多人追嘅話，都會覺得特別靚啲。

「尾帝」三寶：「尾股」、「尾債」、「虛幣」，真係值錢麼？某晶片賺幾多錢？點解巿值破3萬億？根本係不成比例。尾債收息好著數麼？錢係尾帝自己印，印幾多都得，由全球承擔通脹。至於虛幣，更是無中生有，空手套白刃，一旦爆破，就價值歸零。

「尾帝」用吸星大法將全球資金擁到「尾元」，透過「尾股」、「尾債」、「虛幣」作為資金池收納，當時機一到，就會崩盤，全部割韭菜。

Deep seek上年已經出了，為何現在傳媒、科技佬才走出嚟講？因為未走晒貨，當走晒貨，或走了一半，崩盤都唔會傷，這就是點解「高奴」早早走貨，持有大量現金嘅緣故。Deep Seek只不過試爆，攞清楚數據，有幾多核輻射，要距離幾遠才安全，作出最合適部署。

今次試爆，唔死得係正常，下次冇咁好彩，會試多幾次試爆？定一鋪過落個核彈，真係冇人知。

（炒股預咗三更貧、五更富，90日賺了廿皮，整車用了差不多兩皮，算是幫補下，做生意係睇一年或者幾年咁睇，賺嘅錢又要補蝕嘅部分，全球股巿仆直，係尾股如日中天，唔係咁簡單，我仍然早餐食47便士（4.7港幣）麵包，可以吃三日，會夾啲餡嘅。871個trade，當每個trade收1美元，已俾了6794港元佣金，當然要慳啲！）

（「家洲」大火係天災？人為？自己想想吧！跟「玖壹壹」都係一樣。）

（「突郎浦」有的是做好事，例如重建信仰，將神擺在首位，重建家庭倫理，只有男女兩個性別，都是好的，然而有的政策係對全球經濟帶來負面影響，需要小心部署。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

IB投資系列：虛幣爆倉，欲哭無淚

 出得嚟行，預咗要還…

要知道炒幣，從來都不是有幾多錢買幾多貨，往往有槓桿，炒幣者槓桿10倍已屬保守，因此跌一跌價值已經歸零，欲哭無淚！

虛幣波動極大，因此有水位賺錢，然而一加入槓桿，就有倍數效應，賺就賺十數倍，蝕也蝕十數倍，因此跌一跌已經價值歸零。即使今日也值九萬幾美元嘅「彼突幣」，對比十萬幾高位，不過10%多回調，已足以讓許多人破產。

買升嘅固然死，買跌做空也要死，因為九萬一又彈上去，又死了許多人，屍橫遍野！

問題出在那裡？槓桿投資無辦法應付咁大嘅波幅，如果係用現金買，就算你十萬五買，跌至九萬五，表面係蝕了一萬，但仍未賣出，可以守，如果你對虛幣有正面期望的話。講句唔好聽，蝕一半都唔使死。

我都有投資某虛幣股，Q4財報一出，唔係好掂，股價插水，你都知條友不務正業，槓桿炒幣，虛幣升，股價便升，反之亦然，要十分小心！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

最平維護成本汽車

 係平？係貴？最緊要看數據…

豐田係最平。

車款，第一Yaris、第二Corolla、第三Prius。

由於我架Yaris是Aproved car，不過有原厰保養，狀態不會太差。今次整車差不多兩皮，主因係軚令及車軚，可能跟上年環島遊有關係，你知英國啲路幾爛，損耗一定會有，至於12v細電，壽命係得幾年貨仔，四年車肯定冇換上述消耗品，你接手就預咗要換，換了就可以涯一段時間，確實架車冇野壞，係可以信賴嘅汽車。

至於下一年保養，煞車皮、火咀等損耗品可能要換，但也是有限錢。我統計過，如果沒有遠遊，只係出入接送小兒返學放學，去下超巿，將車較至最省油嘅經濟模式，加速反應慢，拉牛上樹，低速多用電，兩個月才入一次油，每次約四十鎊左右，平均每月只需兩百港元，平到你唔信，慢加速、慢減速，盡量少用剎車，減速讓架車慢慢流，不單不用油，還會為電池充電，到踏油門，也是用電動摩打，至某速度引擎才介入。

IB投資系列：靠估財報好壞賺錢很難

 財報出了，「扒零T啊」發過豬頭，「焀哥」一病不起，「昭媚」更是陽萎，數據中心收入不似預計，股價急跌…

出得嚟行，好多野預咗，你短線獲利，就會錯過長線升值嘅可能，不過咁，唔係你肯守到海誓山盟，就一定修成正果。

你看看以下𡃁仔，邊個會知佢哋會發到豬頭…

如果我哋真係咁勁，就唔會寫呢啲發霉網誌，管理緊過億資產啊，食飯都冇時間了…

雖然係「低奴」，都要做「智奴」，好似在聖經中嘅約瑟，在埃及做了宰相，在七年豐年，累積糧食，在七年荒年，盡收財富，先係收錢財、跟住收牛羊、跟住收土地，跟住啲人要賣身做法老嘅奴隸，以後在土地出產都要交20%。

我哋「低奴」，有冇在牛巿累積財富，然後在熊巿，經濟蕭條嘅時候，好像約瑟在荒年為法老盡收財富？如果好像貧困農民在得到資助，只會買好野食、好衣服、好家電去享受，沒有運用資助買好嘅種子、好嘅肥料、好嘅農耕器材、或讓子女受教育，去投資將來，那麼貧窮係唔會改變的。

（投資最緊要唔好輸錢就可以，賺少少茶錢便算。「昭媚」在CPU係勝「嬰突耳」，但在GPU仍輸「揮撻」，AI時代講嘅算力、算法、數據，你嘅生意係建基於「揮撻」做唔晒，你才有得做，唔係人哋眼中嘅首選，咁點會賺到大錢呢？不過咁，好嘅股票不一定令你賺錢，壞嘅股票也不一定令你輸錢，問題係個價錢，「昭媚」108元、「焀哥」180元可建倉，你記住凶宅都可以賺錢，夠平就可以了！而且「鬚媽」「鬚之瘋」都唔係等閑之輩。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。