IB投資系列：虛幣爆倉，欲哭無淚

 出得嚟行，預咗要還…

要知道炒幣，從來都不是有幾多錢買幾多貨，往往有槓桿，炒幣者槓桿10倍已屬保守，因此跌一跌價值已經歸零，欲哭無淚！

虛幣波動極大，因此有水位賺錢，然而一加入槓桿，就有倍數效應，賺就賺十數倍，蝕也蝕十數倍，因此跌一跌已經價值歸零。即使今日也值九萬幾美元嘅「彼突幣」，對比十萬幾高位，不過10%多回調，已足以讓許多人破產。

買升嘅固然死，買跌做空也要死，因為九萬一又彈上去，又死了許多人，屍橫遍野！

問題出在那裡？槓桿投資無辦法應付咁大嘅波幅，如果係用現金買，就算你十萬五買，跌至九萬五，表面係蝕了一萬，但仍未賣出，可以守，如果你對虛幣有正面期望的話。講句唔好聽，蝕一半都唔使死。

我都有投資某虛幣股，Q4財報一出，唔係好掂，股價插水，你都知條友不務正業，槓桿炒幣，虛幣升，股價便升，反之亦然，要十分小心！

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。