移英日記（146）窮遊德國（三）

 既然講到明係窮遊，一定要平，以往由漁村要去歐洲玩，一定要幾皮嘢（幾萬港元），我們這些窮人連想也不會想，現在由英國去德國，用短途機及廉航，一家人都不過幾差嘢（幾千港元），酒店由任職員工的友人代訂，又係幾差嘢，加埋一皮（一萬港元）都唔使，主要使費都是外出用膳，每餐幾舊水（幾百港元）。

（昨日用wise俾錢，個仔話超口喝，買了支裝飲品3.5歐元，酒店暫定339.44歐元，牙膚0.89歐元，另外出越南餐52歐元（用現金支付），交通費買團體票，友人代付，遲些計番，大人十數歐一日。）

（德國街道比英國乾淨，英國地又爛、生青苔、垃圾多，這裡闊落、乾爽，天氣也沒有英國咁濕咁凍，絕對比英國舒服，德國房住不炒，業主難加租，居住成本少，難怪被漁村全球通緝的時事評論員「煌細擇」也長居德國。不過德國接收了不少難民，治安要留意，特別係有色人種，佢地會以我們的人種為偷竊對象，因為覺得這些天朝人一定有錢，故財物要小心。）

（德國用不同顏色地磚來區分單車徑，行街要小心避開單車徑，免生危險。）

（這裡也流行租用滑板車、單車代步。酒店外面也有的士，大都是豐田混能車，我更見到有架警車是Yaris，跟我嗰部同款，在堂堂汽車工業大國竟然用日本車，你就明點解，但普遍行駛的車都是歐洲品牌，德法兩國為主。）

（所謂酒店早餐，沒有甚麼特別，例牌貨。）

移英日記（145）窮遊德國（二）

 昨日已預備好行李，由於是廉航，三人只有三件手提行李，內衣數件及物品…

今早3:30起床，4:00到巴士站等機場巴士，4:15去到機場，人山人海，仿如走難，入閘檢查行李，4:45已經坐在候機室，可能早已網上登機，雖然覺得唔洗早兩個半小時，但這是安全玩法，做人最緊要穩陣。同遊的家庭5:15仲排緊隊。6:25上，7:20飛。

德國比英國快一小時，當地10:50到柏林，再乘鐵路，步行十數分鐘，1:00到「欺易懂」酒店。放低行李，跟著去「泰巿場」食泰菜。

點知去到冇咗，唯有再轉地鐵找野食，見到有越南餐廳，立刻入去食。在歐洲，基本上去任何餐廳都好食，三個粉面、三杯野飲，埋單52歐元。

跟著周圍行下…

見到正宗德國Lidl，跟英國差不多，但這間細一點。

德國鐵路冇閘門，完全信任國民，很少檢查，不過聽過一個古仔，天朝某留學生沒有買票被促，後來佢想考公務員，但因為個底花了，沒有誠信，終身不會錄用。所以做人做事，應承了別人的事，一定要實踐承諾，否則別人永遠唔會信你。

(有些向國際許下承諾，都可當歷史文件，2017、2020甚麼事也沒發生，跟住仲話全面性管治。）

（去德國，預先下載app，計劃好行程買合適車票，旅程更愉快！）

人比人，比死人

 有許多人很喜歡去比較…

確實，倘若要跟近代最勁嘅民主鬥士比較，確實比不上…

但有需要比較嗎？始終大家的環境、出身、際遇各有不同。就是誠哥若今天才黎到漁村，或許都是成功人士，但絕不是今日的成就。

他們最初或者也有個人目的或者私心，可能要發洩自己的情緒，爭取一點政治本錢、爭取多一點生意或社會影響力等等，但即使政治環境轉變，佢地可以選擇走或者轉軚，好像「敵智軟」、「劏加嘩」之流，但他們沒有走，留守到最後一刻，甘願做孟德拉，對比而言，我們移英人士，不過是逃兵，留係度嘅，也不過靜默不語的順民，有甚麼資格批評呢？

移英日記（144）只食動物油

 在歪曲悖謬嘅世代，要做神無瑕疵嘅兒女，一定係逆水行舟。

同樣飲食要健康，已經被商家佬騎劫的學術界、醫學界、政府，要敢於逆向操作，才能換取健康。

當人人話要打「液瞄」，有冇諗清楚、想清楚，當人們已經打三四針仍中招，有冇反思？當後遺症陸續出現，有冇人再記起這問題係點黎？

以下所說，可能許多人覺得是反智，我唔怕公開告訴大家，我從來冇打「液瞄」，開頭是工作不便，食飯買外賣街邊食，後來辭埋份工，中招被隔離幾日便冇事。

移英之後，全面禁食「機械潤滑油」（植物油），轉食動物油，試過用鵝油，現在主力用牛油、豬油，英國各大超巿一定有得賣。

牛油一定要買一磚磚用紙包裝的，盒裝是較軟，容易用，因為混了「機械潤滑油」（植物油）。

煎牛扒用牛油，炒菜、炒肉用豬油，真係好香，有時買肉，有肥邊，直接切出來起鑊，用來炒餸，十分美味，冇老點，自己可試下。

商家佬要將多餘的物料賣出，會無所不用其極，影響學術界、政府、民眾，務求將之賣出，賺最多的錢。粟米太多，咪造玉米糖漿，製造多些汽水，做多些宣傳，變成營養早餐，影響埋學術界，說明早餐很重要，幫民眾洗腦，粟米咪sell得晒，仲拿到好價錢。

你唔洗信我，自己查証，我繼續食動物油，你地可以繼續食8種最毒植物油，人有自由意志，可以自由選擇。

IB投資系列：商家佬冇死錯人，係冇良心！

 以前在漁村買保險，以為有保障，直至「歪芺」去了公立醫院做小手術，只住一日，幾差嘢都唔使，竟然冇得賠，原因是跟生育有關，但如果唔做，有可能病變，有其他健康問題。我理解人工受孕當然自費，難道跟生育器官的病一概不賠？我當然可以攪大件事，保險公司一定要賠，但我又何必為一千幾百搲爛塊面？

跟住我查考，保險索償不是以醫學定義，而是有佢自己嗰套，癌症要擴散至其他器官才能索償，心臟搭橋手術要用指定導管才能索償，有癌症等擴散才醫麼？我豈能決定醫生用甚麼導管？（咁即係冇得賠，擴散了、死了，才給你帛金）

總的來說，商家佬要穩賺，保障你從來都不重要。

（10萬美元上火星，真係唔貴，不過在大氣層爆炸，或太空事故，一定九死一生，簽了生死約，點都唔關佢事。沉船都有得救，太空災難一定死硬。）

（高性能車，永遠都係主觀感覺良好，沒有實際用途，俾你上高速公路，英國咪得70英里，我架Yaris又好、法拉里又好、林寶堅尼又好、Aston Martin又好，一概行70，如果只係燈位最快標出，要俾多咁多錢，值唔值？）

（賭場賭大細，1賠1，但贏概比率低於50%，故磨爛蓆必輸到貼地。）

（一塊麵包，至少七種添加劑，最緊要賺到錢，你死你概事。其他食物也是一樣。機械潤滑油（植物油）、動物飼料（麥皮）都被騙食咗咁多年，冇心臟血管疾病才奇。）

（營養一定由食物中吸收，營養品、保健品只不過自我感覺良好，沒有實際用途，實驗室証實有的，唔代表食落肚一定吸收到，發揮到功能，輕則冇用，嚴重甚至有害，最緊要賺到你錢。）

（醫藥一定保你，咁你太天真，西方醫學已是商業活動，讀過經濟學都知，企業成立的目的是利潤極大化，即係錢，唔係你概健康，故化療死亡率是高過唔做。中醫可以嗎？你知道中藥在天朝點生產，你就知唔醫死你算偷笑。）

所以投資係好難避免不良企業，唔係佢賺唔到錢，而是從商必奸，盡其量煙毒股、賭博股不沾手。如果有良心才投資，基本上不必投資，因為早早執Q晒！

（有邊個企業唔係滿手鮮血，只要做得唔好太離譜便算，記住冇人有水晶球，一堆股票、債券、基金，賺錢多於蝕錢，就可以。）

（林偉駿是有良心的老闆，759也賺不到錢，現實就係咁殘酷。佢工作太辛苦，仔女分擔不夠，所以咁早死。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。

大不列顛迴旋處

 鄉講人駕駛很少有迴旋處經驗，因為大多用紅綠燈控制，跟燈號去行即可，但黎到大不列顛，十字路口很多，如果用燈號控制並不是最有效率，因而產生極多迴旋處。

以前嗰套，理論上唔熟路唔知那個路口出，最多是轉多幾圈，內圈也講得通，但外圈卻是極危險，如上圖，兩架車一齊入迴旋處，已經設定了會怎駕駛，左線是向左或直行，右線是直行或向右，故左線外圈者突然轉圈，而右線內圈者直行，分分鐘有危險。

正確做法，你要去邊個出口，進入迴旋處前已經要選擇好，以上面地圖為例，我由Glasgow road來，進入Drum Brae Round about：去Drum Brae south用最左線，打左燈出。去St John road用中線或右線，將出路口打左燈。去B701或相反方向Glasgow road用最右線，打右燈，將出路口打左燈。

如果入錯線，要直行，卻入了左線，除非真係冇車，在絕對安全下，打右燈入迴旋處，打左燈出路口，否則寧可照錯，行錯路，總有路口可以返轉頭，條條大路通羅馬，千萬不要做冒險的事，用多少少油、少少時間，好少意思，最緊要安全。

鄉講有不同商店及招牌，路口會清楚，英國屋間間差唔多，景物又類似，經過見到路牌也不太清楚幾多號路去邊度，所以出發前要set好導航，或睇清楚地圖，定好路線，安心上路。

移英日記（143）窮遊德國（一）

 又進入復活節假期，明日星期五，英國人稱之為Good Friday，耶穌基督受難日，所以稱為Good，是因為耶穌被釘在十字架，替世人承擔了罪，只要憑信心相信，就可領受救恩。

進入長假期，英國人都會外遊，一係本地自駕遊，由一個城巿，去到另一個城巿，一係去歐洲，好識享受。

我地也join埋另一家庭窮遊德國，book了廉航機票，也用便宜價錢book了酒店，因為他們在某酒店集團工作，可以用職員價，一星的價錢，五星的享受，預期會去布蘭登堡門、博物館、動物園、可能去埋猶太集中營等等，去德國，當然要飲德國啤酒、香腸、鹹豬手等等。

（Wise屬過渡性戶口，唔好當銀行，不能放太多。）

早早已在IB兌換了歐元入Wise，更兌現金，方便掃街，看看有甚麼街頭美食。某移英家庭也想我們帶埋佢兒子一齊去，因為他們做暫託動物生意，不能甩身，不過只因顧慮有特殊需要，而且彼此信任程度要夠才能，我們一個兒子已拉扯晒精力及情緒，去到外國，小朋友走甩了，或甚麼意外，怎賠番個仔俾人呢？又或者，如果關係熟到親戚咁，認我們做契爸、契媽，免費請埋小朋友去又何妨？

做善事，也要能力所及、關係到位才能。移英講人應互相幫助，之前遇害一家，教會也有慰問，我也俾了帛金。我想遲些兒子讀小學，我也不會允許他踏單車返學，車佢返學，點都安全許多。

（本來應低調些，但鄉講傳媒已經通晒天。）

移英日記（142）公義不一定今生可以看到

 最近我重看「包青天」一回，雖然知道這劇集不過是小說「七俠五義」改編，並非歷史事實，但仍然大快人心，吐一口烏氣。（如果今日法官係咁就好了）

（某移英弟兄說希望死前能見到公義，我坦白說當日猶太人都等唔到復國，也等唔到耶穌再番黎。）

原來人人心裡都想公義昭彰，所以某地的人去包公廟哭訴，並非他們無知，只不過現實世界的無情，令人唔知可以點做？

我地當然想有公義，但歷世歷代，不明不白受苦、遇害、慘死…又有誰為他們伸冤呢？如果所有的事都是即時報、現眼報、今生報，那麼死後又何需審判呢？

（這套三體，不容錯過！）

全世界任何自由的地方，那一個是白白得來？只不過前人付了代價吧！只不過有些地方俾了很短時間就得到，有些地方俾了四五千年都仲未俾完，不得不承認是一個受苦的民族。

（就算有再強硬的美帝總統，也不會改變某地方，就如制裁某國，也不能阻止某人繼續入侵，還永續權位。）

有些人希望救世主降臨，但有罪的人類永遠做唔到救世主，否則到那日，耶穌就唔需要親自作王了。

移英日記（141）BNO5+1已是最容易

 局勢變遷，人心思變，人人都想走佬…

綜觀各種方法，一係讀書、一係專才、一係投資做生意，BNO5+1已是最容易。

投資、做生意，除非你大把錢。

讀書，讀個文憑都兩年，兩年怎樣維生呢？又要有錢。

專才、專業人士，有個Friend以前在微軟做，去澳洲谷歌都請佢，話咁易去澳洲。做護士的，晨咁早就走了！

BNO5+1只需証明有半年生活費，或依親、住朋友那裡也可，落地申請NI號碼，立刻可找工作，酒店執房、做倉，一定請人，11.44鎊一小時，有的俾12鎊，你肯做，一定生存到。

鄉講以前係搵錢的好地方，唔好話冇錢，年年去日本又有錢，移民卻一個仙也攞唔出，只怪沒有危機意識，只管眼前即時享樂的惡果。如果「強迫金」可以用永久離開為由提取，100萬人走也不出奇！

（網上資訊都是真的，但不同城巿，使費也有分別，倫敦係首都，生活成本最貴，要4皮，我住的愛丁堡2皮鬆一點就夠，如果冇子女，不必考慮校區，兩皮內已足夠，最緊要個老婆識煮野食，這是我俾移民的人最重要的貼士，未結婚，揀女友，淨係識扮靚冇Q用，最緊要識煮野食，黎到英國的人一定明白。）

（某移英講人的一餐，一定無後悔黎英國，我就冇咁好福分。）

搏上位、害鄉講

 有些地方已立法，保障country安全，應少爭拗，全力拼經濟，方為正路…

某健力總會主席致辭，只不過不小心講錯小小說話，有些人唯恐天下不亂，搏上位，直指她「講毒」言論，令人人自危…

（綜觀全文，實是口文之誤，如果她說較細國家及地區，就不會被人批鬥了。）

移民博覽會，不知幾好生意，豈會無因？

（這些人不過機會主義者，不是真心愛country，「Save HK」就做唔到，「Destroy HK」就絕對做到。）

大不列顛小心超速

 當一個政府冇錢，罰款通常轉趨嚴厲。

（這個場景，某些地方日日發生，大家都明。）

有些地方，甚至佈下天羅地網，多款超速相機，甚至警員埋伏，防不勝防。

如果限速40英里，不會41英里便罰，普遍講法係超10%加2英里才罰，46英里就實死，安全做法44英里內，罰款100鎊，並可能增3個駕駛積分，超速20英里，罰則會加增，加至12分停牌。

有的超速係以整段路的平均速度來計，系統會記錄車的進入時間及駛出時間，偵測你幾時駛出，就知你有冇超速，故臨尾收油都冇用。

未入藉人士，任何犯法的事，都會有一定影響及難阻，建議安裝Waze，手機插埋apple CarPlay，若有測速相機，就會清楚展幾多距離，有充足時間收油，避免超速。

（插了Apple CarPlay畫面放大，導航也清楚，谷歌是慣用，但沒有指示測速相機，會較危險。）

（有時道路冇展示任何車速限制，則按上表規限，巿區一般30英里，學校區20英里，高速公路70英里，但某一段突然變50英里，會收唔切油。）

(豐田也有RSA功能，提醒你收油，不過佢唔係次次認到，Waze較可靠。）

（Waze缺點是較為花，其他用家的圖象也顯示埋，變得好亂，唔係太清楚，都要小心適應。）