移英日記（138）移民不過由一個籠搬到另一個籠

 雖然我知道人生在世都不會有真自由，移民只不過由一個籠，搬到另一個籠，但總有一個籠令你活得舒服一點。

美帝有真選舉嗎？你冇財力支持可以選嗎？傳媒都是控制在少數財閥手裡，幕後玩家要拜登做也可，特朗普做也可，視乎這一刻要做溫柔政策？還是極端政策？找合適的演員擔當，選舉大會、民調、廣告等等，即使邊個做已決定了，但一場大龍鳳都會做足，大家齊心演好台戲，令民眾以為有真選舉、真自由。

某些地方，也是演戲，只是啲戲太屎，完全扼唔到人，又啲人又話粉身碎骨要支持立法，主席應中立卻投票，營造100%支持，「孽瘤」更說如果早點立法就冇雨傘示威…。

（這些演員，啲戲太屎，人人都知唔係真。如果有荷里活級數，人人信以為真，以為可發表反對意見，引蛇出洞已經成功了。）

大不列顛出入要駕車，冇車冇駕照，你有出入自由麼？等巴士等到你發癲。食物平，但出街食卻極貴，質素也參差，你會被迫自己煮，冇錢也沒有出街食飯的自由。唯一我覺得教會是自由、敢於表白，有嗰句、講嗰句，按著正意分解真道。

每個地方都係籠，移民不過由一個籠搬到另一個籠，如果有些地方冇自由但搵到食，許多人仍會選擇留下，不過又冇自由又搵唔到食，咁做乜要留低？

（商店十室九空，企業紛紛結業，咁叫做：「由亂及治，由治及興」麼？）

（這些地方咁好，咪上多啲、食多啲，好快主懷安息。）