2024年3月10日 星期日

移英日記(137)要有意義生活

 有些人已經上了岸,做到財務自由,如果有信仰,就祈禱按著神的心意去行,冇信仰,就隨心做自己想做的事,何必強迫自己。


如果已經上了岸,做Youtuber為了甚麼?人唔係為錢,就係為名、為權,讓自己有存在價值,在歷史留名,有的人已爬到頂峰,都想名留青史,但事實上遺臭萬年。

有的Youtuber,從來都唔係為移英港人,要人入會、俾like、留言、睇廣告、「披闖」課金…一切都為錢,十分清楚,好市儈。

既然已經升喱,唔係這些巿儈佬站在同一個地平線,點解唔可以做得高端一點?瀟灑一點?鍾意出就出,唔鍾意就唔出,何必強迫自己?

講投資,等多不久時間,AI已經勁過人類,等聽你分析再投資,嘥氣喇!好坦白講,我都係吹水自娛,不多時間,AI自動度身訂造講你喜歡聽、播你喜歡看,甚至為你一個人做一套電影,都可以,不出十年,這些YouTube全部變垃圾,我這個網誌都係垃圾,如果你真係識投資,知道這世界會怎樣走,冇可能唔知,仲浪費光陰,一日17個鐘拍片。

窮人用時間換錢,富人用錢換時間。如果咁簡單道理都唔識,怎教人投資?時間才是最重要資源,冇時間,你有錢都冇用,俾你做鳥山明又如何?世界有很多需要,南韓天天有人自殺,與其花17個鐘拍片,倒不如做下義工,關心一些有需要的人,意義更大。你有幾多view數,神係唔會睇,只係自我感覺良好,你也不稀罕賺到雞碎咁多錢,何必呢?


我自己也有反省,要做有意義的事,教會都想找我事奉,但我怕力不從心,以前也在教會也曾全職事奉十年,最終也沒有好下場,走到地盤工作,如果今日我要走出去,可能係操好英文,做本地人義工之類,不一定困在教會,但這一刻沒有既定立場。

沒有留言:

張貼留言

愛丁堡詠春:詠春是不實戰的垃圾功夫?

 詠春是南方其中一套拳法,如果話詠春唔打得,等於話錘仔唔能夠釘板一樣咁荒謬,然而今日詠春在實戰上這卻是存在很大嘅問題,十個詠春九個流,這不單詠春,國術都一致出現同樣問題。 其實如果唔係武俠小說、功夫片洗腦,正常人都唔會咁低智去覺得呢啲動作有技擊能力。當然巴西戰舞都會用舞蹈隱藏技擊...