IB投資系列：不要輸錢最重要

 股神巴菲特曾經講過投資法則…

就是不要輸錢。

我們都知：「輸錢皆因贏錢起」，個心洪咗，判斷能力、危險意識大減，往往是最危險的時候。

有的人在這個時段，透過投資加密貨幣、英偉達等，已經贏了一層英國樓，「有人辭官歸故里，有人漏夜趕科場」，我就晨咁早放晒啲貨，見財化水，還晒日圓，去槓桿化，息差都冇得贏，今個月埋單大約都係三皮，Right move睇樓，都係得個睇字，人地已經賺了一層樓，確實有酸溜溜的感覺。只因我知道幕後玩家隨時會收網，但唔知幾時，一旦收網，你係走唔撤，場內交易時段，你當然可以用巿價斬倉，但幕後玩家在你睡覺的時候做野，場外交易跌到反艇，一覺醒來都唔知點算。

股神巴菲特話最緊要唔好輸錢，所以之前借日圓賺息差，都係一年賺十幾萬港紙，平均一個月一萬鬆少少，因為錢係借，要穩賺才夠安全，美元放在IB有4.83%，買短期美帝國債五厘幾，冇得輸，唯一風險是怕日圓反彈。所以一有風聲，就立刻走晒！

「各有前因莫羨人」，每一個人承擔風險程度是不同的，在大不列顛是沒有菲傭這回事，孩子一定要大人照顧，一個人工作是不可能三個人食飯，故此投資變得十分重要，也要小心謹慎。

（教會某姊妹提議我們考慮去利雲斯頓Livingston置業，位置界乎愛丁堡與格拉斯哥的小鎮。有車有駕照當然冇問題，但「歪芙」冇駕照，真係頭痛，如果我拉柴，住到山旮旯，咁點算呢？）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。