其實去到大不列顛，本來我也想攪D小生意，買架貨Van，園藝、維修工具、金屬棚架，反正以前在漁村也有撘架，又曾在吊船做高空工作，英國啲house，濕濕碎，高空工作我做晒，又何妨…但跟弟兄分享，冷淡回應。
原來他們買樓都買Flat，就係唔想打理，你竟然要他們日日幫人打理，咪玩喇！咁既然沒有支持，我孤掌難鳴，都無謂攪，專心投資便算。高壓水槍（洗車或洗屋頂）、吹風機（用來吹樹葉）我都有晒，日後倘若有機會買house，自己幫自己維修。
人只能自然死或意外死，自然死，我地都能理解，人有衰老基因，生老病死是必然的事。至於意外死，有天災、人禍，人犯罪後，地受到咒挫，自然有災禍發生，在地震帶居住，就有潛在風險…我都可以理解，如果在馬路駕電單車，風險已高過私家車，但可以開著車頭大燈，又要考牌，有一定路面知識，風險已經減少，但如果小朋友踏單車返學，佢地年幾輕，路面經驗不足，風險係極大，所以最近我地這邊發生的事，係不幸，但同時也沒有將風險控制到最小，將自己陷入危險之中。大車司機係有責任，但大車盲點極多，睇唔到也不出奇。
要讓自己安全，唯有將安全系數增大，股巿等冧巿才走貨，已經太遲了。買架較新的車，有路人及單車偵測，緊急自動剎車，自己唔舒服或唔夠精神，就佢絕駕駛。
（冇錢生咁多個，養咁多隻狗，住咁大地方。）
（靠發債借錢維持，基建冇錢都唔肯停，最終變成行乞嗰個，冇人可憐！）
（有些地方已陷落垂死，問題有人會用一個大話冚一個大話，一個發債去冚一個財赤。）
（有的地方冇得玩㗎啦，有人在撤辣招封盤，隨他吧！危機意識薄弱，禍不遠了。）
沒有留言:
張貼留言