2018年7月31日 星期二

十幾年雪藏牌,又要重新學車了(一)

十幾年前在駕駛學院,雖然成績不算差,兩次便考了棍波貨Van牌,一次就考了電單車牌。

但是任何人都知道,駕院出來,不代表識揸車,再者考了棍波車牌就可以同時揸自動波車,究竟係咪真的識揸呢?當然不會。



最初我開著架公司自動波貨Van,連入波都唔識(要先按著剎車制),跟著駕駛方法也有錯誤,左腳按剎車,右腳按油門(其實只要用死右腳即可)⋯

自動波車開車程序:
一、插入鎖匙,開著汽車電源。
二、按著剎車制,波箱從P擋拉到N擋。
三、撻車,起動引擎。
四、鬆下手制。
五、波箱由N擋拉到D擋。
六、放開剎車制。
七、按下油門。

不嬲我們香港人,開車一定係:一插鎖匙,一大扭就直接撻車,波箱直接由P擋經R擋,直接入D擋,對自動波箱損害很大,很快打柴。

(HIACE歐盟6,可較S波,手動調較波段。)
停車等候程序:
一般時間短的燈位,只需維持D擋,按著剎車制即可。
若時間較長,入N波,拉手制,鬆開剎車制。
若停泊車輛,入N波,拉手制入P波,鬆開剎車制。

駕院出來的人,一則是守規距的人,他們不理停車時間長短,一概入N波,拉手制。又或者貪方便,不守規距的人,長期維持D擋及剎車制。這樣對架車也是不好的。至於泊車,P擋是在拉手制之後。因為即使是停車場,由於為了去水或地面不平,車仍有可能溜前或者溜後,雖然只是一點兒,但長遠對波箱造成損害。

IB投資系列:高奴也是奴隸

 從另一角度看,「馬屍黑」唔應該嬲「突郎浦」,節省開支只不過用來緩衝時間,慳到嘅錢不過杯水車薪,直到找到方法,自然功成身退,對尾國也有利,如果太早講,佢就唔會咁盡力,戲就做得唔夠真,呃唔到全世界了。 真正嘅「奴隸主」已經警告了「突郎浦」,當選後一定要遵照組織嘅吩咐,你不過是「高奴...