IB投資系列：冇錢賺

 今日又收到消息…

「馬屍黑」霸氣回應：Cut it all Now，係好鷹！不過股價立刻跌破300尾元。

Doge嘅目的係減省政府開支，但一個「大而美」法案就完全推翻，咁即係代表甚麼？當日叫「馬屍黑」攪Doge減省政府開支，不過做場戲，讓全世界以為尾帝有決心減赤，當「突郎浦」用關稅戰跟各國傾掂數，迫令各國持有尾債，減赤嘅戲就可以免了，推出「大而美」，繼續大使錢，富人繼續免稅及極少稅…

「馬屍黑」跟一眾陣容豪華嘅高奴，一直都係零交稅，一眾最頂級公司交稅少於1%，震驚世界！這就是尾國財赤嘅主因，稅務大部分由低奴、中奴承擔。

「馬屍黑」既是既得利益者，有甚麼好嬲呢？就是他抱有使命感去攪Doge時，真係好自豪以為自己幫政府省了幾多錢，就算得罪許多人，店鋪俾人破壞，形象插水，股價下跌也在所不惜，然而今日你話俾佢知不過一台戲，怎會唔嬲到發火？然而如果「突郎浦」倘若老早告知不過一場戲，佢一定不恥去做，即使做，效果一定冇咁好。

「突郎浦」好歹也是奴隸主（表面嗰層），高奴發火，也要下馬威，你要Doge慳到錢，咪減少對公司資助，睇下你去唔去到火星！

你哋真係奴隸主大戰高奴也好，又係做場戲也好，股價下跌一定影響我哋低奴嘅收入了。

（人窮自然要想辦法，賣了8張期權合約，本星期收六千講元幫補下。）

（個巿有幾好？大家心照不宣。「嬰王」172億債，加47億虧損，「羊獸成」叫晒啲女星賣身都唔掂。）

（口硬冇用㗎！「File湯」蝕到褲穿窿，人所共知。）

（「申細介」唔使執笠，只不過大到不能倒，「甘館焗」施壓銀行打救，「續命符」有效三年，要看這幾年經濟會否好轉。）

（賺錢就富貴，蝕錢就閉翳。）

（高奴教仔真係有一手，19歲時我仲係廢柴，在遊戲機中心留連，讀書唔成，做鬼都唔靈，垃圾！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。