今日見到首富創立「尾國黨」，總係有些似曾相識嘅感覺，富商創黨對抗，在早前尾國已曾出現，在某些地方也曾出現…
不過呢啲只能參考，一間公司股價升唔升？仍要視乎公司嘅營運，有啲係「扶唔起阿斗」，大家明㗎啦！
今日各國要搶錢，印就可以…
點解貴金屬冇息賺，都好過五厘息嘅「尾債」，因為各國印錢印得好勁，這就好像買了發瘟收息股一樣，賺息蝕價。
至於虛幣，就算真係買，買龍頭嗰隻便算，至少最後先死，就好像漁村買物業，巿區外圍只可買鐵路盤，要走都有人要，西沙啲盤，咪玩喇！
甩唔到嘅資產，千祈唔好買，虛幣已經夠虛幻，仲買埋啲迷因幣，想唔落地獄都幾難。
這個世界有贏家就有輸家，幕後玩家要賺盡，就要其他人輸到仆街，才能成事，共同富貴係冇可能，冚世界清零就可以，唔氹你入局又點呃晒你啲錢呢？
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言