尾帝使出戰爭、關稅、滙率等手段，引發恐慌，迫巿場變賣尾股去買尾債，當然有人落撘，有人屈服，好似某YouTuber也叫人開IB買尾債云云…我不反對亦不支持是否買尾債，亦無意冒犯某Youtuber ，因我無法得知是否賺錢。
但幾個尾債最大持有國仍然未有首肯，咁攪法是否迫使尾聯處降息及擴表印錢，咁尾元只會更貶值、更垃圾，於是用了「搵訂幣」吸走全球資金，以前尾元跟黃金掛勾，現在轉勾「搵訂幣」，你買「搵訂幣」，等於接尾債，因為「搵訂幣」需要所謂嘅支撐，就是必買尾元及尾債，即係最終買尾債，既找到替死鬼接盤，自然可推出「大而尾」法案，繼續使錢。
某些國家印錢讓政府繼續有錢花，會導致通脹，令百姓要更努力工作才能賺到錢，於是他們急不及待兌換成他國貨幣，即係尾元，但係咁樣滙兌成本貴，轉脹困難，更會被國家禁止，今天只要換成尾元「搵訂幣」，便快、靚、正，手續費平、轉脹容易，咁全世界為免自己受禍，只要他國通脹更嚴重，咁自然有人買尾帝嘅「搵訂幣」，即係有人買尾債了。
不少國家如「離日脷阿」、「爸茜」、「飛律繽」等嘅交易已有相當比例暗暗用了尾帝「搵訂幣」去交易，咁本國貨幣就越來越少人用，貨幣發行權不知不覺被尾帝控制了。你以為全世界去尾元化，實際已用另一種方式借屍還魂。
於是各國急不及待推出自己嘅「搵訂幣」或數字貨幣，與其幫尾國還債，不如幫自己國家還債，問題係你哋這些國家嘅「搵訂幣」有冇人買呢？要知道「搵訂幣」最初係用於虛幣投資，人人要發達都買虛幣，要買虛幣就要買尾帝「搵訂幣」，今日「搵訂幣」有冇人換，就要看這「搵訂幣」能否買到物品，某些國家已沒有紙幣，全用數字貨幣，亦用這幣推廣至更多國家，也成為尾帝所忌嘅頭號敵人。
某些支付系統，已發行佢自己嘅「搵訂幣」，用作支付購物，其支撐就係尾元、尾債及尾元等價物，這個催勢已經無法阻止。
去大餐廳食貴野冇問題，最重要有冇人埋單，同樣道理，尾帝使錢冇問題，最重要有冇人埋單！只要全世界繼續為尾帝埋單，佢仲需要慳錢嗎？增3萬億咪3萬億囉，只要作個故事夠動聽，佈局夠精妙，增10萬億都仲得！
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言