IB投資系列：黃金組合

 每個人都有不同才華，但人始終有缺點，需要團隊互相配合，互補不足，才能發揮至極致。

當年嘅「橋佈屍」及「富黑」絕對是黃金組合，「橋佈屍」嘅創意及要求，令員工吃盡不少苦頭，沒有「富黑」穩住後方，豈能有當日嘅光輝！今日嘅「平菓」只係賣老本，連AI都冇做好，科技公司咁低科技，食屎喇！（唔好意思，粗鄙咗！）

股神「爸飛突」冇了「茶你恾隔」也失了方吋。

如果「爸飛突」死埋，「爸運」嘅股價就好危險，佢退休股票已經滑落。

做生意一定唔可以獨資經營，一定要找一個或一班與自己不同嘅人去合資經營，才能互補不足，成就大事。

項羽在當時係天下無敵，但一切都係靠自己，唔信人。反觀劉邦雖然係無賴，打扙又唔得，做事又唔得，但能夠用人去謀劃、經營、打仗，最終成功。

有的人以為成功只不過靠自己，唔好咁天真！「背索屍」、「標基」沒有賢內助，根本沒有今日。

（「大瘤」從來不承認「宝泳禽」在佢創業時嘅努力。眾所周知，以「大瘤」嘅火爆性格，點樣可以應酬啲客人？點樣可傾掂啲合作？點樣接到生意呢？）

我略懂歷史，古代男人要休妻，妻子要犯七出之條，內容包括：無子、淫佚、不事父母、口舌、盜竊、妒忌、惡疾。原來病都有罪，因為要承擔妻子及母親嘅責任，也要先照顧好自己嘅健康，飲食、作息，不能放任自己，其實男人也是一樣，只不過古代係父系社會。

但如果有三個條件絕不能休，如果妻子沒有娘家可去（不能迫死佢），或妻子曾替家翁姑服喪三年（已盡孝道），又或者娶妻時貧窮，但後來富貴，也不可休妻，就是糟糠之妻不可棄，棄糟糠嘅人，忘本，唔值得尊重，「背索屍」、「標基」之流話自己幾鐘意洗碗都冇用，垃圾！

（這對夫婦係娛樂圈中模範，是值得尊重。其實唐佳唔應該自殺，令自己屍首不全，生命嘅主權在神嘅手，自殺係唔尊重神，亦唔尊重父母，古人說：「身體髮膚授之父母，不敢毁傷」。屍首不全係作惡嘅人才得嘅工價，點解咁傻呢？只怪佢太痴心！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。