聖經曾記載一個故事，主人有三個僕人，一個俾五千，一個俾二千，一個俾一千，主日回來後，五千的賺多五千，二千賺多二千，主人稱讚他們，但得一千的僕人，將錢埋在地裡，冇賺冇蝕還給主人，遭到主人的責罵及懲罰。
這個故事的意思是按才授責，能力越強，責任越重。然而我在小學時，經常有一個疑問，僕人賺到錢，當然冇問題，但如果蝕了，會怎樣呢？不過留意主人對一千僕人的斥責，可能有答案，他說如果放在銀行，都可連本帶利賺回，意思係如果冇信心，可以做穩定的投資。
放在今日，常常有人呻窮，佢有冇做到可做的一切呢！開源節流，有冇節省開支？有冇增加收入？
如果我在漁村，會check清楚有冇副加條件及手續費，如果借貸年利率真的1.68%，我會盡借，佢肯借一球，我敢借一球，就算只借到十皮，我都照殺，有三厘幾息差，做定期或買國債也好，借十萬得三千幾，借得多賠得多，賺得多，點解唔借？
我反對人借錢消費、還咭數，但如果係借錢做生意、投資，只要條數計得掂，借錢係冇問題。現在利息高，買樓、買車，當然用現金買，除非利息降至兩三厘，有錢都保留現金投資，一概借錢買。
有許多事，永遠都難以理解，D人賭錢、欠咭數，可以幾十萬，甚至成球都得，要佢捐錢、十一奉獻、助學、助養…卻一個仙都擰唔出。要找十間銀行，利率兩厘以下，一年額外賺三千？三萬？卻嫌麻煩。虛擬貨幣這些自己都未能理解，卻可以多多錢都俾人呃晒！道理在邊度呢？就是想賺錢卻不願付出，怕麻煩，買賣虛擬貨幣，卻不自備錢包，咁樣素質，去到邊度都唔會發達。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言