在別人眼中，你哋兩個移英老野，日日無所事事，但其實我每日也唔夠時間用，一起床，就要知股巿怎樣，跟著駕車送兒子上學，九點，盤前開巿，如果去超巿購物，也是機不離手，回家睇韓劇、日劇也好，做家務也好，就是洗碗，我也要知股價。中間又要操練拳腳、用App學英文、讀聖經、祈禱…總覺得每樣事都是心有餘而力不足，從來沒有全心全意做好一件事。
如果全心全意讀經，神學都可以考到，可幫老田牧師一臂之力。如果全心全意練功，也可以做到詠春師傅了。如果全心全意炒股，股神我都唔會做到，但至少買樓鬆好多，獨立屋也可考慮。如果全心全意讀英文，現在已融入英國大家庭了。如果全心全意待兒子，我都會係一個好爸爸…
不過這個世界沒有如果，人只係攞個平衡點，好像世界首富「馬屍黑」，做生意係絕對夠成功，但關係亂七八糟，兒子改名換性，永久斷絕關係，唔通上帝會讚賞佢咩？
兒子英文已比我們好，發脾氣話我哋英文唔得，「唔係nine，唔係lie，係line」，港式英文攪唔掂，係完全無法跟英國人溝通，自助餐buffet，我哋讀「蒲飛」，實際係讀「不肥」，又聾、又啞、又文盲，真係好陰公！
兒子剛上完四堂Judo（柔道）體驗班，跟住繼續玩就要俾錢，我唔介意俾錢，亦不介意佢冇跟我學詠春，只要佢有興趣學習就可以了，真正搏擊，羅唐可以贏，大力鼠也可以贏，全在乎臨場發揮。
全部都要駕車去，要做終極冠軍就冇可能，但有一技傍身，唔會俾人恰就可以了！
沒有留言:
張貼留言