這是美帝其中一個劇本…
冇人知幕後玩家用甚麼劇本，總之會有事發生…
這亦是高奴最歡喜嘅一刻，因為…
正如我早前要還清日圓，之後原來足足還有半年可玩，但這個世界冇人有水晶球，你亦可借爆日圓all in股巿及虛擬幣，只要買好了人壽保險，並確保保單生效，跳樓唔好連累屋企人就可以了。但這不是投資，是投機、賭博，投資只會在贏率高嘅情況下落注，贏率低寧可唔玩，正如你喺Hong Kong，你都唔會這個時候攪生意，十室九空你都知死梗。「正虎」靠發債度日，財政儲備日少，但未衰到貼地，美帝加關稅，「天朝幣」貶值至1:1，會令講人北上消費加劇，係第一波。財政儲備耗盡，大鱷炒家追擊「講幣」，無力捍衛聯繫匯率，被迫脫勾，係第二波。全球大蕭條，係第三波。
現在要好小心，挪亞叫人入方舟，都冇人理佢，人們如常吃喝嫁娶，當洪水來臨，所有人都死晒。方舟是救生艇，亦預表救恩，進入方舟嘅人都會得救，正如信耶穌嘅人可以得救一樣，問題係人會唔會聽？會唔會信呢？友人更對我講貼士，說虛擬幣怎樣怎樣，要趁機入貨云云…如果係股票，有實際公司營運作支持，消息影響股價，我都可以理解，但虛擬幣就好像網上遊戲嘅裝備，當好多人玩嘅時候係值錢的，有經驗值嘅account也可變賣，真係可以變做真錢，有巿有價，然而當遊戲熱潮過後，一個仙都唔值了。
正所謂：「居安思危」，當作了最壞嘅打算，事情發展成怎樣也不必怕，好像我嘅「講幣」在「薈風銀行」只有幾舊水，IB戶口也只有幾舊水，即使「索蘿屍」等人又嚟搞搞震，衝擊聯繫匯率，對我又有甚麼影響呢！唔好以為外滙儲備仲有好多，天朝幣互換協議已經「空手套白刃」套走了一半美元，年年赤字，發債當收入，自欺欺人，當國際金融大鱷計到你冇子彈，就會再來衝擊講元。
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言