IB投資系列：一股不留

 賭場理論，賭場贏嘅百分比永遠大過賭客，因此賭場只要有客人，長賭必贏。反之，賭客長賭磨爛蓆必輸，這是必然嘅定律，除非你有超凡嘅記憶力、計算力、賭博技巧及策略。其實投資也是一樣，你要知道自己幾時做賭場，長賭必贏，幾時做賭客，被割韭菜。

牛巿嘅時候，升多跌少，長賭必贏。

熊巿嘅時候，跌多升少，長賭必輸。

現在已是牛尾階段，理所當然減少股票投資，增持現金，或轉投貴金屬、資源等。你所以贏，所以輸，全在乎你知道自己身處甚麼處境，你是賭場，一定長賭必贏，你是賭客，一定長賭必輸。

我舉搏擊為例，羅唐、大力鼠都是搏擊界最頂級人物，但羅唐是泰拳拳王，大力鼠是MMA拳王，勝敗全在乎遊戲規則。

（這次較量，一個回合用泰例，一個回合用MMA例，看看誰能獲勝。泰例嗰Round當然對羅唐有利，MMA例嗰Round當然是對大力鼠有利。）

現在嘅場境當然是賭客階段，長賭必輸格局，你仍可以玩，永遠係試探式咁玩，快速刺拳，跟住返回防守狀態，就好像第一Round嘅大力鼠及第二Round嘅羅唐，一定要小心翼翼，長期處於防守及遊走狀態，唔俾對方任何機會，羅唐就是用了重拳，一打失，即俾大力鼠埋身，即敗！

小注、小注，跟住就要走晒，千祈唔好同股票做人世，股票不過是逢場作興，唔好認真，過後即忘。

純粹個人分享，沒有任何投資建議，最緊要贏咗錢走人，唔係要發達，只係要少少茶錢，盡量一股不留，全清倉。

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。