2024年12月18日 星期三

IB投資系列:賭博唔好當投資

 賭仔嘅心態就好似打MMA賽事,柔道即使被攻擊系拳手打到勁輸點數,只要冇被KO,加上一次機會,就可翻身,反敗為勝。

(柔道即使涯打,勁輸點數,只要一個機會就可反勝。不過只限MMA例。)


真係識做生意及投資嘅人,佢係計數去決定。其中有個叫凱利公式,以決定投資比率,簡單講,機率大,落大注,機率細,落細注或不下注,All in只有一個情況,就是機會率達到100%。咁買美帝國庫債劵或者銀行做定期存款,雖然唔可以話百分百,但即使All in都make sense。

咁投資虛擬貨幣呢?屬高風險、高回報,你係可以落注,但按照凱利公式,只係落細注,如果下下All in,咁即係點?


即係賭博,答案好清楚,不能說是投資。

唔怕坦白講,我在交易日睇咗十幾小時,包括埋盤前盤後十六小時,可以完全不落注,零收入,又或者攪完一大堆操作,賺得幾舊水港紙,有時仲衰過英國最底工資每小時11.44鎊,賺錢唔係咁簡單,財富嘅累積是一步一步累積而來,換言之要輸少贏多,持續一段長時間,才有成果,再說白一點,更多時候係每日零收入或幾舊水,好一點幾千元,過萬是極少出現,就好像搏擊,互有攻守,點數贏,技術性擊倒TKO。

有的所謂投資,其實係賭博,就可賺取高於正常嘅回報,你贏了,駕GTR、戴勞力士,我仍然寒酸咁駕豐田、戴Casio,畢竟人人走嘅路都唔同嘅!

(高奴「鬚媽」派錢,低奴唔收,視為不敬!我叫得人買,自己都會買,只不過怕隨時崩盤,盡量唔留過夜,大錢就賺唔到,少少茶錢都仲可以,賺150美元,千一港紙。美帝減息不似預期,又會跌巿的,要極度小心!)


免責聲明:本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦,讀者務請運用個人獨立思考能力自行作出投資決定,如因相關言論招致損失,概與本人無關。投資涉及風險,證券價格可升亦可跌。

沒有留言:

張貼留言

IB投資系列:小心輸到仆街

 今日見到首富創立「尾國黨」,總係有些似曾相識嘅感覺,富商創黨對抗,在早前尾國已曾出現,在某些地方也曾出現… 咁即係點?用舊劇本。現時「大而尾」法案係劫貧濟富,對有錢佬而言,有甚麼壞處呢?大家都係為「阿公」做事,唔可能次次同一班人攞著數,早前電車攞了著數,這次輪到石油、核能了… ...