移英日記（417）落後就可以！

 我哋呢班背棄自己City、Country嘅人，係走狗、懦夫！不過諗清楚，我哋係俾自己嘅City、Country背棄，甚麼係50年不變，就是2047年前都不應變，即使變得更好，也是違反承諾。

我係揸Toyota，我唔使諗，唔怕食油，唔怕維修，你迫我一定要日日揸rolls-Royce，要我忌住忌住咁揸，又怕揩花，又怕食油，又怕維修，窄路又出唔到⋯你出雞，我出豉油，我都要死呀！

我淨係食普通雞蛋，唔要變好，唔要進步，你迫我一定要食預製蛋、人工蛋，說甚麼高科技、快出餐、低成本⋯，我唔要啊！

居民淨係要「雲腹宛」，要作惡嘅人得到處罰，要疏忽嘅人下台，公義得到昭彰，「今上」永續、「突手」連任，又有甚麼問題。唔係要住新居屋，要俾六皮印花稅。

睇下呢班人講緊乜嘢？

（「燉小萍」承諾「鄉講」係行資本主義制度，咁你哋呢班妖孽推廣呢種制度意欲如何？）

（「遵賠辛」唔該快快上繳財產救國。）

（死咗咁多人，所有署長都應道歉下台，「王迫驕」仲可以逍遙法外，你要全面性管治無問題，呢啲大是大非嘅嘢唔可以當冇事，人命關天。）

（我們好懷念「懂伯伯」，原來佢係最好，「涼敢叢」偷步買車都下台，我怪錯了他，雖然佢唔識政治，但商人治「講」，沒有破壞「鄉講」營商環境，反而係最好。）

「嬰國」係落後，我自己煎隻蛋都花很多功夫，用走地雞蛋，加啲有機全脂奶，加蔥、加胡椒粉、加鹽，然後用牛油起𤐰煎，全部原始野，沒有高科技，我唔使咁先進，嗰啲「辛時代突色卸會煮意」，留返俾「遵賠辛」、「裝牙停」夫婦獨享即可，做人要誠實，既然你哋喜歡嗰套，當然要身先士卒享用！