IB投資系列：見好即收

 股票投資跟做生意一樣，有賺有蝕，這是必然嘅事。只不過賺多過蝕嘅生意，叫做賺，蝕多過賺嘅生意，叫做蝕，所以投資跟做生意一樣，學習怎樣將賺錢嘅比例提高，蝕錢嘅比例減少，每一日也學習這功課。

好像超級巿場，甚麼產品都有，有的唔係好賺錢嘅產品，但佢都會擺放，除了方便顧客，也可吸引人流，附帶下得益，也分散風險。我以前有個弟兄係賣書嘅，一半係正常嘅書，一半係補充練習，他告訴我九成生意都係賣補充練習，香港係文化沙漠，那有人睇書？但都會擺一半唔賺錢嘅書。

投資也是一樣，收息嘅產品，好似冇用，我告訴你上年度股債齊跌時，我報番上年度嘅稅，資產增值稅係零，交嘅係利息及股息稅，有部分收入更視為高收入，要交40%稅，真係好乸脷！看似無用嘅東西，竟然雪中送炭，一向為我賺錢嘅股票，有事嘅時候竟然完全幫唔到手。

所以點解人哋All in虛擬貨幣時（連一年家庭生活費也沒有預留），我咁勞氣，因為佢哋投機在高風險項目上，完全沒有危機意識，但這一刻係完全冇人聽得入耳，每一個人都有自由意志，神都冇辦法阻止人犯罪落地獄，我又點可能叫人買少點虛擬貨幣呢！

這個世界有唔會炒燶嘅東西嗎？PS5 Pro都炒燶，iPhone 都炒燶，難道你以為虛擬貨幣會例外嗎？見好就要收，否則只有死路一條。

（「焀哥」嘅量子晶片Willow面世，運算能力超乎想像，冇野破解唔到，「忠本衝」持有110萬枚「髀凸幣」將來或會面臨危險，真係咁安全嗎？如果「忠本衝」趁價錢高，於巿場放售，引發連鎖效應，結果會點呢？所有迷戀虛擬貨幣嘅人都被割韭菜了！如果你係「忠本衝」本座，你會揸住虛擬幣過世？等多幾年再翻一翻？如果我係「忠本衝」就會在高位分階段放晒，量子晶片+AI，人類無法匹敵，無謂搏！110萬枚，每枚10萬美元，食三世都食唔晒，仲同你玩咩！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。