IB投資系列：堅持原則

 無論你支持「芬哥」嘅晶片也好，支持「鬚媽」嘅晶片也好，要揸貨，啱價就買，唔啱價就唔買，同樣道理，要沽貨，啱價就賣，唔啱價就唔賣，如果炒股，純粹靠feel，俾巿場氣氛影響，咁就死得！

「鬚媽」俾「尾角銀行」唱衰，股價回調，又係好機會，130元樓下，12幾可留意，110元加注，100元再加注，總言之，啱價就買，唔啱價就唔買。講真，一個女人，又靚又聽話，又善解人意，又識煮飯，又有愛心，又肯照顧老人家，內外都咁完美，都唔輪到你娶，對不對？對方嘅唔完美，就係用你嘅優點去補，反之亦言，一凹一凸，互相補足，冇野係完美嘅。

（有的表面係金童玉女，係完美組合，但同床異夢，男要生仔，女要事業，最終離婚收場。）

「芬哥」已佔巿場八成，有壓倒性優勢，護城河又闊、又大、又深，剩返兩成其他人爭，「鬚媽」要同人爭嗰兩成生意，做嘅嘢唔簡單，但同時，這個世界要找另一個最出色女性CEO，我都找唔到。

當然，講係咁講，要堅持原則係好難，啲人日日講虛擬幣點樣發達，就好像廣告不住洗腦，定力唔夠就會把持唔住，10萬美元咁貴，都想買一粒搏一搏，正所謂：「小不忍則亂大謀」，雖然現在沒有大富大貴，但總算生活ok，有部分收入要交40%稅，何必冒險用「子午谷奇謀」！

（「忠本衝」一沽貨，所有人都要死。「突郎浦」未想佢死，等美帝沽晒先。量子晶片量產以前唔走，就一定好危險。）

（魏延建議領兵5000，由子午谷突襲長安，諸葛亮認為過於冒險而拒絕。）

（諸葛亮帶正軍，魏延帶奇軍，然而魏延5000輕裝難奪長安，只要夏侯楙死守，諸葛亮攻隴右又受阻，魏國援軍又殺到，則大事休矣！）

（「下浦聾」迫講商買地投資，有甚麼用？如果有利潤，商人唔使人叫都仆倒去，誠哥走得咁快，大家都知乜嘢事，智奴仲會戇居居黐埋啲「驚官」，等你屈！嫌錢太多咩！）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。