善惡到頭終有報，獨裁者大都不得善終

 最近「喃寒」某總統發生嘅事，大家都知道，當你以為得到權力，但實際無法行使權力，背後嘅金主詐野型，你都會發窮惡，做一些愚蠢嘅事，需知道「喃寒」幾乎代代總統都貪，當「隕石月」發現自己做唔到野，少少油水都攞唔到，咪發窮惡，人得到權力，無非要將利益極大化攞最多好處，權力極大化獲最大快感。

今日民主制度限制了統治者嘅權力，最多是出了「遭敗凳」、「隕石月」、「私己然」…這些垃圾領袖，歷世歷代嘅極權者就唔係咁簡單。

當極權者肆權成癮，去到極致，隨意殺人，甚麼人都不會信，不住轉人，身邊位高權重嘅親信也會不安，擔心只要服侍不周，或者講錯一句說話，輕則革職，重則冇命，如履薄冰，所以當極權者身體有毛病，身邊嘅親信情願佢盡快去死，也不願搶救，因為只要佢唔死，救佢嘅人就一定因疏忽而要死，所有醫護、警衛、親信分分鐘全部槍斃。

（「屎太腍」74歲死時小便失禁，尿濕褲子，在冰冷的地板躺了4小時，到醫生到達時已過了12小時，返魂乏術，死前一點體面也沒有。）

（凱撒大帝被殺，其親信好友也插上致命嘅一刀，權力用到太盡，就冇彎轉嘅機會。）

（當權者如果沒有用盡權力，失去權力也不過做回平民。不得好死只因用盡權力，施行暴政，殺人無數，最後自己也招致惡果。）

權力嘅感覺，比海洛英還強烈，吸食了海洛英，尚且不能戒掉，只會越吸越多，何況權力？點解掌權越久越瘋狂，因為獨裁者需要更大權力才能獲得更大嘅快感，決定人嘅生死，也是權力嘅彰顯，所以甚至要殺人為樂，越獨裁，殺嘅人便越多。冇認真讀歷史嘅人，以為「欺魔」嘅「欺突拉」殺人最多，其實「無擇冬」殺八千萬人才是最多，「屎太腍」殺二千萬人也差很遠，近代所謂獨裁者「殺撻冇」、「咭撻飛」真係好小意思。

（殺一個人要落地獄，殺八千萬人又係要落地獄，佢真係識計數。）

（疫症、清零也死唔夠人，可能要靠打扙才能。）

聰明嘅當權者會為自己鋪好後路，扶植自己信得過嘅人擔當繼承人，即使自己冇能力再管治，繼承者也會保其平安，不會被清算，「孽脷陰」扶植「抱驚」係一個成功例子，但普遍極權者不願分享權力，亦不信任其他人，因此大都不得善終。

（「孽脷陰」相信「抱驚」，保其萬全。）

（真正嘅獨裁者不會相信任何人，當年「無擇冬」嘅繼承人「流笑歧」、「腍標」都不會真心相信，只信自己，「今上」也是一樣。）