上星期四五都無法落注，只有趁低價揸多了「篩荒石油」嗰隻野值60元，50元左右可分階段買入，純粹個人分享，並非投資建議，有些人喜歡「說佛聾」，無所謂。有的股票扯到很高，真係唔敢買，分分鐘一跌就可以跌番幾十點。某虛擬貨幣破十萬美元大關，我都係冇買，因我知道贏了就可以買豪宅，輸了就唔使再想買樓，我唔可以搏，我只要一間普通英國樓，現在已可做到，堅持唔買虛擬貨幣。
現在資產一半以上都係現金，趁美元高位，分階段兌換成英鎊，用作買樓之用。未來嘅劇本已做好晒，差在幾時進行，「突郎浦」要降息、印錢解決債務問題，現在先以全球關稅，重挫各國貨幣，讓資金回到美元、美債，有人接咗盤先，確認繼續有人借錢俾美帝使，跟住嘅戲碼：大蕭條、通縮，然後才有條件降息、印錢，解決債務問題同時製造弱美元，增加美帝貿易嘅競爭力。
我重記得多年前，遊說我買保險嗰個，要買儲蓄人壽，又用9%及11%預計回報，退休時有幾多幾多。講真全部都係老吹，派息完全唔透明，佢話幾多就幾多，比銀行定期還少，叫你買儲蓄人壽，只因抽拥金多，移英前cut晒啲保險，得嗰雞碎咁少，好像乞丐一樣，如果唔係靠自己投資，死得！今日吹虛擬貨幣，也是一樣，科網又話改變世界、元宇宙又話改變世界、今日AI又話改變世界，咪又係得嗰吹字，今日嗰隻Tom.com咪毫子股，垃圾一隻。
真正嘅貨幣，要有三個功能：交易、儲存、價值計算，甚麼去中心化，吹咋嘛！你以為美帝真係管唔到？美帝放晒犯罪集團充公嘅虛擬貨幣，跟住派FBI封查各虛擬貨幣交易所，暫停ETF及各類投資產品嘅買賣，咁攪法，虛擬貨幣仲值唔值十萬呢？答案係一個仙都唔值，邊個保障這虛擬貨幣？美帝會容許一樣野佢係控制唔到麼？今時今日我要買車、買樓，幾時會用虛擬貨幣定價及購買呢？如果我做生意，用虛擬貨幣定價，我每秒鐘都要改價錢，會唔會咁白痴啊？狗狗幣可以買電車先講吧！
虛擬嘅野值唔值錢？你問下投資咗NFT嘅人，你問下在元宇宙買咗地嘅人，佢哋一定告訴你中肯嘅答案。遊戲裡嘅裝備，當遊戲仲流行，好多人玩嘅時候，仍有炒賣價值，但一旦過了氣，就一個仙都唔值。投機係可以賺錢，但走到嗰個先係。
沒有留言:
張貼留言