當唔識投資嘅人都話虛擬貨幣嘅時候，危機便出現，對於頂級高奴而言，虛擬貨幣是投機，並不是投資，「突郎浦」追捧虛擬貨幣，只不過回饋佢嘅追隨者，亦為美帝充公犯罪分子虛擬幣，變賣還債做伏筆…
（頂級高奴一概唔玩虛擬貨幣，巴郡主席巴菲特、已故副主席查理芒格，一粒虛擬貨幣也沒有。）講得多都口嗅，投資屬個人決定，發達、破產都唔關我事，對於低奴而言，有多麼喝求去致富，我是理解的，只是致富嘅方法，是長期有效嘅方法，經過長時間嘅累積而成，下下都係高風險投機，短時間嘅增長係非常之快，但衰一鋪就玩完，係咪真係要咁玩呢！尤其我認識嘅人，好多係All in虛擬幣，有的更為了賺十幾厘高息被鎖上交易權，好像銀行做定期鎖死筆資金，分分鐘被人偷晒，或者大冧巿，走唔切血本無歸。
「君子愛財、取之有道」，現在點解唔忍耐一下呢？股神巴菲特都係等個巿冧檔，然後去低炒，當然揸住現金放在IB也有息收，放在債基或短期美債暫時泊岸，也是可以，資金也可以短炒，睇準才出手，賺少少茶錢就算，切忌長揸。點解唔忍下呢？就好像準婚姻夫婦，如果忍到唔扑嘢，對婚姻嘅神聖及持久，有絕對嘅意義，食開禁果，日後出軌嘅機率也大增，婚姻也難持久。為了長遠嘅好處，一定要忍受短期嘅好處，嗰啲係虛幻嘅事，唔好羨慕！
（我都係賺一兩點走人，賺少少茶錢便算，千祈唔好搏！佢升破歷史新高又好，跌到停牌又好，都唔關我事，要有定力。人哋發達係人哋嘅事，佢跳樓唔通又跟佢跳麼？）
免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。
沒有留言:
張貼留言