IB投資系列：人云亦云、羊群心理係唔會賺到錢

 投資人要有個特質，絕對理性、不容易受人影響。

點解有一些人經常蝕錢？仍是因為人云亦云、羊群心理，終於跌入輸錢循環。

當個股票勁，就嗱嗱臨去買，一定高追，當巿況逆轉，卻猶豫不決，錯失良機，最後大蝕離場，「高買低賣」，唔蝕錢才奇！

要賺錢當然要逆向思維，衰到貼地才買，人人放煙花、樂不思蜀才賣，「低買高賣」才會賺大錢。

「痕身指數」萬九點，虛火嚟㗎咋，迴光反照，臨終病人臨死前嘅好轉現象，個巿仲有排跌，啲樓未跌到沙士價都要考慮清楚，正所謂「財不入急門」，急甚麼？有錢就做訂期存款、買短期美帝國債，另外，現在買投資級別嘅公司債券，也是抵買，利息唔多，但搏佢一減息，債劵價格便上升，都可執多少。

以前在HK就跟誠哥搵食，誠哥話走，都冇死錯人，現在炒美股，當然要跟巴菲特搵食，蘋果咁穩陣佢都減持，你都feel到會發生甚麼事，風暴隨時來襲，仲唔快啲鬆人！

（誠哥早有預言，問題你會唔會聽？嗰陣時形勢大好，痕指三萬點，阻人搵食猶如殺人父母，冇人聽得入耳。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。