IB投資系列：輸埋條命

 投資永遠係用多餘錢，意思係有半年至一年生活費作為緩衝，即使股巿下行，也有得守，也不至影響日常生活。

如果有孖展槓桿部分，尤其小心，IB有四、五倍槓桿，1球可以買5球貨，跌兩成就可輸晒，如果唔能夠及時補倉，補回保証明最低存款，劵商可以斬倉，冇仇報。

因此透過証券孖展戶口炒賣，係可以輸突，但券商會斬倉，因此斬完倉仲要欠債過百萬，一定唔係普通股票買賣，而係高風險投資，甚至初期投資嘅資本都係借貸而嚟，咁風險係可以超高，就好像以前地產商推出嘅「呼吸plan」，跟玩俄羅斯輪盤無分別，九死一生。

我唔係冇同情心，我哋做人做事都要有效益，我唔要求捨己為人咁偉大，但至少互惠互利，你隊死自己「歪芺」wife，對事情毫無益處，自己也受牢獄之苦，死咗都要落地獄，損人不利己，有甚麼意思，「大富豪」做咁多衰野，至少損人利己，單單情緒發洩，好似啲「天朝人」落嚟HK攪攪震，要所有人陪葬，好自私，呢啲人唔死都冇用！

（「天朝人」亂港，已不是今日嘅事情。）

如果炒燶股，最多咪破產，除非你借「大耳窿」，破咗產都冇用，券商都係正當公司，唔可以對你點樣，仔女係掂嘅，唔會冇錢就讀唔到書，唔住「恨花村」，咪住「圓朗下村」，冇得做IT，可以落地盤做老雜，「歪芺」推佢做老人院看護，有咩唔得啫？獅子山下精神，馬死落地行，說不定可以闖出一片天呢！

（暫時賣了15張期權，收2027尾元期權金，約15810講元，有皮半，算係咁！星期一再追加。）

免責聲明：本網誌一切言論並不構成要約、招攬或邀請、誘使、任何不論種類或形式之申述或訂立任何建議及推薦，讀者務請運用個人獨立思考能力自行作出投資決定，如因相關言論招致損失，概與本人無關。投資涉及風險，證券價格可升亦可跌。